Mateo 6:13 - Katɔti Ɔku Kedee

¹³ Taya na buduo bukpoku taanu kemmo, na edie-bu alɛku alaekpidi akɔ. Ɔsika lɛga bɔdi ku ɔyikun ku bukeye bɔdi awɔ ɔdi uwi ƒui. Ɔsia lɛni.’

Mateo 6:13 Referans Kwoze

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Yohane 17:15

“Na ɔɔɔdi buvele na nda-a nnii da-ma die kayawi kamɛni kemmo. Mmomu buvele na nda-a ka agyumana-ma alɛku ukisine ɔmmɔ enu kemmo.

Mateo 26:41

Bɛsɔ bilie kagyumana na bɛkpali katɔ kalɛ na bileduo bukpoku taanu kpakplaa kemmo. Kɔyu kɔɔyɔ́ ka kɔbla, nsu ɔlɔna use kpɛtɛ kpɛtɛ.”

Budie Taatina 19:1

Ɔmɛni kama ni, línu kɔku bonwu kɔdi na katɔ aani bekyuli lisu bonwu lɛdi. Na báva momoomo básu banini, “Aleluya! Ngba bɔƒɔ ku bukeye ku ɔyikun ɔdi bula Katɔti ɔdi.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Mateo 6:10

Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Yeremia 15:21

ndubunye-ɔ kudɔ na lɛgyumana-a, ɔsika mɔɔkya-a ɔyikun.”

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Tesalonikaƒuɔ 1 1:10

Na binye bɛgya Ubidi Yesu ɔni na ɔ́gyila ɔ́lɛku bekpine akɔ, na úbo uli ngba ku Katɔti, na ɔsɔ ɔdubɔsi Katɔ Ɔga Ɔma mmɔ ubo. Yesu ɔmɛni kani ndubɔkana na ɔƒɔ-bu ɔlɛku kɔtu bɔni bɔni na Katɔti ɔdubute ekpidi bablane ƒui kemmo.

Kɔgya 47:7

Katɔti mɔɔdi kayawi ƒui lɛlɔ. Anwuɔsu bidie lɛnu bimwi-nwu.

Ala Alɛdi 1 29:11

Ebo ɔyikun bonwu geen na bekyuli baanu kalɛ na eekeye na kesii biala na katɔ mmɔ ku kalɔ lɛlɔ mɛni ƒui. Awɔ ndi kayawi kammɔ ƒui ɔga.

Budie Taatina 21:4

Na ɔdubuni-ma imii biala na bana anumi. Na kukpi kɔsɔ kulakya lɛnɔ. Na keku ku kɔnyana buwulo ku ɔlɛ bunu lɛnɔ bɔdi bɔsɔ bulakya, ɔsika ala akukudi ƒui ávi.”

Kɔgya 10:16

Unwoti ndi ɔga ɔ́si ɔƒɛni úsela uwi ƒui. Na kadi bamba bekyuli badubɔyii ƒui kede kede na nwuna kalɔ lɛlɔ.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Kɔgya 41:13

Bɛya na bumwi Unwoti ɔni ndi Israel Katɔti. Bɛya na bumwi-nwu ɔ́si ɔƒɛni úsela ƒui. Ɔsia lɛni na ɔsɔ ɔsia lɛni.

Ala Alɛdi 1 16:36

Bimwi Unwoti ɔni ndi Israelƒuɔ Katɔti lɛnyi ɔsi ɔƒɛni úsela uwi ƒui. Mmɔ na ukyuli biala ɔ́su ɔnini, “Ɔsia lɛni,” ku “Bimwi Unwoti.”

Ala Alɛdi 1 4:10

Mmɔ na Yabes ɔ́kpali Israel Katɔti ɔnii, “O Unwoti, te-mi kusɛ kusɛ na aya na mina lɛmii lɛbɛbɛ lisie kama libu na ƒula kɔnu kɔsia-mi lɛlɔ. Na edie-mi na ɔgbankpi kemmo kalɛ na likpidi lɛdi lilékpoku-mi na menu ɔlɛ ɔdi.” Na Katɔti ɔ́bla nwuna lɛyɔla úte-nwu.

