Mateo 5:18 - Katɔti Ɔku Kedee

¹⁸ Na mɔɔyá na bɛti geen ka ni, na katɔ ku kalɔ anumi ni, balada lɛla linwi ina dɛ na lise blii suɛ muedi beledie na ɔda bubo bɔmmɔ kemmo wetédu ka ala ani na ɔda bubo bɔmmɔ bɔɔtina búbo búte lɛni.

Mateo 5:18 Referans Kwoze

Luka 16:17

Nsu ni, use kpɛtɛ kpɛtɛ ka katɔ ku kayawi kakana na kavi utulo ɔni na bada ɔda bubo bɔmɛni litemi blii suɛ lɛdi muedi bedie.

Yesaia 40:8

Livo lɛɛyɛyɛ na anwula aanú, nsu Katɔti litemi ani lise lite uwi ƒui.’ ”

Petro 1 1:25

Nsu Katɔti litemi ani lise lite uwi ƒui.” Na ɔmɛni ndi litemi buni lɛni lɛsa na bákɔ béte-mii.

Marko 13:30

Mɔɔsu-mii geen ka ala amɛni ƒui adubɔlɛ asa na bina kadi bekyuli ƒui badubukpi basa.

Yesaia 51:6

Bɛkɔliku anumi katɔ na bɛnu kayaa, na binwini bɛnu kalɔ lɛnɔ. Kayaa kammɔ kadubɔyii kakya aani kalɛ na uyɔ ɔɔyii taakya, na kalɔ lɛnɔ kayii udu aani kalɛ na kɔdi kɔɔtɔ taayii udu. Na ukyuli biala na kayawi kammɔ kemmo ɔdubukpi aani balɔlɔ. Nsu mina ngba bɔƒɔ bulebo kawɔlɔkɔ kudii na mina ala bɔbla siin lɛnɔ bulayii udu.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.

Kɔgya 102:26

Ala amɛni ƒui adubɔyii udu. Nsu awɔ ni, adubulie uwi ƒui. Ala ammɔ ƒui adubɔtɔ aani adala kuuku kalɛ. Na adubo-nya budie buwi aani kalɛ na baavumana ala kuuku teedie-nya atu.

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.

Mateo 17:20

Yesu údie kenye ɔnini, “Bina bɔƒɔtaadi na mina lɛlɔ bɔ́sɔ. Mɔɔsu-mii nwaa nnii si banii bibo bɔƒɔtaadi bɔni nse aani edula kebi kebliidi ƒui ni, nka bɛdubɔkana na bɛsu kɔbi kɔmɛni bɛnii, ‘Gyu mɛni, ténye ngye!’ Na kɔdubusie. Lɛla biala liiibo na bilakana bɔbla!

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Mateo 13:17

Ɔsika mɔɔsu-mii geen nnii Katɔti kenye bediene ku bekyuli pii bani nse siin báwia kpakplaa ka banu lɛla lɛni na bɛɛnu mɛni, nsu bátanu. Na báwia kpakplaa ka benu lɛla lɛni na biinú mɛni, nsu bétenu.”

Mateo 10:23

Si beekpóku-mii na ɔma unwi kemmo ni, bikeli bisie ɔbambadi kemmo. Na mɔɔsu-mii geen ka bilawɔlɔ bina kabla na Israel lɛma ƒui kemmo asa na ami, Ukyuli Ɔyawine Ubi, masɔ mebo.

Mateo 6:2

Anwuɔsu si éte ukyuli lɛla lɛdi ni, tebo-ni kudu aani kalɛ na anumi lɛlɔ bekyuli baabla. Ama beebó kudu na kasalakɔ ku ɔma kemmo kalɛ na bekyuli bemwi-ma. Na mɔɔsu-mii geen nnii báakɛ bana lɛyuƒɔla na kayawi kamɛni kemmo.

Mateo 5:26

Na mɔɔsu-ɔ nwaa nnii adubɔkya mmɔ utálɛ uwi ɔni na áƒɔ kayu kani na ada ƒui áwɔlɔ.

Kɔgya 119:152

Ɔ́si kukuuku ni, ngyi ƒula etemila ka awɔ nése-nya ése éte uwi ƒui.

