Mateo 5:22 - Katɔti Ɔku Kedee

²² Nsu ɔƒɛni ni, ami mɔɔsu-mii nnii ukyuli ɔni meti kɔnyi makya ɔnwani ni, badubɔtɛku-nwu litemi. Na ukyuli ɔni lɛnɔ masu ɔnwani ɔnii, ‘Aaadi ukyuli ɔdi’ ni, badubɔlɔ-nwu benengu anumi. Na ukyuli ɔni masu ɔnwani ɔnii, ‘Ɔdɔlɔdi na adi’ ni, Katɔti ɔdubɔni-nwu kɔtu na lɛgyavonku lɛmmɔ kemmo.

Mateo 5:22 Referans Kwoze

Yohane 1 2:9

Na ukyuli biala ɔni masu ɔnii ɔkya bukeye kemmo nsu uukisi nwuna ɔƒɔtaadine ɔkpana ni, ɔmu ɔkya lɛdisa kemmo.

Yakobo 3:6

Lɛni kani na unyemi use aani ogya kalɛ. Use aani kayawi kani na alaekpidi áƒɔ-ka ƒui. Na ɔkya-bu ɔlɔna kemmo uubile ɔlɔna umodi ɔmmɔ ƒui ku nwuna enyekpi. Ɔɔyila-bu udu na ngba bɔmɛni kemmo. Na nwuna enyekpi ási ukisine ɔmmɔ ɔyikun kemmo na ɔdubuti ɔkyula kayawi kamɛni ku kana ala ƒui.

Tito 3:2

Na asu-ma anii batalɔ ukyuli ɔdi lɛnyikpi. Mmomu badi kɔnwa na belie ku keyi buɛɛ. Na bataabu bekyuli na ulu biala lɛlɔ.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Mateo 18:35

Amu na Yesu ɔ́wɔlɔ kɔtɛ kɔmmɔ ɔnini, “Lɛni kani na mina Ɔti ɔni nkya katɔ ɔdubɔbla bina akɔ ɔdi biala si biléti taakyiɛ bina baƒɔtaadine bakpana ɔ́si bina kayi kemmo ƒui.”

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Romaƒuɔ 12:10

Biti bɔyɔ bite lɛlɔ ku kayi ƒaa aani banwa baƒɔtaadine. Na bɛbu bina bakpana bitulo lɛlɔ.

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.

Mateo 18:21

Amu na Petro ɔ́kpɛ úde Yesu na úye-nwu ɔnini, “Blɔti, si mina ɔƒɔtaadine ɔkpana ɔɔƒiɔ́-mi ni, kɔlɛ na ɔdi ka liti lɛkyiɛ-nwu? Nti nkyiɛ-nwu laa maatɛ?”

Kɔgya 109:3

Báda-mi ulu ku bana enyekpi na beekpóku-mi ɔni na ńtabla-ma lɛla lɛdi.

Kɔgya 37:8

Da kɔnyi buti ya. Na ada livoƒi ala aya. Taya na anumi egyie-ɔ. Si ɔɔɔdi lɛni ni, ɔdubuti-ɔ butákya likpidi bɔbla kemmo.

Yuda 1:9

Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”

Yohane 1 3:10

Bɛya na lɛtina-mii kalɛ na bɔɔnu taati kavumana kani nkya Katɔti bebi ku Satan bebi ntɛ. Ukyuli biala ɔni naaabla ala siin ni, iye ulayɔ nwuna ɔnwa ɔƒɔtaadine ni, ɔɔɔdi Katɔti ubidi.

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Marko 14:55

Bakpane benengu bamɛni ku litemi batɛne bani nlie mmɔ ƒui báyɔ ka nka bawia Yesu litemi lɛdi lɛni lɛlɔ basia na bakɛ-nwu badu. Nsu bátakana lɛla lɛdi bɔnu bɔsiku-nwu lɛlɔ.

Mateo 26:59

Bakpane benengu bamɛni ku litemi batɛne bani nlie mmɔ ƒui báyɔ ka bawiaku Yesu litemi lɛdi lɛni lɛlɔ na basia na bakɛ-nwu badu.

Lɛkpa Ulu 15:11

Na bawabane badubɔkya bina akɔ uwi ndi uwi na kalɔ kani lɛlɔ na bísela bitélie mmɔ. Anwuɔsu muubo-mii ɔda nnii, biteebunku bawabane bammɔ ku bekyuli bani ƒui mɔɔyáki lɛla lɛdi.

Yohane 11:47

Anwuɔsu Ƒarisiƒuɔ ku bakpane benengu bása ku Yudaƒuɔ batɔnkune bammɔ na béye lɛlɔ banini, “Bi na ɔlɛka bɔbla? Bɛnu akɔla budie taatina ani udu na ukyuli ɔmɛni ɔdaku bɔbla!

