Mateo 4:23 - Katɔti Ɔku Kedee

²³ Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Mateo 4:23 Referans Kwoze

Mateo 9:35

Yesu úsie ɔ́vi lɛma ku akpaklɔ ani nkya amadɔ mmɔ kemmo. Ɔ́tina ala na Yudaƒuɔ kɔsakɔ. Na ɔ́kɔ litemi buni lɛsa lɛni nkɛnku Katɔti lɛga kadikɔ lɛlɔ. Na ɔ́bwi lɛlɛ lidu lidu.

Marko 1:39

Anwuɔsu úsie ɔ́vi Galilea kalɔ kesii biala. Ɔkɛ ɔɔsu litemi buni na kasalakɔ, na ɔɔgyá ayu ekpidi taalɛku bekyuli lɛlɔ lɛnɔ.

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Luka 7:22

Amu na údie kenye na ɔ́su Yohane batalane ɔnini, “Bɛsɔ binwini na bitásu Yohane ala ani na bɛ́nu na bínu bɛnii banumbwɛne baanu, bani na báƒɛ bewi kalɔ beesié, ɔlɛgyie beƒine lɛlɛ lɛ́ba-ma, batutine beenú, bekpine baata teelie ngba, na mɔɔsu bawabane Katɔti litemi buni.

Mateo 11:5

Banumbwɛne baanu, na bani náƒɛ bewi kalɔ beesié. Ama bani muuƒi ɔlɛgyie lɛlɔ lɛɛbla sɛɛn na batutine beenú. Bekpine baata na mɔɔkɔ́ litemi buni lɛmmɔ lɛsa teete bawabane.

Mateo 13:54

Na úsie útéduo nwuna ɔma. Mmɔ na ɔ́tina ala na bana kasalakɔ. Na bekyuli bani nénu ala ani na ɔ́tina ni, ɔ́bla-ma dɛye dɛye. Amu na béye lɛlɔ banini, “Wɛ na ɔ́kɛ nwuna lɛlati lɛmɛni ɔ́siku? Na wɛ na ɔ́kɛ ɔyikun ɔni na ɔda ɔɔbla akɔla budie taatina amɛni udu?

Marko 1:21

Yesu ku nwuna basiakune bamɛni bésie bétéduo ɔma ɔni baalɔ Kapernaum. Na lɛnwunameyi lɛni nébo na bana mmɔ busie kama ni, Yesu úsie bana kasalakɔ na úsie ɔkya ɔɔsu litemi buni.

Kɔgya 103:3

Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.

Romaƒuɔ 10:15

Na si bátatala bekyuli nɔɔ? Dɛ na ɔdubɔbla na bakɔ lɛsa lɛmmɔ? Anwuɔsu na bénweni banii, “Binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti!”

Luka 8:1

Na uwi ɔdi kama ni, Yesu ɔ́vi ɔgbami úsie lɛma ku akpaklɔ kemmo. Na ɔkɛ ɔɔsu litemi buni taasiku Katɔti lɛga kadikɔ lɛlɔ. Leevu-inyɔ banii na ɔ́ƒuna lɛnɔ basiaku-nwu.

Marko 6:2

Na lɛnwunameyi lɛlɔ ni, úsie ɔkya ɔɔtina litemi buni na kasalakɔ mmɔ. Amu ka nwuna ɔma bekyuli pii bésie béténu-nwu ala bɔtina ni, ɔ́bla-ma kalɛ kadi. Beeye lɛlɔ banii, “Wɛ na ɔ́tɛya ɔmɛni udu ɔ́siku? Bi lɛlati udu béte-nwu asa na ɔɔkana akɔla amɛni udu bɔbla?

Mateo 24:14

Na bekyuli badubɔkɔ Katɔti lɛga bɔdi litemi buni lɛmmɔ lɛsa na kayawi ƒui kalɛ na ukyuli biala ɔkɛ kuƒi unu-ni asa na kawɔlɔkɔ kammɔ kedu.

Mateo 12:9

Amu na Yesu ɔ́tɔlɔ úsie Yudaƒuɔ kasalakɔ kadi.

Yohane 18:20

Amu na Yesu údie kenye ɔnini, “Lɛ́tina ukyuli biala ala na kadi ƒui anumi uwi biala kemmo. Na ala ani na lɛ́tina mmɔ lɛnɔ ni, Yudaƒuɔ kɔsakɔ na lɛ́tina-nya na Yudaƒuɔ kakpakɔ uwi ɔni na bana ƒui bábasa. Na ńtasu lɛla lɛdi na bɔbɛ kemmo.

Luka 13:10

Na lɛnwunameyi lɛdi lɛlɔ ni, Yesu ɔkya ɔɔtina ala na Yudaƒuɔ kasalakɔ kadi.

Luka 9:11

Ka bekyuli pii bénu lɛni ni, básia-nwu kama bésie mmɔ. Yesu lɛnɔ ɔ́ƒɔ-ma na ɔ́tɛmi úte-ma ɔ́si Katɔti lɛga kadikɔ ala lɛlɔ, na ɔ́bwi bani na ɔlɛ ɔda.

Luka 5:17

Limeyi lɛdi ka Yesu ɔkya ɔɔtina ala ni, Yudaƒuɔ lɛkpa lɛni baalɔ Ƒarisiƒuɔ ku ɔda bubo ala batinane badi bási Galilea ku Yudea kalɔ lɛlɔ ekpo ekpo ƒui bébo bélie mmɔ. Na Katɔti ɔyikun ɔni Yesu uti ɔbwi balɛne lɛnɔ ɔkya-nwu lɛlɔ kemmo.