Yohane 21:18

Mɔɔsu-ɔ litemi geen ka ni, uwi ɔni kemmo na adi ɔnamu ni, aata na aklibi lɛlɔ na esie kesii biala na aayɔ́. Nsu si uwi ɔni na ábi lɛlɔ ni, adubo enu bunene na ukyuli bamba maklibi-ɔ na ɔkpanku-ɔ usienku kesii kani na alawia ka esie.”

Yohane 16:23

“Si uwi ɔni na limeyi lɛmmɔ líbo líbedu ni, bileye-mi lɛla lɛdi. Ɔsika mɔɔsu-mii geen ka lɛla biala na bɛdubɔkpali-mi lɛnyi bivele mina Ɔti ni, ɔdubute-mii.

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Yohane 14:12

Mɔɔsu-mii geen nnii ukyuli biala ɔni mɔɔƒɔ́-mi taadi ni, ɔdubɔbla ala ani na mɔɔbla. Na ɔdubɔbla-nya utulo kalɛ na lɛ́bla. Ɔsika bɔtɔlɔ nda nteesie mina Ɔti kudɔ.

Yohane 13:38

Mmɔ ni, Yesu údie kenye ɔnini, “Aaƒɔ́ taadi geen ka enye kagyumana ka ekpi na mina lili? Mɔɔsu-ɔ litemi geen nnii asa na akɔkɔ wete kenye ni, adubɔsu kɔtɛ sɔɔn anii aaagyi-mi.”

Yohane 13:16

Mɔɔsu-mii geen ka ni, kabla ɔblane ɔdi biala uletulo nwuna unwoti. Lɛni kani na ukyuli ɔni bátala uletulo ukyuli ɔni nátala-nwu.

Yohane 12:24

Na mɔɔsu-mii geen ka ni, lɛntabi lilemomo teetulo linwi lɛni kani na lɛdi, amu ntu béti-ni bákya kalɔ na libu. Na si líbu lɛni ni, uwi ɔmmɔ kama asa na liimomo teenwini antabi pii.

Yohane 10:7

Ɔmɛni ɔsu ni, Yesu ɔ́sɔ ɔ́su-ma ɔnini, “Mɔɔsu-mii geen ka ni, ami ndi ɔba kayakun ute baƒonu bammɔ.

Yohane 10:1

Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Yohane 8:58

Amu na Yesu ɔ́su-ma ɔnini, “Mɔɔsu-mii geen nnii asa badubɔwɔ Abraham ni, Ami nli.”

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Yohane 8:34

Amu na Yesu ɔ́su-ma ɔnini, “Mɔɔsu-mii geen ka ni, ukyuli biala ɔni mɔɔbla likpidi ni, ɔkya likpidi kalɔ.

Yohane 6:53

Amu na Yesu ɔ́su-ma ɔnini, “Mɔɔsu-mii geen ka ni, si bítadi ami Ukyuli Ɔyawine Ubi ɔlɔna na bɛni mina ubugya ni, biiibo ngba bɔdi na bina lɛlɔ kemmo.

Yohane 6:47

Mɔɔsu-mii geen ka ukyuli ɔni mɔɔƒɔ́-mi taadi ni, uulie ngba bɔni nsɔ naaadubo bɔsa kudii.

Yohane 6:32

Mmɔ na Yesu ɔ́su-ma ɔnini, “Mɔɔsu-mii geen nnii ɔɔɔdi Mose néte-mii adila ani nási katɔ. Mmomu mina Ɔti ni, anwu muute adila geen ani nási katɔ ébo.

Yohane 6:26

Amu na Yesu údie kenye ɔnini, “Mɔɔsu-mii geen ka ni, bodobodo ɔni na bɛ́kɛ bɛ́di bímo ɔsu na bɛɛwia-mi. Na ɔɔɔdi ɔni na bínu akɔla budie taatina ani na lɛ́bla kalɔ ɔsu.

Yohane 3:11

Mɔɔsu-ɔ geen ka bɔɔtɛmi taasiku ala ani na bɔgyi lɛlɔ, na buudie ani na bɔ́nu kenye teete-mii. Nsu bilaƒɔ ala ani kenye na buudie teete-mii taadi.

