Mateo 5:30 - Katɔti Ɔku Kedee

³⁰ Na si ƒula kɔdianu kɔnu mɔɔyá-a na aabla likpidi ni, kulo-ku vaakun. Ɔdia ute-ɔ ka ƒula lɛlɔ kakɛ kadi kayii utulo si Katɔti úti awɔ ukyuli umodi ɔmmɔ ƒui ɔ́kya lɛgyavonku kemmo.

Mateo 5:30 Referans Kwoze

Marko 9:43

“Anwuɔsu si ƒula kɔnu kunwi kuubile ƒula bɔƒɔtaadi ni, tuna na ekulo-ku edie! Ɔdia ka ebo kɔnu kunwi pɛ na eli ngba uwi ɔni ƒui utulo ka ebo enu anyɔ na Katɔti ɔdububo-ɔ ɔvaakun na kebu kani na baakyula ala ani naaadia kemmo.

Mateo 5:29

Anwuɔsu si ƒula kɔdianu lɛnimi lɛɛyá na aabla likpidi ni, die-ni vaakun. Ɔdia ute-ɔ ka ƒula lɛlɔ kakɛ kadi kayii utulo si Katɔti úti awɔ ukyuli umodi ɔmmɔ ƒui ɔ́kya lɛgyavonku kemmo.

Petro 1 2:8

Na Bunweni Kedee Ɔku likpo bamba lɛɛsu lɛnini, “Ɔdi lɛtabi lɛni ndubɔya na bekyuli betulo, na ani kani ndubɔya na begyiile bebuli.” Bétulo, ɔsika bátadi litemi lɛmmɔ lɛlɔ. Na lɛni na Katɔti ɔ́su úse ka walɛku-ma.

Korintoƒuɔ 1 8:13

Anwuɔsu si adila ani na mɔɔdi adubɔya na mina ɔnwani ɔbla likpidi ni, nsɔ lɛɛɛdubo adila ani na béti bákpa béte baƒiɔ bɔdi kudii kalɛ na mina ɔnwani weduo likpidi kemmo.

Luka 17:2

Si béti kukɔ bonwu kɔdi báƒala-nwu ɔkwɛ na bányina-nwu bákya ɛpu kemmo muedi ni, ɔdia-nwu utulo kɔtu kɔni na Katɔti ɔdubɔni anwu ɔni maya na likpidi lɛsia-nwu lɛlɔ liduo mina banamu akɔ.

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Galatiƒuɔ 5:11

Banwa, na mina kakɛ ni, si bɔsu na mmu mɔɔsu bekyuli ka ɔlɛka bekulo ago ni, na nka bi ɔsu na bekyuli beekpóku-mi? Na ɔɔtina ka nka Kristo kukpi na ugyii lɛlɔ lɛsa lɛni mɔɔkɔ́ ni, ɔsɔ ulékpoku Yudaƒuɔ.

Romaƒuɔ 9:33

Ɔmmɔ ɔsu na bétulo Kristo ɔni nse aani lɛtabi lɛni náda-ma ulu aani kalɛ na ɔkya Bunweni Kedee Ɔku kemmo banini, “Binu! Lɛ́ƒuna lɛtabi lɛdi na Sion lɛni ndubɔya na bekyuli betulo. Na ani kani ndubɔya na begyiile bebuli. Nsu ukyuli biala ɔni maƒɔ-nwu madi ni, kɔƒa kulékpo-nwu kudii.”

Mateo 26:31

Mmɔ na Yesu ɔ́su nwuna batɛyane ɔnini, “Bina ƒui bɛdubukeli-mi kudɔ, na kebu ami lɛti. Ɔsika Bunweni Kedee Ɔku ɔɔsu ɔnini, “ ‘Katɔti ɔdubɔdu baƒonu ɔdane ɔmmɔ na nwuna baƒonu begyingya.’

Mateo 22:13

“Amu na ɔ́su nwuna bagyumanane mmɔ ɔnini, ‘Bibo kɔgba bɛda-nwu enu ku lɛgba, na bibo-nwu bɛlɛku bitákya kasuudikɔ. Mmɔ na keku ku animi bɔdu bɔdubɔkya.’ ”

Mateo 25:20

Kabla ɔblane ɔni náƒɔ egulabi aƒo alɔ úti aƒo alɔ bamba ɔ́sia úboku na ɔ́su ɔnii, ‘Ati, éte-mi egulabi aƒo alɔ na lɛ́kɛ alɔ líbunku.’

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Mateo 11:6

Lɛlɔ litaayɔ bekyuli bani na bana kasusu kalabla inyɔ inyɔ na mina ala ani mɔɔbla ɔsu.”

Mateo 5:22

Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Mateo 17:27

Nsu ka bulayɔ bɔnii bɔɔƒiɔ́ ukyuli ɔdi ɔsu ni, teesie ɛpu kɔtu na atátu ɔdaa. Na kabɛ kedeedi kani na adubɔni alɛku ni, adubɔnu ligulabi lɛdi na nwuna kenye lɛni ndubudu ami ku-ɔ kakpakɔ kuyi bɔƒɔ. Die-ni, na atáƒɔ-ma bula kuyi kayu.”

Mateo 18:8

Anwuɔsu si ƒula kɔnu iye ƒula ɔgba mɔɔyá na aabla likpidi ni, kulo-ku vaakun. Ɔdia ute-ɔ si ebo kɔnu kunwi iye ɔgba unwi na ákɛ ngba ƒui utulo ka ebo enu ku lɛgba na Katɔti uti-ɔ ɔkya lɛgyavonku kemmo.