Mateo 4:24 - Katɔti Ɔku Kedee

²⁴ Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 4:24 Referans Kwoze

Mateo 17:15

Na ɔ́su-nwu ɔnini, “Ati, nu mina ubi ɔnanabi ɔmɛni kɔnyana. Uuƒi kalɛ teebo na uubó abi geen. Uwi pii ni, uubuli teeduo ɔgya kemmo ku ntu kemmo lɛnɔ.

Mateo 8:6

“Blɔti! Mina kabla ɔblane uuƒi kpakplaa na ɔ́tɛ kaduli ɔni na ulakana bɔta.”

Luka 5:15

Nsu Yesu lɛlɔ kɔtɛ kuugyingya teesie ɔgyu kakaaka. Na bekyuli pii beebo kalɛ na benu-nwu ala bɔtina na ɔbwi-ma lɛlɛ lɛni nda-ma.

Luka 2:2

Na bekyuli anyi bunweni budeedi bɔmɛni kemmo ni, aban unengu ɔni baalɔ banii Kirenio mɔɔdi Siria kalɔ lɛlɔ.

Mateo 17:18

Amu na Yesu ɔ́bɔku kɔyu kukpidi kɔni nli ɔnamu ɔmmɔ lɛlɔ kemmo na kɔ́lɛ! Na ɔlɛ ɔmmɔ ɔ́ba-nwu kɔnakunwi.

Mateo 15:22

Mmɔ ni, kalɛkɛ kammɔ uleku ɔdi úbo Yesu kudɔ. Na úvele-nwu ɔnini, “Blɔti, Ɔga Dawid Uwɔ, nu-mi kɔnyana! Kɔyu kukpidi kɔdi kuukpóku mina ubi ulekubi na uubó abi geen!”

Mateo 12:22

Amu na bekyuli badi béti ɔnana ɔdi ɔni na kɔyu kukpidi kuukpóku-nwu na ulákana bɔnu iye ulétemi béboku Yesu kudɔ. Na Yesu ɔ́bɔku kɔyu kɔmmɔ na ɔlɛne ɔmmɔ ɔ́kana na uutemi na ɔɔnu lɛnɔ.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 15:23

Na ɔku ɔni na bada bésienku mmɔ kemmo etemila aasu anii, Ɔmɛni ɔ́si abu batalane ku benengu ku banwa bani nkya Yerusalem kudɔ. Bɔnii buugyele amii banwa bani naaadi Yudaƒuɔ na bɛ́si Antiokia ku Siria ku Kilikia.

Marko 2:3

Mmɔ na nkyuli ine béti ɔlɛne ɔdi náƒɛ uwi kalɔ béboku-nwu.

Marko 1:32

Ka useyi uwi údu ni, bekyuli béti balɛne pii ku bekyuli bani na ayu ekpidi asiaku-ma béboku Yesu banii ɔbwi-ma.

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Batalane Kabla 15:41

Amu na bátásia Siria ku Kilikia na bákya baƒɔtaadine bani nkya mmɔ bene ɔkplu.

Luka 4:14

Amu na Yesu ɔ́sɔ únwini úsie Galilea na Katɔti Kɔyu ɔyikun kemmo. Na nwuna lɛlɔ kɔtɛ kúgyingya kɔ́kya mmɔ ku amadɔ mmɔ ƒui.

Marko 1:28

Anwuɔsu Yesu lɛlɔ litemi lígyingya na Galilea kalɔ lɛlɔ ƒui.

Mateo 14:1

Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Ala Alɛdi 1 14:17

Anwuɔsu Dawid ɔ́ƒɔ lɛnyi na kalɔ kammɔ ƒui lɛlɔ. Na Unwoti ɔ́ya kadi ƒui baayia-nwu.

Baga 1 10:1

Uwi ɔni na Seebaƒuɔ ɔga ɔni ndi uleku únu Salomo lɛnyi kalɛ na lísie anumi na lɛ́ƒɔ kuye mmɔ, ku kalɛ na Salomo ku Unwoti ntɛ buse mmɔ ni, ɔ́ta úsie-nwu kudɔ utákɔku-nwu, na uye-nwu ala ani mbo ɔkplu unu.

Baga 1 4:31

Na nwuna lɛnunda litulo ukyuli biala ku Etan ɔni ndi Esrahini lɛdi. Na ɔ́da anu utulo Heman ku Kalkol ku Darda bani ndi Mahol bebi. Na nwuna lɛnyi lígyingya lítédu kadi bamba lɛma lɛni nkya amadɔ mmɔ ƒui.

Yosua 6:27

Na ala ani nálɛ mɛni kemmo ƒui ni, Unwoti ulieku Yosua na ɔ́ya na nwuna lɛnyi lɛ́ƒɔ kuye, nwuna lɛnyi lígyingya líyile kalɔ kammɔ ƒui.