Yohane 3:5

Amu na Yesu ɔ́su-nwu ɔnini, “Mɔɔsu-ɔ geen ka ni, si bátawɔ ukyuli bátalɛku ntu ku kɔyu kemmo ni, ulakana Katɔti lɛga kadikɔ mmɔ buduo.

Yohane 3:3

Amu na Yesu údie kenye ɔnini, “Mɔɔsu-ɔ geen ka ni, si bátasɔku ukyuli bátawɔ ni, Katɔti ulakana lɛga bɔdi na nwuna kayi kemmo.”

Yohane 1:51

Litemi geen na mɔɔsu-ɔ ka ni, adubɔnu ka katɔ kálɛmi na Katɔti batu baakɔ́ teesie katɔ taayu teebo ami Ukyuli Ɔyawine Ubi lɛlɔ.”

Luka 23:43

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Luka 18:29

Amu na Yesu ɔ́su-ma ɔnini, “Sɔsɔ na ɔdi. Na mɔɔyá-mii bɛti bɛnii ukyuli biala ɔni náda nwuna kaduli úwi iye ɔ́da ulekudi iye banwani bananabi iye nwuna bawɔne iye bebi úwi na Katɔti lɛga kadikɔ ɔsu ni,

Luka 18:17

Na binyimo ɔmɛni bɛnii ukyuli biala ɔni naaadubo Katɔti lɛga kadikɔ bɔƒɔ aani ɔnamu blii kalɛ ni, uleduo-ka kemmo kudi kudii.”

Luka 13:35

Ɔmɛni ɔsu ni, Katɔti ɔdubudie ɔma ɔmɛni atu. Na mɔɔsu-mii geen ka ni, bɛsɔ bɛɛɛdubo-mi bɔnu wetédu uwi ɔni na bɛdubɔsu bɛnii, ‘Bimwi anwu ɔni ndubo na Blɔti lɛnyi kemmo!’ ”

Luka 12:37

Kabla bablane bammɔ badubɔkɛ ebiti geen si bana Unwoti úbanu-ma ka benye kagyumana bete nwuna bɔsɔ bubo! Mɔɔsu-mii ka ni, ɔdubɔsabla kɔdi lɛlɔ use, na ɔya na belie kalɔ na anwu alati ute-ma adila na badi.

Luka 11:51

Ɔ́si ɔni bádu Abel úbedu Sakaria ɔni na bádu na lɛkpabi ku kesii kani na baalɔ banii likpo kedee ntɛ. Lɛni geen mɔɔsu-mii ka ni, Katɔti ɔdubo ɔmwi limeyi bekyuli kɔtu bɔni na bana ƒui ɔsu!

Marko 14:30

Yesu ɔ́su Petro ɔnini, “Mɔɔsu-ɔ geen ka asa na akɔkɔ ɔdubute kenye kunyɔdi ɔmwi lɛdigye lɛmɛni ni, awɔ ɔlati adubɔsu kɔtɛ ƒui ka aaagyi-mi.”

Marko 14:25

Na sɔsɔ ni, nsɔ lɛɛɛdubo ntɛ bɔmɛni udu bɔdi bɔni lɛnɔ, ntu lɛni ntɛ bɔwɔdi bɔdi udu na Katɔti lɛga kadikɔ.”

Marko 14:18

Na uwi ɔni na belie badaku bɔdi ni, Yesu ɔ́su ɔnini, “Mɔɔsu-mii geen ka bina akɔ unwi ɔni na ami ku-nwu bulie bɔɔdi mɛni ɔdubɔkya-mi kakya.”

Marko 14:9

Na muute-mii bɔti sɔsɔ ka kesi kesii na badubɔkɔ lɛsa na Katɔti litemi buni lɛlɔ na kayawi kamɛni ƒui ni, badubuti lɛla lɛni na uleku ɔmɛni ɔ́bla mɛni basu batina na beti beteenyimo-nwu.”

Marko 12:43

Amu na Yesu ɔ́lɔ nwuna batɛyane ɔ́sala lisu na ɔ́su-ma ɔnini, “Mɔɔsu-mii geen ka na Katɔti anumi ni, ukpinele ɔwabane ɔmɛni néte egulabi útulo na bekyuli bamɛni ƒui akɔ.

