Mateo 6:1 - Katɔti Ɔku Kedee

¹ “Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.

Mateo 6:1 Referans Kwoze

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Yohane 12:43

Na baayɔ́ ɔbu ɔni nási bekyuli kudɔ teetulo ɔni nási Katɔti kudɔ.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Galatiƒuɔ 6:12

Bani nnye-mii lɛlɔ na baayɔ́ ka bikulo ago mmɔ ni, ama ndi bekyuli bani mɔɔkun lɛmɛnɛ na ɔlɔna lɛlɔ. Baabla ɔmɛni kalɛ na bekyuli belékpoku-ma na Kristo kukpi na ugyii lɛlɔ litemi ɔsu.

Yohane 5:44

Dɛ na ɔdubɔbla asa na bɛƒɔ-mi bɛdi ka bilie bɛɛwia bumwi taasiku bina lɛlɔ kudɔ, na biláwia ka Anwu ɔni lɛti pɛ ndi Katɔti umwi-mii?

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Yohane 2 1:8

Anwuɔsu binye kagyumana kalɛ na bilatuma bilewiakun, mmomu na bina katuma kalɛ-mii kɔsia na kudu kɔwɔlɔ.

Marko 8:15

Amu na Yesu ɔ́su-ma ɔnini, “Binye kagyumana na bɛnu kaduɛ na Ɔga Herode ku Ƒarisiƒuɔ bɔnyii bɔni na baakya bodobodo kemmo na uuƒu lɛlɔ.”

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 16:6

Mmɔ na Yesu ɔ́su-ma ɔnini, “Bɛnu kaduɛ na Ƒarisiƒuɔ ku Sadukiƒuɔ bɔnyii bɔni baakya ala kemmo na uuƒu lɛlɔ.”

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Mateo 5:48

Bɛbla sɛɛn aani kalɛ na bina Ɔti ɔni nkya katɔ use sɛɛn.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Luka 11:35

Anwuɔsu sia lɛlɔ anu na ati ka bukeye bɔni na bɔkya-a lɛlɔ kemmo bɔɔɔdi lɛdisa.

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Luka 12:1

Ka bekyuli mpim mpim badi bábasa mmɔ ɔni na baanya lɛlɔ muedi ni, Yesu ɔ́ka nwuna batɛyane bɔsu ɔnini, “Binye kagyumana kaduɛ na Ƒarisiƒuɔ ɔkɔ ablala ani muuƒú bekyuli mmɔ lɛlɔ.

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 5:46

Si bekyuli bani mɔɔyɔ́-mii kani na amii lɛnɔ bɛɛyɔ́ ni, Katɔti ɔɔɔdubo-mii kayu kadi bɔƒɔ. Lɛni kani na kuyi baƒɔne lɛnɔ baabla.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 6:9

Anwuɔsu lɛni na ɔlɛka bɛkpali katɔ bɛsu bɛnii, “ ‘Bula Ɔti ɔni nkya katɔ, balɔ-ɔ lɛnyi buni.

Lɛkpa Ulu 24:13

Mmomu useyi uwi ni, ti ɔwabane ɔmmɔ kɔdi boku-nwu na ubi lɛlɔ ɔtɛ. Na ɔmɛni ɔdubɔda-nwu kubiti na kaƒɔ kadubɔyɔ bina Unwoti Katɔti.

Hebriƒuɔ 2:1

Ɔmɛni ɔsu na ɔdi ka bɔbla bɔsiaku ala ani na búnu lɛlɔ kaduɛ na bɔda-nya kpakplaa kalɛ na bulayii ulu geen ɔmmɔ.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Baga 2 10:31

Nsu Yehu úteti nwuna kayi ƒui útasia Unwoti ɔni ndi Israelƒuɔ ɔti ɔda bubo lɛlɔ. Mmomu ɔ́siaku Yerobeam ɔbladu kama na ɔ́kpanku Israelƒuɔ útákya likpidi kemmo.

Baga 2 10:16

Na Yehu ɔ́su-nwu ɔnini, “Siaku-mi na awɔ ɔlati anu ku ƒula anumi kalɛ na mbo kogyoklo nte Unwoti kabla.” Amu na bana inyɔ ƒui bélie ɔpɔnkɔ kɛɛkɛ ɔmmɔ bésie Samaria.

Sakaria 13:4

“Na kɔƒa kɔdubukpo kenye bediene bammɔ na bana ɔkɔ kɔyu kemmo ala ani na ama alati banii baanu ɔsu, na basɔ balakya bana adala na batɔlɔ ka badi kenye bediene badi.

Batalane Kabla 3:12

Amu ka Petro ɔ́nu bekyuli bammɔ ni, ɔ́su-ma ɔnini, “Israelƒuɔ, bi mɔɔbla-mii dɛye dɛye pii taasiku lɛla lɛmɛni lɛlɔ lɛni? Na bi ɔsu na bɛɛnu-bu aani bekyuli kedee badi na bɔdi? Bitakali bɛnii abu alati ɔyikun kemmo na búti bɔ́bwi ukyuli ɔmɛni!