Budie Taatina 20:14

Béti kukpi ku kekpine kammɔ ƒui bébo bátákya lɛgyavonku kemmo. Na ɔmɛni ndi kukpi kunyɔdi.

Batalane Kabla 7:37

“Mose ɔmmɔ ɔlatidi násu Israelƒuɔ ɔnini, ‘Katɔti ɔdubudie kenye udiene ɔdi aani ami kalɛ, na ɔdubudie-nwu ɔlɛku bina kaba kemmo.’

Luka 12:5

Ukyuli ɔni na ɔlɛka bɛyia ni, ndubo-mii bɔtina. Bɛyia Katɔti ɔni na si ɔ́du-ɔ ɔ́wɔlɔ ni, na ɔsɔ ubo ɔyikun na uti-ɔ ubo ɔkya lɛgyavonku lɛni mɔɔda uwi ƒui kemmo. Bɛƒɔ-mi bɛdi ka ni, anwu ndi ukyuli ɔni na ɔlɛka bɛyia.

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Mateo 5:34

Nsu ɔƒɛni ni, ami mɔɔsu-mii nnii bitakpali ala si biisé kenye kadi. Bitakpali ala bitalɔ katɔ, ɔsika mmɔ ndi Katɔti lɛgaboku.

Mateo 3:17

Na bénu Katɔti lɛdi ka lɛ́si katɔ lɛnini, “Ɔmɛni ndi mina Ubi Ɔyɔne ɔni mɔɔƒɔ́-mi anu geen.”

Obadia 1:10

Bɛ́bla bina lɛlɔ bekyuli bani ndi Yakob kaba kemmo bebi kalala. Anwuɔsu ɔƒaani ni, bɛdubo kɔƒa bɔdi uwi ƒui na badi-mii lɛlɔ.

Agba 14:16

Banundane baatí lɛlɔ kalɛ na beekeli ɔgbankpi. Badɔlɔdi ama baatu lili taakya lɛla biala kemmo ku kayi kekpidi.

Kɔgya 7:4

Mina ɔkpana ɔmani na lídie líte iye mina ukisine ɔmani lɛlɔ na lɛ́ta línye na ulu ukpidi ɔdi lɛlɔ?

Ala Kalɔ Buse 37:4

Ka nwuna banwani bánu báti ka bana ɔti ɔɔyɔ́ Yoseƒ teetulo-ma ɔsu ni, balátɛmiku-nwu ku lɛdi buɛɛ munu munu. Na beekisi-nwu.

Yohane 1 5:16

Si ɔdi ɔ́nu ka nwuna ɔnwa ɔƒɔtaadine ɔ́bla likpidi lɛdi lɛni na lilákpanku-nwu taatákya kukpi ƒui kemmo ni, ɔkpali katɔ na nwuna lili na Katɔti ɔdubute-nwu ngba. Na ɔmɛni use ute bekyuli bani na bana ekpidi alákpanku-ma taatákya kukpi ƒui kemmo. Nsu likpidi lɛdi lɛkya lɛni mɔɔkpanku bekyuli taatákya kukpi ƒui kemmo. Na naaasu nnii bɛkpali katɔ na likpidi lɛmɛni lili.

Yakobo 2:20

Ɔdɔlɔdi! Bɔtina na nsɔ ndubo-ɔ bɔtina nnii bɔƒɔtaadi bɔni lɛlɔ na kabla keeebunku ni, bɔdi bɔƒɔtaadi bukpludi?

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Hebriƒuɔ 5:9

Na ka Katɔti ɔ́ya na ɔ́bla nwuna kabla ɔ́wɔlɔ ni, únwini ukyuli ɔni lɛlɔ na bekyuli bani muunú-nwu litemi ƒui baasia taakɛ ngba bɔƒɔ.

Korintoƒuɔ 1 6:6

Nsu ɔnwa ɔƒɔtaadine uuti ɔkpanadi teesienku bekyuli bani naaadi baƒɔtaadine kudɔ banii batɛ bana etemila.

Batalane Kabla 5:27

Amu ka béti batalane bammɔ bébenyene-ma anumi ni,

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Mateo 23:33

“Bekyuli bekpidi bɛdi! Bise aani balakpi ku bana bebi! Anwuɔsu ni, bɛɛɛdubo bɔkana na bikeli Katɔti kɔtu kɔni na ɔdubɔni-mii na lɛgyavonku kemmo!

Mateo 23:15

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛkɛ kayawi ekpo ekpo ƒui biitú lɛlɔ kalɛ na bɛkɛ ina ɔƒɔtaadine unwi bite Katɔti. Na si bɛ́kɛ ɔdi ni, bɛɛtina-nwu kalɛ na ubie na uduo lɛgyavonku lɛmmɔ kemmo utulo amii alati ƒui!