Marko 11:23

Mɔɔsu-mii geen ka ukyuli biala ɔni ndubɔsu kɔbi ɔnii kɔgyu na kutéduo ɛpu kemmo, na nwuna kayi kétetile-nwu ulu mmomu ɔ́ƒɔ ɔ́di ni, ɔdububo ute lɛni.

Marko 10:29

Amu na Yesu ɔ́su ɔnini, “Mɔɔsu-mii geen ka bɛdubɔkɛ ala ani ntulo ani bɛ́da bíse. Ɔsika ukyuli biala ɔni náda nwuna ɔma úse, iye banwani bananabi ku belekubi, iye uni, iye ɔti, iye nwuna banamu, iye kemo na mina bɔsiaku ku litemi buni lɛmɛni bugyingya ɔsu ni,

Marko 10:15

Mɔɔsu-mii geen ka ukyuli ɔni naaadubo Katɔti lɛga bɔdi bɔƒɔ aani kalɛ na ɔnamu blii suɛ uuboku lɛlɔ kalɔ ni, uleduo Katɔti lɛga kadikɔ kudii.”

Marko 9:41

“Na muute-mii bɔti ka ukyuli biala ɔni ndubute-mii ntu ɔnii bɛni ka mina badi na bɛdi ɔsu ni, Katɔti ɔdubɔƒɔ-nwu kayu.

Marko 9:1

Amu na Yesu ɔ́sɔ ɔ́su-ma ɔnini, “Mɔɔsu-mii geen ka bina akɔ badi bilekpi tɔ wetédu ka bɛ́nu ka Katɔti lɛga bɔdi búbo ku ɔyikun.”

Marko 8:12

Nsu Yesu údumo geen, na úye-ma ɔnini, “Bi ɔsu geen na ɔmwi bekyuli baawia akɔla bataanu? Oowo, mɔɔsu-mii ka lɛɛɛdubo akɔla ani udu na bɛɛwia mɛni bɔbla bɔtina-mii!”

Marko 6:11

Si bídu ɔma ɔdi na bekyuli bammɔ bátaƒɔ-mii iye banii belenu bina litemi ni, bɛtɔlɔ na biveli bina lɛgba kalɔ ɔtumu bíwi-ma. Ɔmɛni ɔdubɔtina ka ɔma ɔmmɔ bekyuli béni-mii. Anwuɔsu lɛla lɛdi biala mebo ni, bana litemi lɛdi.”

Marko 3:28

“Mɔɔsu-mii geen ka Katɔti ɔdubuti alaekpidi biala na bekyuli bábla ku anyikpi biala ani na bálɔ Katɔti ɔkyiɛ-ma.

Mateo 25:45

“Mmɔ na Ɔga ɔmmɔ ɔdubɔsu-ma ɔnini, ‘Mɔɔsu-mii ka ni, uwi ɔni na bítabla lɛbuni bítete ukyuli ɔni na balábu ƒui na mina badi akɔ ni, ami na bítabla bítete!’ ”

Mateo 25:40

“Amu na Ɔga ɔmmɔ ɔdubudie kenye ɔnini, ‘Mɔɔsu-mii nnii uwi ɔni na bíbunku ukyuli ɔni na bilábu ƒui na mina badi akɔ ni, ami na bɛ́bla bíte.’

Mateo 25:12

“Na uleku ɔgya ɔmmɔ ɔ́su-ma ɔnini, ‘Kudi kudii! Lɛɛɛgyi-mii.’ ”

Mateo 24:47

Mɔɔsu-mii geen ka unwoti ɔmɛni ɔdubuti kabla ɔblane ɔmmɔ ɔbla nwuna ala ƒui lɛlɔ ɔnune.

Mateo 24:2

Na ɔ́su-ma ɔnini, “Bɛsia-ni anumi kaduɛ. Ɔsika mɔɔsu-mii nnii badubɔƒɛ lɛtɔ lɛmɛni ƒui, ɔni na lɛtabi lɛdi lilébu lilasia lɛkpanadi lɛlɔ muedi. Badubugyingya ana ƒui bewi kalɔ.”

Mateo 23:36

Na mɔɔsu-mii geen ka ubugya buwiakun bɔmɛni bɔsia amii bani nlie ngba mɛni lɛlɔ.