Yohane 10:21

Nsu babambadi lɛnɔ básu banini, “Ukyuli ɔni na kɔyu kukpidi kɔsiaku ni, ulakana na wetemi lɛni! Dɛ na kɔyu kukpidi kɔdubɔya na ɔnumbwɛne ɔsɔ utaanu?”

Mateo 9:35

Yesu úsie ɔ́vi lɛma ku akpaklɔ ani nkya amadɔ mmɔ kemmo. Ɔ́tina ala na Yudaƒuɔ kɔsakɔ. Na ɔ́kɔ litemi buni lɛsa lɛni nkɛnku Katɔti lɛga kadikɔ lɛlɔ. Na ɔ́bwi lɛlɛ lidu lidu.

Mateo 9:26

Litemi lɛmɛni lígyingya na kalɔ kammɔ lɛlɔ kesi kesii.

Mateo 8:28

Ka Yesu útéduo Gadara kalɛkɛ na ɛpu ɔvi ni, nkyuli inyɔ badi na ayu ekpidi eekpóku-ma bási bekyuli kavakɔ mmɔ bábasiaku-nwu. Na ka bana lɛlɔ lɛɛda liƒu geen ɔsu ni, ukyuli ɔdi ulásia ulu ɔmmɔ lɛlɔ.

Samuel 2 8:6

Ɔmmɔ kama Dawid úle nwuna bekpone ɔ́kya Damasko na ɔ́kɛ ɔyikun na Siriaƒuɔ lɛlɔ. Anwuɔsu Siriaƒuɔ lɛnɔ baaƒɔ lɛlɔ bɔdi kadikɔ kayu teete Dawid. Na kesi kesii na Dawid úsie ni, Unwoti uubunku-nwu na ɔɔdi nwuna bekisine lɛlɔ.

Ala Alɛdi 1 29:2

Ɔmɛni ɔsu na lɛ́sia ulu biala lɛlɔ na lɛ́wia atula ani na Salomo ɔdubuti ɔtu ɔtɔ ɔmmɔ líse. Na anya ndi sika ugyiedi ku ɔƒualadi ku abuala egyiedi ku ligyii ku asɛɛ ebi ani muukeye na áƒɔ kuye geen ku asogya ku atabi lidu lɛni náƒɔ kuye na liikeye ku atabi kpakplaa ku akunkpa lidu.

Mateo 8:33

Ɔmmɔ ɔsu ni, baplakuo lɛlɔ banune bammɔ békeli bátɔlɔ bésie ɔma kemmo. Na bátásu ala ani ƒui na alɛku baplakuo bammɔ ku bekyuli bani na ayu ekpidi eekpóku mmɔ lɛlɔ.

Marko 2:4

Na ka bátakɛ kavinkɔ na kayakun ɔ́si bekyuli bumomo ɔsu ni, bátákɔ ɔtɔ katɔ na báyula ɔlɛne ɔmmɔ ku nwuna atɛla báva Yesu anumi.

Marko 2:9

Ukyuli biala ɔkana ɔsu ɔnii, ‘Líti ƒula ekpidi lɛ́kyiɛ-ɔ.’ Nsu ubo ɔkplu utulo si ɔ́su ɔnini, ‘Ta, na eti ƒula lɛtala na eteesie.’

Luka 4:38

Yesu ɔ́lɛ Yudaƒuɔ kasalakɔ mmɔ na ɔ́tɔlɔ úsie Simon kesii. Na Simon ɔmɛni uleni ɔtɛ ɔlɛ ɔni na lɛlɔ lɛ́ƒɔ ogya geen. Na báya na Yesu ɔ́ti.

Luka 5:24

Ndubudie lɛtina-mii ka Ukyuli Ɔyawine Ubi ubo kuƒi na kayawi kamɛni lɛlɔ na uti ekpidi ɔkyiɛ.” Anwuɔsu únwini na ɔ́su lɛlɔ kakɛ kenwi ukpine ɔmɛni ɔnini, “Mɔɔsu-ɔ nnii ta na eti ƒula atɛla na eteesie kaduli!”

Batalane Kabla 8:7

Ɔ́bɔku ayu ekpidi pii ɔ́lɛku bekyuli lɛlɔ kemmo, na ayu ekpidi amɛni áva momoomo asa na ávi álɛ-ma lɛlɔ kemmo. Amu na ɔ́sɔ ɔ́bwi bani na lɛlɔ kakɛ kenwi kékpi-ma ku ama bani náƒɛ bewi kalɔ lɛnɔ.

Luka 7:17

Yesu lɛlɔ litemi lɛmɛni lɛ́ku lɛ́vi Yudea kalɔ kammɔ ku amadɔ ƒui.

Batalane Kabla 28:9

Ka bénu ɔlɛ ɔmmɔ bɔbwi ni, balɛne bani nkya kalɔ kammɔ lɛlɔ ƒui bálɛ bébo, na Paulo ɔ́bwi-ma.