Marko 1:14

Uwi ɔni na béƒie Yohane ɔni mɔɔbla ntu bɔkpila ɔdi bákya ɔtɔ ni, Yesu ɔ́tɔlɔ úsie Galilea na útásu Katɔti litemi buni mmɔ.

Kɔgya 74:8

Básu lɛnɔ ka badubo-bu bususu kpɛtɛ kpɛtɛ na bɔyii udu. Na kesii kani na aasála-bu na ƒula anumi ni, bákyula mmɔ bene ƒui na kalɔ kammɔ lɛlɔ.

Batalane Kabla 20:25

“Na ni, amii bani ƒui nénu mina ala bɔtina ɔ́si Blɔti lɛga kadikɔ ala lɛlɔ ni, bɔsɔ bulasa kudii.

Batalane Kabla 18:4

Amu na lɛnwunameyi biala ni, Paulo uusié Yudaƒuɔ kasalakɔ teetédie ala kalɔ teete Yudaƒuɔ ku Grikiƒuɔ ƒui kalɛ benwini kayi.

Yohane 6:59

Ala amɛni na Yesu ɔ́tina-ma na Yudaƒuɔ kasalakɔ na Kapernaum.

Luka 10:9

Bɛbwi balɛne na ɔma ɔmmɔ kemmo. Na bɛsu ɔma ɔmmɔ bekyuli bɛnii, ‘Uwi ɔni na Katɔti ɔdi lɛga na bina kɔyi kemmo ɔ́ɔkpɛ úde.’

Luka 6:17

Uwi ɔni na Yesu ku nwuna batɛyane báyu bási kɔbi kɔmmɔ lɛlɔ ni, bébo bébenye kesii kani nse ƒiaa. Na nwuna basiakune pii badi bakya mmɔ ku bekyuli lisu bonwu lɛni nási Yudea kalɔ lɛlɔ ƒui ku Yerusalem ku lɛma lɛni nde ɛpu kɔtu lɛni ndi Tiro ku Sidon.

Mateo 14:14

Amu na Yesu ɔ́lɛ ɔkɔlɔ ɔmmɔ kemmo. Na uwi ɔni na ɔ́nu bekyuli pii bammɔ ni, bana lɛlɔ lɛ́kywi-nwu kaƒɔ na ɔ́bwi bani muuƒi.

Mateo 13:19

Bekyuli bani muunú Katɔ Ɔga Ɔma lɛlɔ litemi nsu belenu-ni kalɔ ni, bese aani edula ani néwi ulu kɔtu na ukisine ɔmmɔ uubo teebedie litemi lɛmmɔ taalɛku-ma kasusu kemmo.

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Yohane 7:1

Na ɔmɛni kama ni, Yesu útaavi na Galilea kalɔ lɛlɔ na útayɔ ka usie Yudea kalɔ lɛlɔ ka Yudaƒuɔ bakya baawia ulu ɔni lɛlɔ na basia na badu-nwu ɔsu.

Luka 20:1

Limeyi lɛdi ka Yesu ɔkya ɔɔtina bekyuli ala na Katɔti kakpakɔ na ɔɔsu-ma litemi buni ala ni, bakpane benengu ku ɔda bubo ala batinane ku ɔma benengu bébo mmɔ.

Luka 4:14

Amu na Yesu ɔ́sɔ únwini úsie Galilea na Katɔti Kɔyu ɔyikun kemmo. Na nwuna lɛlɔ kɔtɛ kúgyingya kɔ́kya mmɔ ku amadɔ mmɔ ƒui.

Luka 6:6

Na lɛnwunameyi lɛbambadi lɛlɔ ni, Yesu úsie Yudaƒuɔ kasalakɔ na útátina ala. Na mmɔ ni, ukyuli ɔdi ɔkya ɔni na nwuna kɔdianu kɔ́gogolo-nwu.

Luka 7:21

Na uwi ɔmmɔ kani kemmo ni, Yesu ɔ́bwi bekyuli pii lɛlɛ na ɔ́gya ayu ekpidi, na ɔ́ya na banumbwɛne pii bánu.

Luka 9:60

Amu na Yesu ɔ́su-nwu ɔnini, “Ya na ama bani neeebo Katɔti ngba geen bɔmmɔ bataava bana bekpine. Na awɔ eteesie na atásu Katɔti lɛga bɔdi litemi.”

Luka 16:16

“Mose ɔda bubo ɔku ku Katɔti kenye bediene ala ani na bénweni bése ni, ábla kabla ábawɔ Ntu Ɔkpilane Yohane lebo. Na ɔ́si uwi ɔmmɔ lɛlɔ ni, biinú ka baasu litemi buni lɛni nkɛnku Katɔti lɛga kadikɔ lɛlɔ. Na ukyuli biala ɔɔnwanɛ lɛlɔ ka ɔkɛ nwuna ulu uduo Katɔti lɛga kadikɔ kammɔ kemmo.

Batalane Kabla 28:31

Ɔ́kɔ Katɔti lɛga kadikɔ lɛsa ku kayi buse úte-ma, na ɔ́tina-ma ala ani nkɛnku Yesu Kristo lɛlɔ. Na ukyuli ukyuli útetile-nwu kuƒi.