Mateo 6:19 - Katɔti Ɔku Kedee

¹⁹ “Bitatɛ akɛla bitese bitete lɛlɔ na kayawi kamɛni kemmo. Kayawi mɛni ni, kubweyi kɔdububile-nya na etili, na beyune lɛnɔ beduo beyu-nya.

Mateo 6:19 Referans Kwoze

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Luka 12:21

Amu na Yesu ɔ́wɔlɔ nwuna kɔtɛ ɔnini, “Lɛni na use ute bekyuli bani mɔɔwia akɛla batɛ bese lɛlɔ, na beeebo lɛla lɛdi na Katɔti anumi.”

Agba 16:16

Ɔdia geen si ukyuli ebo lɛnunda utulo ka akɛ sika ugyiedi. Na si ebo lɛlati lɛni mɔɔyá na ukyuli uunú ala kalɔ ni, ɔdia utulo sika ɔƒualadi.

Agba 11:4

Ukyuli lɛkɛ lɛɛɛdubo-nwu bubunku Unwoti litemi bɔtɛ limeyi. Nsu ngba buni bulie muudie ukyuli na kukpi kemmo.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Seƒania 1:18

Uwi ɔni na ami, Unwoti, ndubɔkɛ kɔnyi na mbada lɛlɛ-mii lɛlɔ mmɔ ni, bina sika ɔƒualadi ku sika ugyiedi ƒui muedi ulakana-mii bɔƒɔ na limeyi lɛmmɔ lɛlɔ. Ndubo kɔnyi bɔkɛ geen na libile ala aani kalɛ na ogya ɔɔda momoomo teekeyi lɛla biala ku bekyuli.”

Luka 18:24

Yesu ɔ́nu kalɛ na lɛlɔ lɛ́yuɛ-nwu na ɔ́su ɔnini, “Ubo ɔlakɛne ɔkplu asa na weduo Katɔti lɛga kadikɔ!

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.

Kɔgya 39:6

Geen ni, ukyuli ngba buuubo bɔyii taakya aani ukyuli kɔyu kɔni muuwi kalɔ. Na keeke na uutú lɛlɔ ɔnii ɔɔsála ala ute lɛlɔ. Nsu ɔɔɔgyi ukyuli ɔni ndubo ala ammɔ bɔdi.

Mateo 19:21

Yesu ɔ́su-nwu ɔnini, “Si aayɔ́ anii aabla sɛɛn awɔlɔ ƒui ni, sie na etéti ala ani ƒui na ébo eye. Na eti egulabi ammɔ ete bawabane, na adubɔkɛ lɛyuƒɔla na katɔ. Ɔmmɔ kama asa na ebo abasiaku-mi kama.”

Hiob 31:24

“Ńteti mina anu biala ńtasia lɛkɛ udu ɔdi lɛlɔ aani mina kama kekpokɔ.

Etemila 2:26

Ukyuli ɔni mɔɔbla Katɔti lɛƒɔyɔ ni, anwu na Katɔti ɔɔyá na ɔɔdá anu na uunú ala kalɔ na ɔɔyá na lɛlɔ lɛɛyɔ́ ukyuli ɔmmɔ. Nsu si bɔɔbla likpidi ni, bɔdubo lɛlɔ bususu geen bute bula lɛdila, nsu Katɔti ɔdubɔƒɔ bula akɛla ute ukyuli ɔni mɔɔbla-nwu lɛƒɔyɔ. Na nwuna kalɔ budie bɔbambadi bɔdi buuubo buuutulo ka ɔƒɛƒɛɛ kama bɔbi taasiaku kani na ɔdi.

Israelƒuɔ Bɔlɛ 22:2

“Si uyune ɔ́bwɛ úduo ukyuli ɔdi kesii uuyú na báƒiɛmi-nwu lɛla lɛdi na úkpi ni, ukyuli ɔni náƒiɛmi-nwu lɛla lɛdi mmɔ útewi ubugya kalɔ keeke.

Hiob 24:16

Alánu beyune kadi nwaa, nsu ya na ɔƒɛ ɔsa, badubɔbwɛ beduo bekyuli lɛtɔ na beyu ala, ɔsika balayɔ bukeye.

Mateo 6:20

Mmomu ni, bɛbla ala abuni ani menwini lɛyuƒɔla mete-mii na katɔ. Mmɔ ni, kubweyi kulebile-nya na eletili, na beyune lɛnɔ beleduo beletéyu-nya.

Luka 12:39

Ɔƒɛni ni, bɛdubɔnu bɛti ka si bɔti na kaduli ɔlati wati uwi ɔni na uyune webeyu-nwu ni, nka ulete-nwu kuƒi na wabwɛ weduo-nwu ɔtɔ.