Mateo 4:2 - Katɔti Ɔku Kedee

² Na ka Yesu úlie kɔka usien ku ɔƒɛ emeyi aavlene kama ni, kɔka kúbo kɔɔda-nwu.

Mateo 4:2 Referans Kwoze

Lɛkpa Ulu 9:18

Amu na kunyɔdi lɛnɔ ntayu lɛ́tɛ Unwoti anumi na líti mina anumi líbi kalɔ emeyi aavlene usien ku ɔƒɛ ɔni na ntadi iye ntani lɛla lɛdi. Lɛ́bla ɔmɛni ƒui ɔ́si likpidi lɛni bɛ́bla Unwoti na bɛɛbla lɛla lɛni naaayɔ-nwu kaƒɔ ɔsu. Na bɛ́ya na ɔ́kɛ kɔnyi.

Baga 1 19:8

Anwuɔsu ɔ́ta na ɔ́di na ɔ́ni. Na ka adila ammɔ ákya-nwu ɔkplu ni, úsie lɛgba usien ku ɔƒɛ emeyi aavlene útédu ka údu Katɔti kɔbi kɔni baalɔ banii Horeb.

Israelƒuɔ Bɔlɛ 34:28

Na Mose ɔ́kya Unwoti kudɔ na kɔbi kɔmmɔ lili emeyi aavlene usien ku ɔƒɛ, na útadi iye útani lɛla lɛdi. Na únweni bunyimi bɔmmɔ ku Ɔda Bubo Leevu bɔmmɔ ɔ́sia atabi anyɔ ammɔ lɛlɔ.

Luka 4:2

Mmɔ na Satan útékpoku-nwu ɔ́nu emeyi aavlene sɔɔn. Na uwi ɔmɛni kemmo ƒui ni, Yesu útadi lɛla lɛdi ɔsu kɔka kúbo kɔɔda-nwu na kawɔlɔkɔ.

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Lɛkpa Ulu 9:25

Anwuɔsu lɛ́yu lɛ́tɛ kalɔ na línwini anumi libi kalɔ na Unwoti anumi emeyi aavlene ammɔ kemmo usien ku ɔƒɛ. Ɔsika línu ka Unwoti ɔ́su ka ɔdubɔyila-mii udu.

Israelƒuɔ Bɔlɛ 24:18

Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.

Yohane 4:6

Libiɔ lɛdi lɛkya mmɔ lɛni na Yakob úku. Na ka lɛlɔ lítu Yesu ɔƒiiwi ɔmmɔ na ulu busie gyɔlɔɔ kemmo ɔsu ni, ɔ́yu úlie kalɔ na libiɔ lɛmɛni kudɔ.

Marko 11:12

Kadi kégye uwi ɔni na bávia Betania badubo ni, kɔka kúbo kɔɔda Yesu.

Lɛkpa Ulu 18:18

Anwuɔsu Ami Katɔti ndubumene kenye udiene ɔdi aani awɔ Mose kalɛ lɛkya-ma. Na kenye udiene ɔmmɔ ɔdubɔsi ama alati kadi bekyuli akɔ. Na lɛla biala na líbo-nwu ɔda ni, anwu ndubɔsu-ma ana ƒui.

Mateo 21:18

Na kadi kégye ɔtanta ɔni na ɔ́sɔ únwini ɔdubo ni, kɔka kúbo kɔɔda-nwu.

Mateo 25:35

Mɔɔƒɔ-mii kayu kamɛni ɔsika uwi ɔni na kɔka kɔ́da-mi ni, bíte-mi adila. Ka utukwɛ ɔ́da-mi ni, bíte-mi ntu. Ka ndi ɔƒɔ ni, bígyingya enu bɛ́ƒɔ-mi na ḿbeduo-mii kudɔ.

Mateo 25:42

Kɔka kɔ́da-mi na bítete-mi adila na lɛdi. Utukwɛ ɔ́da-mi na bítete-mi ntu na lɛni.