Mateo 5:6 - Katɔti Ɔku Kedee

⁶ Lɛlɔ litaayɔ bekyuli bani na anumi eegyie-ma ka belie siin na Katɔti anumi. Badubɔkɛ lɛla lɛni mayɔ-ma kaƒɔ.

Mateo 5:6 Referans Kwoze

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Kɔgya 107:9

Bani na utukwɛ ɔɔda ni, uute-ma ntu na baaní. Na bani na kɔka mɔɔda-ma ni, uute ama lɛnɔ adila abuni na baadi teemo.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Kɔgya 145:19

Bekyuli bani ƒui mɔɔyia-nwu ku ɔbu ni, ɔɔbla bana lɛyɔla teete-ma. Na uunú bana kɔvanu na uubo taabaƒɔ-ma si bévele-nwu.

Yohane 7:37

Na limeyi likplodi lɛlɔ na emeyi ammɔ bɔdi kemmo ɔni ndi limeyi linengudi ni, Yesu ɔ́ta únye na ɔ́su ku lɛdi momoomo ɔnini, “Si utukwɛ ɔɔda ukyuli ɔdi ni, ukyuli ɔmmɔ ɔtɔlɔ ubo-mi kudɔ na ubani ntu.

Budie Taatina 7:16

Na kɔka iye utukwɛ ɔsɔ uladu-ma kudii. Na ɔƒɛ iye liwulu lɛdi lɛsɔ lileƒi-ma.

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Yesaia 44:3

Ndubɔya na ɔnantu ɔna uwi kalɔ kani mɔɔwia ntu na ntukpa bɔlɛ kalɔ kakwiidi kammɔ kemmo. Na ndubuti mina Kɔyu lite bina bawɔ na mina kusɛ kusɛ ɔsiaku bina kaba kemmo bebi.

Luka 1:53

Ɔ́ya na bekyuli bani na kɔka kɔɔda ƒui bémo ku ala abuni sɔɔn, na balakɛne bénwini ku enukplu.

Yesaia 65:13

“Binu! Ami Unwoti Ɔyikune Ƒui mɔɔsu-mii nwaa ka mina kabla bablane badubo bɔdi, nsu kɔka kɔdubo amii alaekpidi bablane butaada uwi biala. Na badubo bɔni, nsu ntukwɛ ɔdubo-mii butaada uwi ndi uwi. Na lɛlɔ lɛdubo-ma bɔyɔ, nsu kɔƒa kɔdubo-mii bukpo.

Kɔgya 65:4

Lɛlɔ lɛdubɔyɔ bekyuli bani na awɔ ɔlati áƒuna ka bebelie-ɔ kudɔ na ƒula kakpakɔ kedee kaduli. Na badubɔkɛ ebiti geen na ƒula kudɔ bulie kemmo na mmɔ.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Kɔgya 84:2

Na mɔɔwia geen ka lɛkya ƒula kaduli mmɔ. Na muudie ebiti lɛnu ku mina kayi ƒui teete awɔ Katɔti ɔni nli ngba uwi ƒui.

Luka 6:25

Bɔbuɛ muute amii bani némo ɔƒɛni, ɔsika kɔka kɔdubo-mii bɔda! Bɔbuɛ muute amii bani mɔɔmá ɔƒɛni, ɔsika bɛdubo kɔnyana ku keku buwulo!

Yesaia 41:17

“Uwi ɔni na bawabane ku bani na bese kpɛtɛ kpɛtɛ beekpi utukwɛ na balakɛ ntu na bani ni, ami Unwoti Israel Katɔti ndubo na mbedie-ma na naaayiƒala-ma kudii.

Kɔgya 63:5

Ndubudie lɛnu ku ebiti limwi-ɔ na kayi kayɔ-mi buɛɛ aani ukyuli ɔni na bálɔ bésienku limeyi kadikɔ na ɔ́kɛ ala abuni ƒui ɔ́di na émo-nwu kaduɛ.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Yesaia 66:11

Ɔsika bɛdubo bɔdi bumo bɔsia kama na lɛlɔ lɛyɔ-mii aani kalɛ na bebiwɔ baanyimi anyii ntu teemo na bana bawɔne lɛgba lɛlɔ na baada-ma taamana kayi na lɛlɔ lɛɛyɔ́-ma.”

Agba 10:24

Ala ani na balalane baayia ka atalɛku-ma ni, anya geen ndubɔlɛku-ma. Na lɛni kani na bekyuli babuni ala ani lɛlɔ na bebo lɛnunsia adububo ete-ma.

Agba 21:21

Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

Yeremia 31:25

Bani na lɛlɔ lítu-ma na bábla kpɛtɛ kpɛtɛ ni, badubo ɔyikun ku ngba ɔwɔdi bɔkɛ.