Mateo 6:16 - Katɔti Ɔku Kedee

¹⁶ “Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:16 Referans Kwoze

Nehemia 1:4

Amu ka línu etemila amɛni ni, lílie kalɔ emeyi adi na líwulo kɔnyana na línyimi kenye na lívele Unwoti ɔni nkya katɔ na lɛ́kpali-nwu.

Daniel 9:3

Na kalɛ na lɛla lɛmɛni líkpoku-mi ɔsu ni, línyimi kenye na nda ala ani mɔɔtina ka muuwulo kɔnyana. Na lɛ́yu lɛ́tɛ ntɔ akɔ, na lídie mina alaekpidi kalɔ.

Luka 18:12

Muulie kɔka emeyi anyɔ na Kwasida unwi kemmo. Na muuti mina lɛkɛ lɛkpa leevudi teeboku-ɔ.’

Marko 2:18

Amu uwi ɔdi ka Yohane ku nwuna batɛyane ku Ƒarisiƒuɔ beelie kɔka na bana katɔ bɔkpali ɔsu ni, bekyuli badi bébo Yesu kudɔ bébeye-nwu banii, “Bi ɔsu na ƒula batɛyane ama belélie kɔka aani kalɛ na Yohane badi ku Ƒarisiƒuɔ beelie kɔka?”

Kɔgya 69:10

Uwi ɔni na línyimi kenye na muuwulo na líboku lɛlɔ kalɔ líte-ɔ ni, bekyuli bákɛ-mi lɛlɔ edumi.

Kɔgya 35:13

Nsu uwi ɔni na ama beeƒi ni, línyimi kenye na líti kɔnyana adala lɛ́da na lɛ́kpali katɔ lívele líte-ma. Nsu mina buvele ƒui bɔ́sɔ búnwini búbo-mi lɛgba akɔ.

Batalane Kabla 14:23

Amu na Paulo ku Barnaba lɛnɔ bédie batɔnkune béte baƒɔtaadine akpa akpa ƒui, na bákpali katɔ na bélie kɔka na béti-ma bákya Blɔti ɔni na báƒɔ bádi lɛkɔkɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Mateo 6:2

Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Samuel 2 12:16

Dawid úvele Katɔti na ubi ɔmmɔ lili. Únyimi kenye na ɔ́kalɛ lɛlɔ ɔ́kya ɔtɔ, na kalɔkplu kani na ɔɔtɛ usien biala.

Kɔgya 109:24

Lílie kɔka laa na mina akɔnkɔ aatɔ́-mi, na mina ɔlɔna ɔ́kwii útálɛ ku ekubi.

Baga 1 21:27

Amu uwi ɔni na Ahab únu Elia etemila ammɔ ɔ́wɔlɔ ni, ɔ́ni nwuna awu ɔni na ɔkya ɔ́buɛ na úti kekwa kɔdi ɔ́da lɛlɔ na úlie kɔka na ɔkɛ ɔɔví ku kɔnyana.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Malakai 3:14

“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?

Samuel 2 12:21

Dawid kabla bablane béye-nwu banini, “Bi ɔsu na aabla lɛla lɛmɛni udu? Uwi ɔni na ƒ'ubidi ɔkya ni, ényimi kenye na éwulo kɔnyana geen. Na ɔƒɛni ka ubi ɔmmɔ úkpi ni, áta na eli aadi!”

Korintoƒuɔ 2 6:5

Bekyuli bébo-bu na bákya-bu aban ɔtɔ na báyoli-bu. Na bɔ́bla kabla bútulo lɛlɔ, na bútatɛ bútalɛɛ, na kɔka lɛnɔ kɔ́da-bu.

Batalane Kabla 10:30

Na ɔmɛni ɔsu ni, Kornelio ɔ́su-nwu ɔnini, “Ɔbla emeyi ene mɛni aani uwi ɔmɛni kemmo ka nkya mɔɔkpali katɔ ɔƒiiwi aani kalɛ na mɔɔyɔ́ bɔbla uwi ndi uwi. Na kɔnakunwi ni, ɔnana ɔdi ɔ́si úbenye-mi anumi, na ɔkya awu ɔni muukeye na ɔɔtu anumi!

Mateo 6:1

“Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.