Mateo 5:45 - Katɔti Ɔku Kedee

⁴⁵ Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Mateo 5:45 Referans Kwoze

Kɔgya 145:9

Unwoti Katɔti ɔdia ute ukyuli biala. Na ala ani ƒui na údie ni, ɔɔnu ana ƒui kɔnyana.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Batalane Kabla 14:17

Nsu úteedie lɛlɔ taatina-bu na nwuna ala abuni bɔbla ani mɔɔtina ka ɔkya sɔsɔ. Na uwi ndi uwi ni, ubo lɛla lɛni muunyimene-bu na nwuna ala abuni lɛlɔ. Uute-bu ɔnantu uwi ndi uwi ku edula abuni ku adila ku ebiti lɛnɔ.”

Hiob 25:3

Ɔma ndubɔkana na ɔka nwuna bekpone esu esu ani nkya katɔ? Na ɔma lɛlɔ na Katɔti bukeye bulátu teewi?

Eƒesoƒuɔ 5:1

Ka bɛdi Katɔti bebi bani na ɔɔyɔ́ ɔsu ni, amii lɛnɔ bɛkya ɔkplu na bɛlɛ-nwu.

Mateo 5:9

Lɛlɔ litaayɔ bekyuli bani mɔɔklibi bekyuli ntɛ. Katɔti ɔdubɔlɔ-ma ɔnii nwuna bebi geen.

Yohane 13:35

Na si bɛɛyɔ́ lɛlɔ lɛni ni, ukyuli biala ɔdubɔnu ɔti ka mina batɛyane na bɛdi.”

Yohane 1 3:9

Ama bani ndi Katɔti bebi ni, belélie taabla likpidi. Ɔsika Katɔti udu nkya-ma lɛlɔ kemmo ɔƒaani. Na ka Katɔti ndi-ma Ɔti ɔsu ni, balakana bulie butaabla likpidi.

Yeremia 5:24

Bíbulo bɔsu bɛnini, ‘Bɛya na bɔbu Unwoti! Anwu ndi ukyuli ɔni mɔɔyá na ketudi ɔnantu ku kaƒɛndi ɔnantu ɔɔna teete-bu. Na ɔɔyá na edula aadia-bu na bɔƒɛ.’

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.