Mateo 5:12 - Katɔti Ɔku Kedee

¹² Ebiti ada-mii na lɛlɔ lɛnɔ lɛyɔ-mii, ɔsika bibo lɛyuƒɔla bonwu na katɔ. Lɛni kani na békpoku Katɔti kenye bediene bani nágyu batɔ-mii.

Mateo 5:12 Referans Kwoze

Luka 6:23

“Bɛkɛ ebiti si amɛni ƒui aalɛ́ na bɛtɔ ku ebiti, ɔsika Katɔti ɔdubute-mii lɛyuƒɔla bonwu na katɔ. Ɔsika ala amɛni udu na béti bábla Katɔti kenye bediene bani nákya ƒui.

Yakobo 1:2

Banwa, lɛlɔ litaayɔ-mii si ala lidu lidu eekpóku-mii.

Koloseƒuɔ 3:24

Bɛgyi ka Blɔti ndubute-mii lɛyuƒɔla lɛni na ɔ́su úse ka wete nwuna bekyuli. Na Kristo ndi Unwoti ɔni geen kabla na bɛɛbla.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Koloseƒuɔ 1:24

Na ɔƒɛni ni, ɔdi-mi kubiti ka muubó abi na amii ɔsu. Na mina abi ani na muubó na ɔlɔna kemmo mɛni ni, ɔ́ya na muubunku na libo abi ani na Kristo ɔlɛka ubo na nwuna baƒɔtaadine lɛkpa lɛni ndi nwuna ɔlɔna ɔmmɔ lili lɛwɔlɔ.

Romaƒuɔ 5:3

Na lɛnɔ ni, lɛlɔ lɛɛyɔ́-bu si buubó abi, ɔsika bɔgyi ka lɛbibo lɛmɛni udu lɛɛyá na buunye kpakplaa.

Rut Keliela Ɔku 2:12

Muuvele Blɔti nnii ɔƒɔ-ɔ kayu na lɛla lɛni na ábla mɛni ɔsu. Na nsɔ muuvele Unwoti Israel Katɔti ɔni kudɔ na ébo mɛni ka ɔgyumana-a na ɔƒɔ-ɔ kayu ƒui.”

Kɔgya 58:11

Na bekyuli badubɔsu banini, “Sɔsɔ ni, báƒɔ bekyuli babuni kayu. Ɔsika Katɔti ɔni mɔɔtɛ litemi ulu lɛlɔ mɔɔdi kayawi lɛlɔ.”

Yesaia 3:10

Su bekyuli bani nse siin anii, ɔdubɔtɛ ute-ma ɔsika badubɔdi bana kabla ebi.

Agba 11:18

Bekyuli bekpidi ni, uwi klukui kani na bana lɛkɛ liilie. Nsu bekyuli babuni akɛla ni, eetu uwi.

Ala Alɛdi 2 36:16

Nsu bɔma kani na bekyuli bamɛni báma kenye bediene bammɔ na bédumi-ma na béni ala ani ƒui na Katɔti ɔɔwia ka ɔsu-ma. Na ɔkɛnku ɔmɛni ɔsu kɔnyi kúbakɔ Unwoti Katɔti kɔ́vili útédu ka ɔni Yuda ku Yerusalem kɔtu.

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Hebriƒuɔ 11:6

Na ukyuli ɔdi lɛlɔ liláda Katɔti kubiti si uuubo bɔƒɔtaadi. Ɔsika ukyuli biala ɔni muubo Katɔti kudɔ ni, ɔdi ka ɔƒɔ ɔdi ka Katɔti ɔkya na ɔɔƒɔ kayu buni teete bekyuli bani mɔɔwia-nwu kama ulu kpakplaa.

Tesalonikaƒuɔ 1 2:15

Yudaƒuɔ bamɛni nádu Katɔti kenye bediene, na báya na bádu Blɔti Yesu lɛnɔ. Ama kani nsia beekpóku-bu na baawia-bu badu. Bana ablala áta énye Katɔti lɛlɔ na badi liƒula lɛni nétile bekyuli ƒui ulu.

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Baga 1 18:13

Mina ati, étenu tɔ lɛla lɛni lɛ́bla uwi ɔni na Isebel ɔ́kya útaadu Unwoti kenye bediene? Líti Unwoti kenye bediene eti anyɔ ńtábɛla atabi libu bonwu inyɔ bɔdi kemmo. Na lɛ́kya-ma liti liti na ubu biala kemmo, na muute-ma adila ku ntu.

Korintoƒuɔ 2 4:17

Na abi blii suɛ ani na buubó na uwi klukui ɔmɛni kemmo na kayawi mɛni ni, adubɔya na bɔkɛ ɔbu ku lɛlɔyɔ bonwu lɛni nsɔ naaadubo bɔsa kudii na katɔ. Na lɛdubutulo abi ani na búbo ƒui.

Batalane Kabla 5:41

Na ka bésela ni, kubiti kɔ́da-ma kaduɛ, ɔsika bánu ka Katɔti ɔ́ka-ma ɔ́kya bekyuli bani muubó abi ku kɔƒa na Yesu ɔsu.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Korintoƒuɔ 1 3:8

Kavumana kadi keeebo ukyuli ɔni náva ku ɔni néwi-ka ntu kemmo. Katɔti kani ndubɔƒɔ bana ƒui kayu na bana kabla kenye.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Ala Kalɔ Buse 15:1

Ɔmmɔ kama ni, Abram ɔ́nu kɔyu kemmo lɛla lɛdi na Katɔti ɔ́su-nwu ɔnini, “Abram, sɔ tayia! Ami ndi ƒula katamikukɔ ku kesii kani na adubɔkɛ ƒula lɛyuƒɔla linengudi.”

