Mateo 6:5 - Katɔti Ɔku Kedee

⁵ “Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Mateo 6:5 Referans Kwoze

Mateo 6:2

Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Luka 18:13

“Nsu kuyi ɔƒɔne ɔmmɔ anwu únye ɔgyu ɔgyu na uláwia ɔnii ɔɔkɔliku nwuna lili muedi katɔ. Nsu úti nwuna enu úwi kayi na ɔ́su ɔnini, ‘Katɔti, nu ami alaekpidi ɔblane kɔnyana!’ ”

Marko 11:25

Na si bíboku eli kalɔ bɛnii bɛɛkpali katɔ na bɛ́nu ka ukyuli ɔdi ɔ́ƒiɔ-mii ni, ɔlɛka biti bɛkyiɛ-nwu kalɛ na bina Ati ɔni nkya katɔ lɛnɔ weti bina ekpidi wakyiɛ-mii.

Yeremia 29:12

Na bɛdubo bunwini kama bubo-mi kudɔ na bivele-mi bɛnii mbunku-mii na ndubunu-mii bɔkpali biala na lɛbla lɛla lɛni na bɛɛwia lite-mii.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Luka 20:47

Beesié bekpinele kudɔ ka betébunku-ma, nsu baatɔ́lɔ-ma taaƒɔ-ma ala. Na baakpali katɔ gyɔlɔɔ taabu bekyuli kɔdɔlɔ. Anwuɔsu bana kɔtu bɔni bɔdubɔkɔ katɔ butulo ƒui!”

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Luka 18:1

Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Daniel 6:10

Daniel únu ɔda bubo bɔni na bényimi, nsu ka úsie kaduli ɔ́kɔ úsie ɔtɔ ɔtɔdi kemmo ni, úténye ƒansili ɔni néti anumi ɔ́tina Yerusalem na ɔ́lɛ akɔnkɔ ɔ́kpali Katɔti kalɛ kani na ɔɔyɔ́ bɔbla limeyi ndi limeyi, ɔsika kɔtɛ na ɔɔkpali Katɔti limeyi biala kemmo taagya-nwu enu.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Luka 11:43

“Bɔbuɛ muute amii Ƒarisiƒuɔ! Ɔsika bɛɛwia ka bilie kuliekɔ kunengudi na bina kasalakɔ. Na bɛɛwia ka bekyuli bataakya-mii kenye ku ɔbu na kuyeya.

Mateo 21:22

Na lɛla biala lɛni na bɛdubuye Katɔti na bɔƒɔtaadi kemmo ni, bɛdubɔkɛ-ni.”

Kɔgya 55:17

Ɔtanta ku ɔƒiiwi ku usien ƒui ndubɔkpali Katɔti, na liwulo lɛkya-nwu na ala ani muukpóku-mi ɔsu. Na ɔdubunu ute-mi.

Kɔgya 5:2

Mina Ɔga ku Katɔti, nu-mi keku kani muuwulo na mɔɔkpali-ɔ nnii bunku-mi.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Yohane 16:24

Úti úbedu uwi ɔmɛni kemmo ni, bítakpali-mi lɛnyi bítevele tɔ Katɔti lɛla lɛdi. Bivele-nwu na ɔdubute-mii, na bina ebiti adubudu awɔlɔ.

Marko 12:38

Ka Yesu ɔdaku bekyuli bamɛni ala bɔtina ni, ɔ́su-ma ɔnini, “Bɛnu kaduɛ na ɔda bubo ala batinane lɛlɔ. Ama mɔɔkya lɛwu libendi na baayɔ́ busie taavi kuyeya kalɛ na bekyuli bataakya-ma kenye ku ɔbu.

Mateo 9:38

Anwuɔsu bivele edula ɔlati ɔmmɔ na uti kabla bablane badi ubebunku kabla kammɔ kemmo.”

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Agba 16:5

Unwoti ukisi ka ukyuli ɔtalaku lɛlɔ katɔ. Anwuɔsu ɔbla ukyuli biala nwaa ka bani mɔɔtalaku lɛlɔ katɔ ni, Unwoti ɔdubɔni-ma kɔtu.

Mateo 23:6

Baayɔ́ kuliekɔ kɔbuni bulie na emeyi kadikɔ ku kuliekɔ kunengudi bulie na Yudaƒuɔ kɔsakɔ.

Agba 15:8

Bekyuli bekpidi akpala ni, Unwoti ukisi-nya. Nsu lɛlɔ lɛɛyɔ́-nwu si bekyuli bani nse siin baakpali-nwu.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:1

“Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Luka 6:24

“Nsu bɔbuɛ muute amii balakɛne, ɔsika bɛ́ɛkɛ bina ngba ebiti mɛni!