Mateo 5:14 - Katɔti Ɔku Kedee

¹⁴ “Amii nse aani bukeye bite kayawi ƒui. Ɔma ɔni nsia kɔbi lili ni, ulabɛ.

Mateo 5:14 Referans Kwoze

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Tesalonikaƒuɔ 1 5:5

Ɔsika bina ƒui bɛkya bukeye kemmo. Na bɔɔɔdi aani bekyuli bani náƒɔ lɛlɔ bákya likpidi kemmo na baabla ala taabɛ.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Yohane 12:36

Anwuɔsu ni, biti bina anu ƒui bɛsia bukeye bɔmmɔ lɛlɔ uwi ɔni na bɛ́mu bɛɛnu bukeye. Na ɔmmɔ ndubɔya na binwini bukeye bɔmmɔ bekyuli.” Ka Yesu ɔ́su-ma ɔmɛni ɔ́wɔlɔ ni, ɔ́gyu ɔ́tɔlɔ-ma kudɔ. Na ɔ́bɛla lɛlɔ na básɔ bátanu-nwu.

Korintoƒuɔ 2 6:14

Bɛnu ka amii ku bekyuli bani naaadi baƒɔtaadine bítabla unwi na lɛla lɛni naaasia bula ulu lɛlɔ. Ɔsika lɛla lɛni nse siin ku lɛla lɛni neeese siin lilábla unwi. Na bukeye ku lɛdisa lilákya liku linwi.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Budie Taatina 1:20

Ayabi maatɛ ani na ánu na mina kɔdianu ku sika ugyiedi ligyii lɛmmɔ enye ete lɛla lɛdi. Na ana kalɔ na ndubo budie mɛni. Ayabi maatɛ ammɔ ndi Katɔti batu maatɛ ute baƒɔtaadine akpa maatɛ ammɔ. Na sika ugyiedi ligyii lɛmmɔ ndi baƒɔtaadine akpa maatɛ ammɔ.”

Yohane 9:5

Na lebo lɛni kemmo na nkya bayawine akɔ ni, ami ndi bana bukeye.”

Budie Taatina 2:5

Anwuɔsu bɛkali bina kenyekɔ kedeedi kani bínye asa na bíbuli bɛnu. Na binwini kama bɛkya bina ekpidi, na bitaabla lɛla lɛni na bítaabla kudeedi. Nsu si bítenwini kama bítakya bina ekpidi ni, ndububo-mii kudɔ na mbada bina sika ugyiedi ugyii ku nwuna asogya ɔmmɔ lɛgyu nwuna kenyekɔ.

Esekiel 5:5

“Ami ndi Unwoti Katɔti na lɛ́bla na Yerusalem ɔdi ɔma ɔni na ɔ́ƒɔ kuye geen utulo ƒui na kayawi ku kadi bamba kɔlɔ ƒui akɔ na ɔɔda bekyuli kubiti.