Mateo 4:19 - Katɔti Ɔku Kedee

¹⁹ Yesu ɔ́su-ma ɔnini, “Ɔ́si ɔƒɛni ni, bɛsiaku-mi na lɛtina-mii kalɛ na beedie bekyuli teete Katɔti.”

Mateo 4:19 Referans Kwoze

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Mateo 16:24

Amu na Yesu ɔ́su nwuna batɛyane ɔnini, “Si ukyuli ɔdi ɔɔwia ka ɔsiaku-mi kama ni, ɔlɛka udie nwuna lɛlɔ atu na ubo abi na ɔsiaku-mi kama.

Luka 9:59

Na Yesu ɔ́su ukyuli bamba ɔnini, “Siaku-mi.” Nsu ukyuli ɔmmɔ ɔnini, “Ati, ya na lɛka mina ɔti busie butáva asa.”

Yohane 21:22

Amu na Yesu údie kenye na úye-nwu ɔnini, “Si mɔɔyɔ́ nnii anwu ɔsɔ ɔkya ngba wetédu uwi ɔni na masɔ mebo ni, bi nkɛ-ɔ? Awɔ ni, taasiaku-mi.”

Yohane 1:43

Kadi kégye ni, Yesu ɔ́bla kasusu ka uteesie kalɔ kani baalɔ banii Galilea. Na ka ɔkɛ ulu ni, ɔ́nu ukyuli ɔni baalɔ Ƒilipo, na ɔ́su-nwu ɔnini, “Bo, na abasiaku-mi.”

Luka 5:27

Ɔmmɔ kama ni, Yesu ɔ́vi ɔ́lɛ ɔtɔ ɔmmɔ kemmo na útánu kuyi ɔƒɔne ɔdi baalɔ banii Lewi ka ɔkya nwuna kabla kablakɔ. Amu na Yesu ɔ́su-nwu ɔnini, “Ta, na asiaku-mi.”

Marko 2:14

Ka úti úsela ɛpu kudɔ mmɔ ni, útánu Lewi ɔni ndi Alƒeo ubidi ka ɔ́bla keliekɔ kadi na ulie mmɔ ɔɔƒɔ́ kuyi. Amu na Yesu ɔ́su-nwu ɔnini, “Bo basiaku-mi kama.” Amu na Lewi úmi ɔ́ta kɔnakunwi na ɔ́siaku-nwu.

Mateo 19:21

Yesu ɔ́su-nwu ɔnini, “Si aayɔ́ anii aabla sɛɛn awɔlɔ ƒui ni, sie na etéti ala ani ƒui na ébo eye. Na eti egulabi ammɔ ete bawabane, na adubɔkɛ lɛyuƒɔla na katɔ. Ɔmmɔ kama asa na ebo abasiaku-mi kama.”

Mateo 9:9

Amu ka Yesu ɔ́si mmɔ úsela ni, ɔ́nu kuyi ɔƒɔne ɔdi na baalɔ banii Mateo ka ɔ́kya nwuna kabla kablakɔ. Na ɔ́su-nwu ɔnini, “Siaku-mi kama.” Mmɔ kani na Mateo ɔ́ta na ɔ́siaku-nwu kama.

Mateo 8:22

Yesu údie kenye ɔnini, “Siaku-mi kama. Na aya na bani nli aani bekpine ka bátaƒɔ bátadi ɔsu bataava bana bekpine.”

Korintoƒuɔ 2 12:16

Bɛdubo bɔtunaku-mi ka ni, ńtenwini etila ńtasia-mii lɛlɔ. Nsu badi badubo bɔsu banii lɛkwɛ likpidi na lɛ́bla na lɛ́kɛ-mii lɛlɔ kɔsia na ulu ɔdi lɛlɔ.

Mateo 4:18

Na ka Yesu ɔkɛ Galilea Ɛpu kɔtu ni, ɔ́nu banwani inyɔ badi bani ndi asawu bewine. Ama ndi Simon ɔni baalɔ Petro ku ɔnwani Andrea ka bada asawu beedie lɛna na Ɛpu ɔmmɔ kemmo.

Mateo 4:20

Mmɔ kani na báda bana lɛsawu béwi na básiaku-nwu kama.