Mateo 4:13 - Katɔti Ɔku Kedee

¹³ Útelie Nasaret, mmomu úsie útélie Kapernaum, ɔma ɔni na uwi Galilea Ɛpu kudɔ na Sebulon ku Naƒtali kalɔ lɛlɔ.

Mateo 4:13 Referans Kwoze

Yohane 4:46

Ɔmmɔ kama ni, Yesu ɔ́sɔ únwini úsie Kana na Galilea kalɔ lɛlɔ mmɔ kesii kani na úti ntu únwini ntɛ. Uwi ɔmmɔ kemmo ni, aban unengu ɔdi nási Kapernaum únu ka Yesu ɔ́si Yudea úbo Galilea. Na ka ubidi lɛnɔ uuƒi kpakplaa ɔsu ni, unengu ɔmɛni úsie Kana na útánu Yesu na úvele-nwu ɔnii ɔsiaku-nwu na besie Kapernaum na utábwi ubidi ute-nwu, ɔsika úudu kaƒiɔtɔ kɔtu.

Marko 1:21

Yesu ku nwuna basiakune bamɛni bésie bétéduo ɔma ɔni baalɔ Kapernaum. Na lɛnwunameyi lɛni nébo na bana mmɔ busie kama ni, Yesu úsie bana kasalakɔ na úsie ɔkya ɔɔsu litemi buni.

Mateo 11:23

Na awɔ Kapernaum ni, aakali ka Katɔti ɔdubɔtalaku-ɔ katɔ? Oowo! Katɔti ɔdubɔyulaku-ɔ kalɔ usienku lɛgyavonku kemmo. Ɔsika akɔla budie taatina ani lɛ́bla na bina akɔ ni, si Sodom na lɛ́bla-nya ni, nka ɔmu ɔdi ɔma úbalɛ ɔmwi.

Yohane 6:59

Ala amɛni na Yesu ɔ́tina-ma na Yudaƒuɔ kasalakɔ na Kapernaum.

Yohane 6:24

Anwuɔsu ka bekyuli bammɔ bánu ka Yesu iye nwuna batɛyane beeenye mmɔ ɔsu ni, ama alati bákɔ béduo lɛkɔlɔ lɛmmɔ kemmo na bátɔlɔ bésie Kapernaum batáwia Yesu.

Yohane 6:17

Na bákɔ béduo ɔkɔlɔ kemmo, na bávia bésela Kapernaum, ɔsika kadi kása na Yesu útebo-ma tɔ kudɔ.

Yohane 2:12

Na uleku buti kama ni, Yesu ku uni ku Yesu banwani ku batɛyane bammɔ bátɔlɔ bésie ɔma ɔni baalɔ banii Kapernaum. Na bélie mmɔ emeyi alɛɛ adi.

Mateo 17:24

Uwi ɔni na Yesu ku nwuna batɛyane bébo bébeduo Kapernaum ni, Yudaƒuɔ kakpakɔ kuyi baƒɔne bébeye Petro banii, “Bina ala ɔtinane lɛnɔ uuyi kakpakɔ kuyi kɔmmɔ?”

Luka 4:23

Na Yesu ɔ́su-ma ɔnini, “Ngyi ka bɛdubo-mi lɛgba lɛmɛni bunyimene bɛnii, ‘Uvone, bwi awɔ ɔlati ƒula lɛlɔ.’ Na bɛsɔ bɛdubo-mi bɔsu lɛnɔ bɛnii, ‘Ala ani udu na búnu ka ábla na Kapernaum ni, bla-nya na awɔ ɔlati ƒula ɔma.’ ”

Mateo 4:14

Úlie mmɔ kalɛ na Katɔti Kenye Udiene Yesaia kenye kani na ɔ́su úse kebo kete lɛni ɔnini,

Mateo 4:15

“Sebulon ku Naƒtali bekyuli bani nli lɛdisa kemmo na ɛpu ulu lɛlɔ na Yordan Ketu ɔvi ku Galilea kesii kani na bekyuli bani naaadi Yudaƒuɔ lɛnɔ belie ni, badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.”

Mateo 9:1

Yesu úduo ɔkɔlɔ kemmo na bénwini básia ɛpu ɔmmɔ lɛlɔ bésie nwuna ɔma.

Marko 2:1

Emeyi adi kama ni, únwini úsie Kapernaum na nwuna bɔsɔ bubo lɛlɔ kɔtɛ kúbeyi ɔma ɔmmɔ kemmo uwi klukui kemmo.

Luka 10:15

Na awɔ Kapernaum ni, bɔkali na bɛda bɛnii bɛdubɔkɔliku lɛlɔ bitédu katɔ? Badubɔyula-mii na bɛyii udu!”