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Mateo 10:17

Bɛsia lɛlɔ anu, ɔsika bekyuli badubudie-mii bete na beƒie-mii besienku litemi katɛkɔ. Na badubo-mii bubo lɛnɔ na Yudaƒuɔ kɔsakɔ.

Obadia 1:12

Bi ɔsu na lɛlɔ lɛɛyɔ́-mii si ɔgbankpi ɔmɛni udu ɔ́lɛku bina lɛlɔ bekyuli? Na bi ɔsu na ebiti aada-mii lɛni si Yudani biala uubó abi amɛni udu?

Daniel 3:19

Amu ka básu lɛni ni, Nebukadnesar ɔ́nyina anumi geen ku kɔnyi ɔ́kya nkyuli ɛtɛ bamɛni. Na ɔ́su nwuna kabla bablane ɔnii basɔ babla lɛgyavonku lɛmmɔ na lɛƒɔ ogya libu akpa maatɛ.

Daniel 3:13

Ɔmɛni ɔsu Ɔga Nebukadnesar ɔ́kɛ kɔnyi geen, na ɔ́ya na bététiku-ma béboku.

Kɔnyana Buwulo 3:52

Ńtabla lɛla lɛni na ukyuli ɔdi ɔsu ɔnii anwuɔsu na ɔlɛka ukisi-mi. Nsu basiaku-mi baabwi-mi aani aasɛ ka badu-mi.

Yeremia 17:11

Bɛ́nya bina bakpana bɛ́kya, nsu ala ani ƒui na bɛ́kɛ na ese-mii ni, adubo bɔtɔlɔ-mii kudɔ aani baasɛ avala ani na béyu bákya aasɛ bamba kalɔ na évuo. Na mmɔ na bɛdubɔnu bɔti badɔlɔdi bani udu na bɛdi.”

Agba 18:6

Badɔlɔdi beeebo kadɔ bɔdɔ, na bana kama ku ugyii.

Kɔgya 92:6

Ususu ɔdi ulakana-ka bɔnu bɔti na ɔdɔlɔdi lɛnɔ ulénu-ka kalɔ.

Kɔgya 69:4

Na mina bekisine bani muukisi-mi keeke bemomo betulo mina lili linwini. Na bani mɔɔwia-mi ngba bayila lɛnɔ bebo ɔkplu, na ɔkɔ ala sɔɔn na baasu taasiku-mi lɛlɔ. Na béƒie-mi ala ani na ɔɔɔdi buyu na líyu-nya baƒɔ-mi kudɔ.

Kɔgya 49:10

Bɔɔnu kalɛ na banundane beekpi na badɔlɔdi ku besusu lɛnɔ beekpi taada bana lɛkɛ teese na linwini bekyuli bamba lɛdi.

Kɔgya 35:19

Unwoti Katɔti, taya na bekyuli bani muukisi-mi keeke mɛni bakɛ ebiti na mina lɛbibo ɔsu. Na taya na bataamana bana anumi taakya-mi ka bákɛ lɛla lɛni na baawia ɔsu. Nsu ɔɔɔdi lɛla lɛdi na lɛ́bla-ma.

Kɔgya 25:3

Bekyuli bani lɛnɔ na bana anu asia-a lɛlɔ ni, kɔƒa kɔɔɔdubo-ma bukpo kudii. Nsu bani mɔɔta teenye-ɔ lɛlɔ, nsu balánu bɔƒiɔ bɔdi na ƒula lɛlɔ ama ni, anumi adubuwi-ma kalɔ.

Kɔgya 14:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Nehemia 5:8

Na lɛ́su-ma nnini, “Ama bani na béye-ma béte bekyuli bani naaadi Yudaƒuɔ ni, bɔ́bla kalɛ na bɔkana, na bɔ́ƒɔ-ma bɔ́siku bekyuli bammɔ kudɔ. Nsu amii binye bina banwani lɛlɔ kalɛ na beti lɛlɔ beye bete-mii, na amii lɛnɔ bɛsɔku-ma biye bite-bu.” Na benengu bammɔ bába lɛsɛ, ka beeebo kulɛla na basu ɔsu.

Ala Alɛdi 2 16:10

Ka Asa únu lɛla lɛmɛni ni, úti kɔnyi geen na ɔ́ya na bákya Hanani aban ɔtɔ. Na lɛni kani na ɔ́bla anwu ɔlati nwuna bekyuli kalala.

