Mateo 6:10 - Katɔti Ɔku Kedee

¹⁰ Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Mateo 6:10 Referans Kwoze

Hebriƒuɔ 10:36

Ɔdi ka binye kpakplaa kalɛ na si bɛ́bla lɛla lɛni mɔɔyɔ́ Katɔti kaƒɔ bɛ́wɔlɔ ni, na bina kɔnu kutuku linyese lɛmmɔ.

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Mateo 26:42

Amu na Yesu ɔ́sɔ únwini úsie kunyɔdi na ɔ́kpali ɔnini, “Mina Ɔti, si lɛbibo lɛni ndubo buti mɛni lilávi-mi lɛlɔ na ɔdi-ɔ lɛƒɔyɔ ka liti-ni ni, ya na ɔlɛ lɛni.”

Mateo 12:50

Na ukyuli ɔni mɔɔbla mina Ɔti ɔni nkya katɔ lɛyɔla ni, anwu ndi mina ɔnwani ɔnanabi ku ɔnwani ulekubi ku mina uni.”

Tesalonikaƒuɔ 1 5:18

Na biti enugya bite Blɔti na lɛla biala kemmo. Ɔsika amɛni ndi ala ani na Katɔti ɔɔwia taasiku amii bani ƒui nsiaku Yesu Kristo kama.

Romaƒuɔ 12:2

Bɛsɔ bitabla unwi ku kayawi kamɛni lɛlɔ ala bɔbla. Mmomu bɛya na Katɔti ɔvumana-mii kasusu ƒui na binwini bekyuli bawɔdi. Ɔmmɔ ndubɔya na bɛnu lɛla lɛni na Katɔti ɔɔyɔ́ bɛti, na bɛbla lɛla lɛni ndia na lɛɛyɔ́-nwu kaƒɔ na lise sɛɛn lɛ́wɔlɔ.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Koloseƒuɔ 1:9

Anwuɔsu ɔ́si uwi ɔni na búnu-mii kɔku ni, bútada Katɔti bɔkpali na bina lili bútaya. Na buuvele Katɔti bɔnii ubimi bina kasusu kemmo na ɔya na bɛti nwuna lɛyɔla. Na nwuna Kɔyu kute-mii lɛnunda ku ala kalɔ bunu kalɛ na bɛti ala ani na ɔɔyɔ́ ka bɛbla.

Eƒesoƒuɔ 6:6

Ka bɛdi Kristo kabla bablane ɔsu ni, biti bina ɔyikun ƒui bɛbla lɛla lɛni na Katɔti ɔɔwia. Na ɔɔɔdi bana anumi na ɔdi ka bɛbla lɛla lɛdi biti bɛtina bekyuli kalɛ na bemwi-mii.

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Mateo 7:21

“Ɔɔɔdi ukyuli biala ɔni mɔɔlɔ-mi ɔnii, ‘Blɔti, Blɔti,’ ndubuduo Katɔti Lɛga Kadikɔ. Mmomu bekyuli bani mɔɔbla mina Ɔti ɔni nkya katɔ lɛyɔla ndubuduo mmɔ.

Petro 1 2:15

Ɔsika lɛni na Katɔti ɔɔyɔ́ ɔnii bɛbla lɛbuni na biti bɛdu ala ani na badɔlɔdi baasu kɔƒa ka baaagyi lɛla lɛdi ɔsu.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Daniel 7:27

Ɔmmɔ kama ni, lɛga kadikɔ kani ndi kenengudi ƒui kadububo kete Katɔti ɔni ntulo ƒui bekyuli baƒunadi. Na nwuna lɛga kadikɔ kammɔ kadubuse keteesie uwi ƒui, na bakladi ƒui badubo-nwu lili kalɔ bɔkya na benu-nwu litemi na babla-nwu kabla.”

Luka 22:42

Na ɔ́su ɔnini, “Ati, si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Yohane 7:17

Ukyuli ɔni mɔɔyɔ́ ka ɔbla lɛla lɛni na Katɔti ɔɔwia ni, ɔdubɔti si ala ani na mɔɔtina ási Katɔti kudɔ iye ami ɔlati ɔyikun kemmo na muutemi.

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Budie Taatina 19:6

Ɔmmɔ kama ni, línu kɔku bonwu aani bekyuli lisu lɛdi na ɔ́lɛ aani ntukpa pii bɔku ku katɔ budu taasia kama. Na baasu banini, “Aleluya! Ɔsika Blɔti ɔni mbo ɔyikun ƒui ni, bédie nwuna lɛga bɔdi keyi!

Tesalonikaƒuɔ 1 4:3

Katɔti ɔɔwia ka bɛbla lɛlɔ kedee na bɛda lɛlɔ bidie lɛsɔnɔdi kemmo ƒui.

Batalane Kabla 21:14

Amu na uwi ɔni na bɔ́nu bɔ́ti ka bulakana-nwu kasusu bunwini ni, bɔ́da-nwu bɔ́nyonu na bɔ́su bɔnini, “Babla Unwoti lɛƒɔyɔ.”

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Batalane Kabla 13:22

Nsu Katɔti ɔ́da-nwu údie liboku lɛlɔ na úti Dawid úse lɛgaboku lɛmmɔ lɛlɔ. Dawid ɔmɛni ɔdi ukyuli ɔni lɛlɔ na Katɔti ɔ́su ɔnini, ‘Lɛ́ƒuna Yese ubidi Dawid líse. Ɔdi ukyuli ɔni na mina kayi kaayɔ́, ɔsika anwu ɔdubɔbu-mi.’