Lɛkpa Ulu 8:16

Na úte-mii adila ani ndi manna na kalɔ kakwiidi kammɔ kemmo. Na adila ɔmmɔ udu ni, bina bati kuuku muedi bátati-nya kudii. Na Unwoti Katɔti ɔ́bla ɔmɛni ɔnii ɔɔnu si bɛdubɔti ka anwu nda-mii, na ɔkɔku bina bɔƒɔtaadi ɔnu kalɛ na weti ala abuni wete-mii na kawɔlɔkɔ ku kaƒɔ ƒaa.

Israelƒuɔ Bɔlɛ 15:18

Unwoti, awɔ kani ndubɔdi lɛga úsela uwi ƒui.”

Ala Kalɔ Buse 22:1

Akwa adi kama ni, Katɔti ɔ́kɔku Abraham ɔ́nu na ɔ́kpali-nwu ɔnini, “Abraham!” Na Abraham lɛnɔ ɔ́tuna ɔnini, “Ati, aanu-mi.”

Galatiƒuɔ 1:4

Kristo ɔmmɔ néti lɛlɔ ɔ́kpa na bula lili kalɛ na udie-bu ɔlɛku bula ekpidi kemmo na ɔƒɔ-bu ɔlɛku uwi ukpidi ɔni kemmo na ekpidi bɔbla bɔ́ƒɔ kayawi kemmo mɛni. Na ɔ́ƒɔ-bu lɛni ɔkɛnku Katɔti ɔni ndi bula Ɔti lɛƒɔyɔ lɛlɔ.

Korintoƒuɔ 2 1:20

Ɔsika Katɔti kenye biala na úse-bu úse ni, kébo kéte lɛni na Yesu Kristo lɛlɔ. Ɔmmɔ ɔsu na bɔɔsu na nwuna lɛnyi kemmo bɔnii, “Ɔsia lɛni.” Na buti bumwi bute Katɔti.

Kɔgya 47:2

Ɔsika Unwoti ɔni ntulo ƒui lɛlɔ libo liƒu. Na anwu mɔɔdi kayawi ƒui lɛlɔ.

Bumomo Bɔka 5:22

Ɔ́ya na ntu bɔmɛni buduo-ɔ kaƒɔ kemmo na ƒula kaƒɔna kaƒɔ ɔlɛ na liƒi lɛsia-a na ukulo-ɔ kɔwɔ.” “ ‘Mmɔ na uleku ɔmmɔ ɔdubɔsu ɔnii, “Ɔsia lɛni.”

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 1:18

Ami ndi Ukyuli Ɔni Nli Ngba! Líkpi, nsu ɔƒɛni ni, nli ngba. Na nsɔ lɛɛɛdubo bukpi kudii. Mbo ɔyikun na kukpi ku kekpine lɛlɔ.

Mateo 5:37

Bɛya na bina ɛɛn ɔbla ɛɛn, na bina oowo ɔbla oowo. Si bíti lɛla bamba bíbunku ɔmɛni lɛlɔ ni, na ɔmmɔ ɔdi ukisine ɔmmɔ ablala.

Daniel 4:25

Badubo-ɔ bɔbɔku budie bekyuli bayawine akɔ, na awɔ ku alakpi akɔ bebuo bɛsala bilie liku linwi. Na adubo livo bɔkun aani bebuo bammɔ kalɛ. Na ɔnantu ku amii eteewi-ɔ akwa maatɛ úti útédu uwi ɔni na adubɔnu ati ka Katɔti Ɔni Ntulo Ƒui mɔɔdi kayawi lɛga kadikɔ biala lɛlɔ, na uuti-ka teete ukyuli ɔni na ɔɔyɔ́.