Baga 1 21:4

Amu na Ahab únwini úsie kaduli ɔni na úƒu na úti kɔnyi ɔ́si lɛla lɛni na Nabot ɔ́su-nwu mmɔ ɔsu. Ɔsika ɔ́su-nwu ka. “Lɛɛɛdubo-ɔ mina bati kuuku kalɔ buti bute.” Na úsie ɔ́tɛ bana atɛla lɛlɔ na únwini anumi ɔ́tina kowodu na úni ka ɔdi muedi.

Samuel 2 16:7

Ka Simei uuwida ni, ɔ́su Dawid ɔnini, “Gyu mɛni! Gyu mɛni! Awɔ ɔni na ubugya ɔ́ƒɔ-ɔ enu na adi ɔkantankpine.

Samuel 2 6:20

Uwi ɔni na Dawid únwini úsie kaduli utéte kusɛ kusɛ ɔmmɔ nwuna kaduli bekyuli ni, Saul ubidi Mikal ɔni ndi ulekudi mmɔ ɔ́lɛ úbasiaku-nwu ulu. Na ɔ́su-nwu ɔnini, “Ɔmwi na lɛlɔ lɛ́yɔ Israelƒuɔ Ɔga na údie lɛlɔ lɛti na bakladi akɔ. Na úbu ɔni na udie kasɔngya na bekyuli bani lɛlɔ na ɔɔdi ku bana belekubi kabla bablane anumi. Na ɔ́bla lɛlɔ aani ukyuli ɔni na uuuse-nwu nwaa na ɔkana na udie lɛlɔ kasɔngya uwi biala na ɔɔyɔ́ ƒaa!”

Ala Kalɔ Buse 37:8

Mmɔ ni, nwuna banwani béye-nwu banini, “Bɔkali na ada anii awɔ ndubo-bu lɛlɔ butaadi?” Ɔmɛni ɔsu bukisi bɔmmɔ bɔ́kɔ katɔ búbu na kɔna kɔni na úti ɔ́su-ma ɔsu.

Lɛkpa Ulu 16:18

Bidie litemi batɛne ku bakutine na ɔma biala kemmo. Na bekyuli bamɛni banu ka baatɛ bekyuli etemila na ulu lɛlɔ.

Ala Alɛdi 2 19:5

Na ɔmmɔ kama ɔ́ƒuna litemi batɛne úte kagyumakɔ lɛma linengudi lɛmmɔ ƒui na Yuda kalɔ kemmo

Luka 22:66

Uwi ɔni na kadi káda ni, kadi benengu ku Katɔti bakpane benengu ku ɔda bubo ala batinane bábasa lisu. Na béti Yesu béboku bana anumi.

Batalane Kabla 4:15

Amu na báda-ma bédie kasalakɔ mmɔ, na ama lɛti lɛti bakya beeye lɛlɔ kasusu.

Batalane Kabla 5:21

Amu ka kadi kégye ni, bésie bétéduo kakpakɔ mmɔ na bése kalɔ ku ala bɔtina. Anwuɔsu uwi ɔmmɔ kemmo ni, ɔkpane unengudi ku nwuna babune bálɔ lɛlɔ ku Yudaƒuɔ kadi benengu ƒui básala, na bátala bagyumanane banii betédie batalane bammɔ na ɔtɔ katɛnkɔ beboku.

Batalane Kabla 6:12

Linyeda lɛmɛni lɛ́ya na bekyuli bamɛni bébeti kɔnyi geen. Na ɔmɛni ɔsu Yudaƒuɔ batɔnkune béƒie-nwu na béti-nwu bésienku bana kasalakɔ.

Batalane Kabla 6:15

Na uwi ɔmmɔ ni, bekyuli bani nnye mmɔ bánu ka Steƒano anumi eekeye aani Katɔti ɔtu ɔdi kalɛ.

Batalane Kabla 22:30

Amu ka kadi kégye na bekpone ɔtɔnkune ɔmɛni ɔɔwia ɔti lɛla lɛni nébo asa na baadá Paulo kenye ni, ɔ́lɔ Yudaƒuɔ bakpane benengu ku bana litemi batɛne ƒui na bábasala lisu. Na ɔ́ya na báƒɛnimi Paulo na bétiku-nwu béboku-ma anumi banii beeduo nwuna litemi kemmo.

Batalane Kabla 23:1

Amu ka Paulo ɔ́tɛ anu na ɔ́nu Yudaƒuɔ litemi batɛne bani nása bélie litemi katɛkɔ mmɔ kpoo ni, ɔ́su-ma ɔnini, “Banwa, mina kayi kaladu-mi kɔtɔ kɔdi na Katɔti anumi úbedu ɔmwi kadi kamɛni lɛlɔ.”

Batalane Kabla 24:20

Iye bekyuli bani nlie mɛni ni, ɔlɛka basu lɛla likpidi lɛni na lɛ́bla uwi ɔni na Yudaƒuɔ litemi batɛne benengu bakya baatɛku-mi litemi.