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Batalane Kabla 16:25

Amu na usientɛ uwi ɔni na Paulo ku Silas bakya baakpali katɔ na beedie lɛnu teete Katɔti ni, bani ntɛ ɔtɔ mmɔ bakya beenú.

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Kɔgya 19:11

Na ɔkɛnku ƒula ala bɔtina bɔmɛni lɛlɔ ni, aalɛ-mi, ƒula kabla ɔblane kpakplaa, na mɔɔkɛ́ kɔsia na litemi lɛmmɔ lɛlɔ bɔdi ɔsu.

Ala Alɛdi 2 16:10

Ka Asa únu lɛla lɛmɛni ni, úti kɔnyi geen na ɔ́ya na bákya Hanani aban ɔtɔ. Na lɛni kani na ɔ́bla anwu ɔlati nwuna bekyuli kalala.

Baga 1 18:4

Uwi ɔni na Isebel ɔ́kya útaadu Unwoti kenye bediene ni, Obadia úti kenye bediene bammɔ eti anyɔ útábɛla atabi libu bonwu inyɔ bɔdi kemmo. Na úle-ma ɔ́kya mmɔ liti liti na uute-ma adila ku ntu na mmɔ.

Yeremia 26:8

Anwuɔsu ɔni na lɛ́wɔlɔ butemi kani na bana ƒui báta bébewi-mi lɛlɔ na baava teeye-mi banini, “Bi ɔsu na ákɔ lɛsa ásu anii Unwoti ɔdubo kakpakɔ kamɛni bɔbwɛ aani kalɛ na Siloa? Ɔlɛka badu-ɔ na kenye kani na ásu mɛni ɔsu.” Anwuɔsu báya na béƒie-mi.

Baga 1 22:8

Amu na Israelƒuɔ ɔga údie Yehosaƒat kenye ɔnini, “Kenye udiene unwi ɔdi úbu ɔni na bɔkana buye-nwu Unwoti kasusu bunu, nsu muukisi-nwu. Ɔsika ulédie kenye kabuni biala na mina lɛlɔ. Na kenye biala wasu mina lɛlɔ kaaadia. Na anwu baalɔ Mikaia, na ɔdi Imla ubidi.” Amu na Yehosaƒat ɔ́su Israelƒuɔ ɔga ɔnini, “Útalɛka asu lɛni.”

Baga 1 21:20

Amu na Ahab ɔ́su Elia ɔnini, “Bi? Bɔnu na awɔ mina ukisine ánu-mi?” Amu na Elia údie kenye ɔnini, “Lɛ́nu-ɔ, ɔsika éti lɛlɔ éye éte likpidi na Unwoti anumi.

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Baga 2 1:9

Amu na ɔga ɔmmɔ ɔ́tala nkyuli liti na údie bana ɔtɔnkune ɔ́kya Elia. Na ka bésie ni, bánu ka Elia ulie kɔbi kɔdi lili. Na ɔtɔnkune ɔmmɔ ɔ́su-nwu ɔnini, “Katɔti ukyuli, ɔga ɔnii ‘Yu bo kalɔ!’ ”

Baga 1 19:2

Mmɔ na Ahab ulekudi Isebel úti kenye úmene Elia ɔnini, “Asa na uteedu kɔnaadi ɔƒaalɛ bene si ńtaya na awɔ lɛnɔ ekpi aani bana kalɛ ni, na baƒiɔ bammɔ bani-mi kɔtu biala na baayɔ́.”

Yeremia 37:14

Amu na lídie kenye nnini, “Ɔɔɔdi bana kudɔ na lísela ntáblaku-ma unwi!” Nsu Iriya útete-mi kuƒi kɔdi munu munu, mmomu úti-mi úsienku ɔga benengu bammɔ.

Ƒilipiƒuɔ 1:29

Na úte-mii kuƒi ka bimwi Kristo, na ɔɔɔdi ka bɛƒɔ-nwu bɛdi ɔsu kani na ɔ́sa. Mmomu ɔdi ka amii lɛnɔ bibo abi na anwu ɔsu.

Hebriƒuɔ 10:34

Biiwuloku bani na batɛ aban ɔtɔ kɔnyana. Na bɛɛkɛ́ kayi ƒaa si ina béƒie-mii ala báƒɔ, ɔsika bɛgyi ka bibo akɛla ani ndia ntulo ammɔ na elébie kudii.

Hebriƒuɔ 11:33

Ɔkɛnku bɔƒɔtaadi lɛlɔ ni, bana badi békpo na bádi lɛga kadikɔ lɛlɔ. Na badi báya na bekyuli baabla ala ulu lɛlɔ. Na badi kɔnu kútuku Katɔti linyese lɛmmɔ. Na badi bákalɛ bagyata inye.

Yakobo 5:10

Mina banwa, bɛnu Katɔti kenye bediene bani násu Katɔti litemi buni ku kalɛ bákɛ kayi na bénye bébo abi biala. Bɛnu-ma bɛtɛya.