Mateo 4:17

Ɔ́si uwi ɔni na Yesu útélie Kapernaum ni, úse kalɔ ɔɔkɔ́ lɛsa ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Budie Taatina 12:10

Ɔmmɔ kama línu lɛdi bonwu lɛdi na katɔ na lɛɛsu lɛnini, “Ɔƒɛni na Katɔti ngba bɔƒɔ ku nwuna ɔyikun ku lɛgadi lɛ́da lɛ́lɛ. Na nwuna Ukyuli Ɔƒunadi ɔmmɔ kenyekɔ lɛnɔ káda kálɛ. Ɔsika bábɔku baƒɔtaadine ukisine ɔmmɔ bálɛku katɔ mmɔ. Anwu muunye bula Katɔti anumi usien ku ɔƒɛ taawia baƒɔtaadine bammɔ litemi.

Petro 1 4:2

Na si bɛ́da lɛlɔ bíse lɛni ni, ɔdubɔya na bilie ngba ɔ́si ɔƒɛni úsela bitaabla lɛla lɛni mɔɔyɔ́ Katɔti kaƒɔ. Na ɔlɔna kemmo ala asɔ alátaada-mii ɔkwɛ.

Hebriƒuɔ 10:7

Mmɔ na lɛ́su nnini, ‘Ati, aanu-mi. Líbo nnii mbabla ƒula lɛƒɔyɔ aani kalɛ na bénweni básiku-mi lɛlɔ na Bunweni Kedee Ɔku kemmo.’ ”

Luka 19:38

Na básu banii, “Bimwi Ɔga ɔni nási ɔdubo na Blɔti lɛnyi kemmo! Na keyi buɛɛ kaƒɔ Katɔ Ɔga Ɔma ƒui! Hosiana!”

Marko 3:35

Ukyuli biala ɔni mɔɔbla Katɔti lɛƒɔyɔ ni, anwu ndi mina ɔnwani ɔnanabi iye mina ɔnwani ulekubi iye mina uni.”

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Daniel 7:13

Ntɛ mɔɔnu ala ani ƒui mɔɔlɛ́ usien ɔmmɔ, na lɛ́nu ukyuli ɔdi ɔni nse aani ɔyawine ubi na ɔ́si ɔdubo na ulɔyɔ kemmo na kayaa. Na bébeti-nwu bétényene Katɔti ɔni nli uwi ƒui anumi.

Nehemia 9:6

Awɔ lɛti ndi Unwoti. Na awɔ nédie katɔ ku katɔ katɔ ƒui muedi, ku ala ani nkya-nya kemmo. Na awɔ kani nédie kalɔ ku ala ani ƒui nkya-ka ƒui kemmo ku ɛpu ku ala ani ƒui nkya-nwu kemmo. Na awɔ muute lɛla biala ngba, na ala ani nkya katɔ eeboku lili kalɔ teete-ɔ.

Marko 11:10

Biti bumwi bite Ɔga Dawid lɛga kadikɔ kani ndubo! Hosiana ute Katɔti na katɔ ƒui!”

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Budie Taatina 20:4

Na ɔmɛni kama ni, lɛ́nu agaboku adi. Na bekyuli bani na Katɔti úte ɔyikun ka batɛku bekyuli litemi ni, belie-nya lɛlɔ. Na lɛ́nu bekyuli babambadi ayu. Ama ndi bani nédie Blɔti Yesu kenye na básu Katɔti litemi. Anwuɔsu kayawi bekyuli békulo-ma eli. Ama ndi bani nétemwi eƒiebuo ɔmmɔ iye eƒiebuo ɔmmɔ baƒiɔ bani bése béte lɛlɔ ka bataakpa. Na bátasia-ma nwuna likpose lɛdi na bana atɛntɛ iye enu lɛlɔ. Bekyuli bamɛni básɔ báta bébelie ngba na bádiku Kristo lɛga akwa apim unwi.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Koloseƒuɔ 1:13

Na anwu náda-bu údie ukisine ɔmmɔ enu kemmo na kasuudikɔ mmɔ, na úti-bu útákya Ubidi ɔni na ɔɔyɔ́ geen mmɔ lɛga bɔdi kemmo.

Luka 19:11

Amu na bekyuli bammɔ bakɛ beenú ala ani na Yesu ɔkɛ ɔɔsu-ma. Na úsie anumi na úbo-ma lɛgba lɛdi, ɔsika ɔ́ɔkpɛ úde Yerusalem na bákali banii Katɔti lɛga kadikɔ kammɔ kéede geen ɔƒɛni.

Sakaria 9:9

Ukyuli biala ɔni nkya Sion ɔdi limeyi na ɔva momoomo ku ebiti banini, “Bɛnu! Bina ɔga ɔdubo-mii kudɔ. Use siin na ɔdanku bɔƒɔ. Uboku lɛlɔ kalɔ na ulie ebuo ala utine ubi lɛlɔ ɔdubo.

Yesaia 2:2

Na uwi ukplodi kemmo ni, kɔbi kɔni lɛlɔ na Katɔti kakpakɔ kenye ndubɔbla kɔbi kɔni náƒɔ kuye kutulo abi ƒui akɔ. Kɔdubɔkuku kɔvia abi ƒui eli, na kadi bekyuli ƒui badubukeli besie mmɔ.

Batalane Kabla 22:14

Amu na ɔ́su-mi ɔnini, ‘Bula bati kuuku Katɔti náƒuna-a kalɛ na anu nwuna lɛyɔla ati, na anu nwuna Ukyuli Ɔƒunadi Kedee ɔmmɔ lɛnɔ ati, na eteenu-nwu lɛdi.

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.