Mateo 21:31

“Bana kemmo ɔmani nábla ɔti ɔmmɔ lɛyɔla?” Bédie kenye banii, “Ubi unengudi ɔmmɔ.” Amu na Yesu ɔ́su-ma ɔnini, “Mɔɔsu-mii nwaa nnii beyune ku bayalɛ baaví-mii teeduo Katɔ Ɔga Ɔma!

Mateo 21:21

Amu na Yesu údie kenye ɔnini, “Mɔɔsu-mii geen nnii si bɛ́ƒɔ bɛ́di na bina kasusu keeese inyɔ inyɔ ni, bɛdubɔkana lɛla lɛni na lɛ́bla kɔdingyii kɔmɛni bɔbla. Nsu ɔɔɔdi ɔmɛni lɛti. Mmomu ni, bɛdubɔkana na bɛsu kɔbi kɔmɛni muedi bɛnii, ‘Gyu mɛni téduo ɛpu kemmo,’ na ɔdubɔlɛ lɛni.

Mateo 19:28

Yesu ɔ́su-ma ɔnini, “Amii bɛkɛ kayi. Uwi ɔni na ami Ukyuli Ɔyawine Ubi mebo na mina lɛlɔyɔ kemmo na nlie mina lɛgaboku lɛlɔ na kayawi kawɔdi kammɔ kemmo ni, bina leevu-inyɔ bani nsiaku-mi lɛnɔ bɛdubulie agaboku lɛlɔ na bɛdi Israelƒuɔ adukpa leevu-inyɔ lɛlɔ.

Mateo 19:23

Amu na Yesu ɔ́su nwuna batɛyane ɔnini, “Mɔɔsu-mii nwaa nnii ɔdubɔyu balakɛne ɔkplu asa na beduo Katɔti lɛga kadikɔ.

Mateo 18:18

“Anwuɔsu mɔɔsu bina ƒui nnii lɛla lɛni lɛlɔ na bitile kuƒi na kayawi mɛni ni, Katɔti ɔdubɔsia ani lɛnɔ kɔnu. Na lɛla lɛni lɛlɔ na bite kuƒi na kayawi mɛni ni, Katɔti ɔdubɔsia-ni kɔnu lɛnɔ.

Mateo 18:3

Na ɔ́su-ma ɔnini, “Mɔɔsu-mii nnii si bítavumana udu na binwini aani banamu ni, bileduo Katɔ Ɔga Ɔma kudii.

Mateo 11:11

Na mɔɔsu-mii geen ka Ntu Ɔkpilane Yohane ɔ́ƒɔ kuye utulo ukyuli ɔni nélie kayawi kamɛni úbavi. Nsu ni, ukyuli ɔni nátaƒɔ lɛnyi na Katɔ Ɔga Ɔma muedi ni, ɔ́ƒɔ kuye útulo Yohane ɔmmɔ.

Mateo 10:42

Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Mateo 10:15

Mɔɔsu-mii geen ka limeyi lɛni na Katɔti ɔdubɔtɛku bayawine litemi ni, ɔdubɔnu lɛma likpidi aani Sodom ku Gomora kɔnyana utulo ɔma ɔmmɔ.

Mateo 8:10

Ka Yesu únu ɔmɛni ni, ɔ́bla-nwu kalɛ kadi na ɔ́su bekyuli bani nsiaku-nwu mmɔ ɔnini, “Mɔɔsu-mii geen ka na Israelƒuɔ akɔ muedi ni, ńtanu tɔ bɔƒɔtaadi bɔmɛni udu.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Luka 4:24

Na Yesu ɔ́sɔ ɔ́su-ma ɔnini, “Nsu mɔɔsu-mii ka ni, balábu Katɔti kenye udiene ɔdi na anwu ɔlati nwuna ɔma.

Kɔgya 111:8

Bɔdi litemi geen lɛni ndubunye siin bute uwi ƒui.

Yesaia 44:26

Ndubɔya na mina kenye bediene ala ani básu banini, ‘Bekyuli badubo bumomo na baƒɔ Yerusalem ƒui na Unwoti ɔsɔku ɔma ɔmmɔ ɔda ubo-nwu kemmo.’