Mateo 6:12 - Katɔti Ɔku Kedee

¹² Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Mateo 6:12 Referans Kwoze

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Marko 11:25

Na si bíboku eli kalɔ bɛnii bɛɛkpali katɔ na bɛ́nu ka ukyuli ɔdi ɔ́ƒiɔ-mii ni, ɔlɛka biti bɛkyiɛ-nwu kalɛ na bina Ati ɔni nkya katɔ lɛnɔ weti bina ekpidi wakyiɛ-mii.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Koloseƒuɔ 3:13

Na biteebunku lɛlɔ. Na si ɔdi ɔ́ƒiɔ ɔdi ni, uti ɔkyiɛ-nwu aani kalɛ na Blɔti úti ɔ́kyiɛ-mii.

Luka 11:4

Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Luka 6:37

“Bitababla bitatɛku bekyuli litemi, na Katɔti lɛnɔ ulatɛku-mii litemi. Bitadu bekyuli kɔtɔ, na Katɔti lɛnɔ uládu-mii kɔtɔ. Biti bɛkyiɛ bekyuli, na Katɔti lɛnɔ weti wakyiɛ-mii.

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Kɔgya 32:1

Lɛlɔ lɛdubɔyɔ ukyuli ɔni na Katɔti úti nwuna bɔƒiɔ ɔ́kyiɛ-nwu na údie ekpidi nwuna lɛlɔ.

Kɔgya 130:4

Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

Baga 1 8:39

na enu bana bɔkpali na kesii kani na akya na katɔ mmɔ. Na eti bana ekpidi akyiɛ-ma na ete-ma kebunku. Ɔsika awɔ lɛti ngyi ukyuli kasusu ku kayi kemmo, na aablaku ukyuli biala kalɛ na ɔ́manku

Baga 1 8:30

Anwuɔsu nu ƒula kabla ɔblane ku Israelƒuɔ bɔkpali si bénye mɛni bákpali-ɔ. Na enu asiku katɔ, kesii kani ndi ƒula keliekɔ. Na si enu ni, na eti bana ekpidi akyiɛ-ma.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Daniel 9:19

Ti bula bɔƒiɔ kyiɛ-bu! Yile bubo na ababla lɛla lɛdi na ɔɔɔdi ƒula ɔma ɔmmɔ kani iye abu ƒula bekyuli baƒunadi lɛti ɔsu, mmomu kalɛ na aya na ƒula lɛnyi likeye ɔsu.”

Baga 1 8:34

buvele nda-a, nu-ma bɔkpali asiku katɔ mmɔ. Na eti bana ekpidi akyiɛ-ma. Na asɔku-ma ebese kalɔ kani na éti éte bana bati kuuku mmɔ lɛlɔ.

Baga 1 8:50

Na eti bana ekpidi ani ƒui bábla-a akyiɛ-ma. Na aya na bana bekisine bammɔ banu-ma kɔnyana.

Batalane Kabla 13:38

“Banwa, binu! Na Yesu ɔmɛni lɛnyi kemmo ni, Katɔti ɔdubuti bina ekpidi ɔkyiɛ-mii.

Mateo 9:2

Mmɔ na béti ɔnana ɔdi na ɔ́ƒɛ uwi kalɔ báva lɛtala lɛlɔ, na béti-nwu béboku-nwu kudɔ. Ka Yesu ɔ́nu ka báƒɔ bádi geen ɔsu ni, ɔ́su ɔlɛne ɔmmɔ ɔnini, “Ubi, kɛ kayi. Líti ƒula ekpidi lɛ́kyiɛ-ɔ.”

Mateo 26:28

Ɔmɛni ndi mina ubugya ɔni na líti muusé kenye kani na Katɔti únyimi ku nwuna bekyuli likpo. Na ndubuti-nwu liwi kalɔ na bekyuli pii lili, kalɛ na Katɔti uti ekpidi ɔkyiɛ-ma.

Luka 13:4

Na nkyuli leevu-maane bani na Siloa ɔtɔ ubendi ɔmmɔ ɔ́ƒɛ úbo na békpi nɔɔ? Bɛɛkali ka ɔmɛni ɔsu ama ndi bekyuli bekpidi ntulo ama bani nli Yerusalem mmɔ ƒui?