Mateo 5:17 - Katɔti Ɔku Kedee

¹⁷ “Bitakali bɛnii líbo nnii mbada Mose ɔda bubo ku ala ani na Katɔti kenye bediene bátina lidie. Ńtebo nnii mbada-nya lidie munu munu. Mmomu ni, líbo kalɛ na ala ani bátina mmɔ ebo ete lɛni.

Mateo 5:17 Referans Kwoze

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Luka 16:17

Nsu ni, use kpɛtɛ kpɛtɛ ka katɔ ku kayawi kakana na kavi utulo ɔni na bada ɔda bubo bɔmɛni litemi blii suɛ lɛdi muedi bedie.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Romaƒuɔ 3:31

Anwuɔsu bi na ɔmɛni ɔɔtina? Ɔɔtina ka bɔ́da ɔda bubo bɔmmɔ buse ka bɔƒɔtaadi bɔ́ƒɔ-mu kenye ɔsu? Kudii! Mmomu lɛla lɛni na ɔda bubo bɔmmɔ bɔdanku geen na bɔɔkɔliku katɔ.

Yesaia 42:21

Ka Katɔti use siin na ɔɔbla lɛla biala kaduɛ ɔsu ni, ɔdi-nwu lɛƒɔyɔ ka bekyuli banu kalɛ na nwuna ɔda bubo buukeye na bemwi-nwu.

Mateo 7:12

Ala ani na aayɔ́ ka bekyuli bamba babla bete-ɔ ni, bla-nya te ama lɛnɔ lɛni kani. Ɔmɛni ndi Mose ɔda bubo ku Katɔti kenye bediene ala ani bátina kalɔ budie.

Mateo 3:15

Nsu Yesu údie kenye ɔnini, “Awɔ nu kalɔ na bɔbla-nwu lɛni ɔƒɛni asa. Ɔsika ɔmɛni ndubɔya na bɔbla Katɔti lɛƒɔyɔ.” Anwuɔsu Yohane únu kalɔ.

Batalane Kabla 18:13

Amu na básu ɔga ɔmmɔ banini, “Ukyuli ɔmɛni uunwíni bekyuli kasusu ɔnii bataakpa Katɔti na ulu ɔni náta únye bula ɔda bubo lɛlɔ.”

Batalane Kabla 6:13

Amu na bekyuli bani náda-nwu kenye mɛni básɔ bábada Steƒano kenye ka ni, “Uutemi teewi kakpakɔ kamɛni uwi biala ku Mose ɔda bubo lɛlɔ.

Yohane 8:5

Ɔƒɛni na bula ɔda bubo kenye aani kalɛ na Mose ɔ́tina ni, ɔlɛka bubo-nwu atabi bɔdu. Na dɛ na awɔ aasu?”

Batalane Kabla 21:28

Na bákya baava taasu banini, “Israelƒuɔ banana, bibebunku-bu o-o! Ɔnana ɔmɛni nkɛ mɔɔsu bekyuli ƒui taavi na kesi kesii ku mɛni lɛnɔ ɔnii batadi bula Yudaƒuɔ ɔda bubo lɛlɔ. Na lɛnɔ ni, uuti Grikiƒuɔ teeduoku Yudaƒuɔ kakpakɔ ɔni mɔɔtina ka bula Yudaƒuɔ kakpakɔ kammɔ keesé lɛlɔ!”