Agba 30:8

Die katuala ku ɔkɔ bɔnyi mina lɛlɔ ƒui. Tete-mi kɔwaba, na tete-mi lɛkɛ lɛnɔ. Mmomu te-mi mina limeyi adila kani.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Korintoƒuɔ 1 14:16

Na si enye aagyá Katɔti enu na ƒula kɔyu kemmo kani ni, dɛ na wabla asa na ukyuli ɔni nkya-a kudɔ unu lɛla lɛni na aasu asa na wasu ɔnii ƒula katɔ bɔkpali bɔsia lɛni aani kalɛ na aagyá Katɔti enu ka ulenu lɛla lɛni geen na aasu mmɔ kalɔ?

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Daniel 7:18

Nsu Katɔti ɔni ntulo ƒui ɔdubo nwuna lɛga kadikɔ buti bute bekyuli bani na ɔ́ƒuna na kenwini ama kadi úsela uwi ƒui.”

Kɔgya 106:48

Bimwi Unwoti ɔni ndi Israelƒuɔ Katɔti lɛnyi. Bimwi-nwu ɔsi ɔƒɛni úsela uwi ƒui. Bɛya na ukyuli biala ɔsu ɔnini, “Ɔsia lɛni!” Bimwi Unwoti.

Kɔgya 89:52

Bete Unwoti Katɔti kusɛ kusɛ ubo-nwu kemmo lɛni. Na ɔsia lɛni.

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Baga 1 1:36

Amu na Yoiada ubidi Benaia údie kenye ɔnini, “Muuvele nnii Unwoti Katɔti ɔya na lɛla lɛni na mina ati ku Ɔga ɔ́su mɛni libo-nwu kemmo lɛni!

Budie Taatina 19:4

Na benengu aavlanyɔ-ine bammɔ ku ngba batu ine bammɔ báyu bébi kalɔ na bémwi Katɔti ɔni nlie lɛgaboku lɛmmɔ lɛlɔ banini, “Ɔsia lɛni! Aleluya!”

Budie Taatina 5:13

Na línu ka ala ani ƒui na Katɔti údie na katɔ ku kalɔ ku kekpine ku ɛpu ku kayawi beedie ɔnu banini, “Linugya ku ɔbu ku bumwi ku ɔyikun na beete anwu ɔni nlie lɛgaboku lɛlɔ ku Koƒonu Ubi ka ɔ́si ɔƒɛni úsela ƒui.”

Budie Taatina 3:14

Na ɔ́sɔ ɔ́su-mi ɔnini, “Nweni te Laodikea baƒɔtaadine ɔtu anii, “Lɛni na anwu ɔni mɔɔyá na lɛla biala lɛɛsia lɛni ɔɔsu. Na ɔdi Katɔti kenye udiene geen ɔni mɔɔbla ala ulu lɛlɔ, na anwu mɔɔdi Katɔti ala ani ƒui na údie lɛlɔ.

Hebriƒuɔ 11:36

Bekyuli béwi badi anumi kalɔ na bébo-ma. Na badi lɛnɔ ni, bébo-ma kɔgba na bákya-ma aban ɔtɔ.

Timoteo 1 1:17

Anwuɔsu ni, bɛya na buteemwi bula Katɔ Ɔga ɔni na bulánu ku bula anumi na uli ngba úsela ƒui. Na butaakɔliku anwu ɔni neeekpi kudii lɛnyi katɔ uwi ƒui. Ɔsia lɛni.

Yeremia 28:6

“Hanania, nka ɔdi-mi lɛnunsia ka Unwoti ɔbla lɛla lɛni na ásu mɛni lɛni kani. Na ɔya na basɔku lɛla biala na béti kakpakɔ mɛni bátɔlɔku beboku na bekyuli bani na béƒie lɛnɔ benwini bebo ɔma.

Kɔgya 22:28

Ɔsika lɛga kadikɔ ƒui kadi Unwoti kadi. Na anwu mɔɔdi kadi bekyuli ƒui lɛlɔ.