Mateo 6:25 - Katɔti Ɔku Kedee

²⁵ Anwuɔsu mɔɔsu-mii nnii biteti kasusu pii na bɔdi ku bɔni iye bina adala lɛlɔ. Ɔsika ngba bɔƒɔ kuye butulo adila. Na ɔlɔna lɛnɔ ɔ́ƒɔ kuye utulo adala.

Mateo 6:25 Referans Kwoze

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Petro 1 5:7

Biti bina ala ani muukpóku-mii ƒui bɛkya Katɔti enu kemmo, ɔsika anwu uuti-mii lɛlɔ kasusu uwi biala.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Kɔgya 55:22

Ti ƒula ala ani muukpóku-ɔ kya Unwoti enu kemmo. Na ɔdubo-ɔ bubunku na ɔda-a kpakplaa, ɔsika ulaya na bekyuli bani nsiaku-nwu kama siin baasɔ taakya lɛbibo kemmo.

Mateo 6:31

“Anwuɔsu bɛsɔ biteti kasusu bɛnii, ‘Wɛ na bɔdubɔkɛ lɛla lɛdi bɔdi? Iye lɛdi bɔni? Iye lɛdi bɔkya?’

Marko 4:19

nsu kayawi liƒu bɔda ku lɛnungyie likpidi na sika lɛlɔ ku ɔlɔna ɔkwɛ adala akya-ma kayi kemmo. Ala amɛni ényimi litemi lɛmmɔ na litanwu ebi.

Mateo 10:19

Si béti-mii bésienku litemi katɛkɔ ni, biteti kasusu na lɛla lɛni bɛdubɔsu lɛlɔ.

Korintoƒuɔ 1 7:32

Mɔɔwia ka bɛda kasusu bidie lɛla biala lɛlɔ. Ɔsika ɔnana ɔkinsi ni, uuti nwuna kasusu taasia Blɔti kabla lɛlɔ na ɔɔkya ɔkplu ka ɔbla lɛla lɛni mayɔ Blɔti kaƒɔ.

Mateo 6:34

Anwuɔsu biteti kasusu pii na kadi kani nétegye tɔ lɛlɔ. Limeyi lɛmmɔ alatidi lɛdanku nina etila. Útalɛka biti etila bamba bibunku limeyi lɛmmɔ adi lɛlɔ.

Timoteo 2 2:4

Ɔsika ukpone ɔni nnye nwuna kabla lɛlɔ geen ni, ɔɔwia ka nwuna ablala ada nwuna ɔtɔnkune ebiti. Anwuɔsu ɔsɔ ulakya bekyuli bani naaadi bekpone ablala kenye.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Luka 12:11

“Si bákpanku-mii bésienku Yudaƒuɔ kɔsakɔ iye batɔnkune iye bagadine anumi banii baatɛku-mii litemi ni, ɔƒɛ utada-mii bɛnii bi na bɛdubo bɔsu iye dɛ na bɛdubudie lɛlɔ kenye.

Marko 13:11

Na si uwi ɔni na béƒie-mii na béti-mii bésienku litemi katɛkɔ ni, biteti kasusu bitasiku lɛla lɛni na bɛdubɔsu lɛlɔ. Si uwi ɔmmɔ údu ni, na bɛsu litemi biala lɛni na Katɔti Kɔyu kɔdubute-mii. Ɔsika ɔɔɔdi amii alati kasusu kemmo litemi na bɛdubutemi. Mmomu Katɔti Kɔyu kɔdubɔya na bitemi ku nwuna kasusu.

Yeremia 45:5

Ndubo bɔya na ɔgbankpi utaalɛ kesii biala. Anwuɔsu tabla kasusu na ala ebendi adi bɔbla lɛlɔ ete lɛlɔ. Nsu muusé kenye ka ndubo-ɔ bɔgyumana na elekpi na ɔmɛni kemmo. Ami Unwoti násu.”