Mateo 5:16 - Katɔti Ɔku Kedee

¹⁶ Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Mateo 5:16 Referans Kwoze

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Yohane 15:8

Na si bɛ́nwu ebi pii ni, ɔmɛni ɔɔyá na bekyuli baakɔliku mina Ɔti lɛnyi katɔ. Na ɔmmɔ ɔɔtina lɛnɔ ka bɛdi mina batɛyane.

Eƒesoƒuɔ 5:8

Ɔsika kudeedi ni, na bɛkya lɛdisa kemmo. Nsu ɔƒɛni ka bínwini Blɔti badi ɔsu ni, bɛkya bukeye kemmo. Anwuɔsu bilie ngba aani bekyuli bani nlie bukeye kemmo.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.

Petro 1 4:14

Lɛlɔ litaayɔ-mii si bekyuli beedumi-mii ka bɛsiaku Kristo ɔsu. Ɔsika Katɔti Kɔyu nsiaku-mii ku nwuna bukeye.

Petro 1 2:9

Nsu amii ni, bɛdi bekyuli bani na Katɔti ɔ́ƒuna. Na bɛdi bakpane bani muumwi Katɔti ɔni ndi Ɔga. Bɛdi Katɔti bekyuli kedee bani na ɔ́lɔ ɔnii binwini anwu badi. Na amii ndubo nwuna ablala ebendi kudu bubo. Ɔsika anwu geen nálɔ-mii ɔ́lɛku likpidi lɛdisa kemmo úsienku ngba bɔƒɔ bukeye kemmo.

Yesaia 58:8

Si bɛ́bla ɔmɛni ni, bɛdubɔnu kalɛ na muukeye na ɔya na bɛkɛ ɔlɛ bɔbwi. Na bina ala bɔbla siin bɔmɛni bɔdubɔgyumana-mii na bina keliela kemmo na Unwoti bukeye bɔgyumana-mii bɔsiku bina kama.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Timoteo 1 6:18

Su-ma anii bataabla lɛbuni kalɛ na benwini balakɛne na lɛƒɔndia bɔbla kemmo. Na beteete bekyuli ala ku kaƒɔ ƒaa.

Korintoƒuɔ 2 9:13

Bina kaƒɔ ƒaa kebunku kani biite bekyuli mɛni mɔɔtina ka bɛɛdi Kristo litemi buni lɛmmɔ lɛlɔ geen. Na kalɛ na biidie bina bɔƒɔtaadi keyi ku kalɛ na biile ala ani nse-mii teete lɛlɔ ku bekyuli bamba lɛnɔ ɔsu ni, bekyuli pii badubuti ɔbu bete Katɔti.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Hebriƒuɔ 10:24

Na butaabu taanu ulu ɔni lɛlɔ na bɔdubɔkana na bɔkya lɛlɔ ogya, na butaayɔ bekyuli, na butaabla ala abuni.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Petro 1 4:11

Lɛsa ɔkɔne biala ni, utaakɔ Katɔti litemi buni lɛmmɔ lɛsa. Na ukyuli ɔni muubunku bekyuli ni, uti ɔyikun ɔni na Katɔti úte-nwu ƒui uteebunku-ma. Na bekyuli basia Yesu Kristo lɛlɔ bemwi Katɔti na ulu biala lɛlɔ. Bumwi ku ɔyikun ɔdi Yesu Kristo ɔdi uwi ƒui. Ɔsia lɛni.

Tesalonikaƒuɔ 1 2:12

Bɔ́kya-mii ɔyikun ku ogya na bútaalɛ-mii bɔnii bilie ngba bɔni na kaƒɔ kayɔ Blɔti, ɔsika anwu ɔlati nálɔ-mii kalɛ na bɛkɛ bɔƒɔ na nwuna lɛga bɔdi ku bukeye kemmo.

Petro 1 3:1

Na amii beleku lɛnɔ ni, ɔlɛka biboku lɛlɔ kalɔ bite bina bagya. Ɔmɛni ndubɔya na si ɔdi útaƒɔ útadi ni, ɔdubuti lɛlɔ ute Katɔti ɔkɛnku bina udu buni ɔsu. Na ɔɔɔdi ɔni na bitemi bite-ma.

Batalane Kabla 9:36

Ɔmɛni kama ni, uleku ɔdi ɔkya Yopa ɔni baalɔ Tabita. Na Griki lɛdi kemmo ni, anwu baalɔ banii Dorka na nwuna kalɔ ndi kaƒɛ. Ɔdi ɔƒɔtaadine ɔni na útaabla lɛƒɔndia teete nwuna bakpana uwi pii.

Timoteo 1 5:25

Lɛni kani na ala abuni adi bɔbla lɛnɔ eeebo ɔbɛ, na ani nábɛ lɛnɔ adubɔlɛ keyi.

Mateo 5:45

Na bɛdubunwini Katɔti ɔni nkya katɔ bebi geen. Ɔsika ɔɔyá na nwuna ɔƒɛ ɔɔlɛ́ teewi bekyuli bekpidi ku babuni ƒui lɛlɔ likeke. Na ɔnantu lɛnɔ ɔɔna teete bekyuli bani mɔɔbla ala abuni ku bani mɔɔbla ekpidi.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 2:10

Mmomu ni, bana ɔbladu ɔbuni udie-ma ɔtina aani beleku bani mɔɔsu banii basiaku Blɔti.

Galatiƒuɔ 1:24

Anwuɔsu beemwi Katɔti ɔkɛnku ami ɔsu.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Tito 3:4

Nsu uwi ɔni na Blɔti, bula Ɔƒɔne, údie nwuna lɛƒɔndia ku bɔyɔ ɔ́tina-bu ni,

Korintoƒuɔ 1 14:25

Na anwu ɔlati ndubudie nwuna ala abɛdi keyi na ɔdubɔyu ɔtɛ kalɔ na umwi Katɔti na udie kenye ɔnini, “Sɔsɔ ni, Katɔti ɔkya-mii akɔ!”

Luka 11:2

Amu na Yesu ɔ́su-nwu ɔnini, “Si bɛɛkpali katɔ ni, na bɛsu bɛnii, “ ‘Ati, balɔ-ɔ lɛnyi buni. Ƒula lɛga kadikɔ kebo-bu akɔ. Babla ƒula lɛƒɔyɔ na kalɔ lɛlɔ aani kalɛ na use na katɔ.

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Mateo 23:5

“Baabla lɛla biala kalɛ na bekyuli banu-ma aani Katɔti kabla bablane geen. Bɛnu ala ani na bébo báda bana atɛntɛ ku enubɔ na Bunweni Kedee etemila asia-nya lɛlɔ, ku kalɛ na bákya-nya na ébomo. Na bɛnu kakpakɔ ala ani na báta bámana ala abuni lidu lɛni bákya mmɔ lɛlɔ.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 23:9

Na bina akɔ ni, bitalɔ ukyuli ɔdi na kayawi mɛni bɛnii Blɔti, ɔsika Blɔti unwi pɛ na bibo. Na ɔkya katɔ.

Mateo 6:9

Anwuɔsu lɛni na ɔlɛka bɛkpali katɔ bɛsu bɛnii, “ ‘Bula Ɔti ɔni nkya katɔ, balɔ-ɔ lɛnyi buni.

Israelƒuɔ Bɔlɛ 34:35

bekyuli bammɔ baanu ka nwuna anumi eekeye, na ɔɔsɔku lɛdiku lɛmmɔ teebi anumi útédu uwi ɔni na ɔ́sɔ únwini úsie utátɛmiku Unwoti.