Mateo 5:42 - Katɔti Ɔku Kedee

⁴² Si ukyuli ɔdi úye-ɔ lɛla lɛdi ni, te-nwu. Na si kevokɔ na ɔdi lɛnɔ uye-ɔ ni, na ete-nwu.

Mateo 5:42 Referans Kwoze

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Kɔgya 37:21

Balalane beevó ala na balásɔku teesienku. Nsu bekyuli bani nse siin baanu kɔnyana na beete taasia kama.

Romaƒuɔ 12:20

Mmomu na Bunweni Kedee Ɔku kemmo ni, básu-bu banii, “Si kɔka kɔɔda ƒula ukisine ni, te-nwu adila na ɔdi. Si utukwɛ mɔɔda-nwu ni, te-nwu ntu na ɔni. Ɔsika si ábla lɛni ni, édie ogya ku agyabi éwi-nwu lili.”

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Etemila 11:6

Nye kabla lɛlɔ kpakplaa na akya edula lɛdigye ku useyi uwi ka aaagyi ani geen ndubo bɔdia iye si ana ƒui madia.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Agba 21:26

Ama belemo kudii. Mmomu kalɛ na bakɛ bebu ni, nwuna kasusu kani na beeti. Nsu bani mɔɔyia Unwoti ni, ama beete ala ku kaƒɔ ƒaa.

Mateo 5:41

Na si bekpone akɔ ɔdi únye-ɔ lɛlɔ ɔnii tiku-nwu etila na bisie liluku linwi ni, awɔ sie anyɔ.