Mateo 4:10 - Katɔti Ɔku Kedee

¹⁰ Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Mateo 4:10 Referans Kwoze

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Yosua 24:14

Amu na Yosua úse anumi na ɔ́sɔ ɔ́su-ma ɔnini, “Bɛyia Unwoti na bitaabla-nwu kabla ulu lɛlɔ. Na bɛda baƒiɔ bani na bina bati kuuku bákpa na ketu ɔvi ku Egyipte mmɔ bidie bina akɔ. Na bitaabla Unwoti kabla kani.

Luka 4:8

Amu na Yesu ɔ́su-nwu ɔnini, “Bunweni Kedee Ɔku ɔɔsu ka ni, ‘Unwoti Katɔti lɛti pɛ kani na ukyuli ɔdubumwi na ɔbla-nwu kabla.’ ”

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”

Yakobo 4:7

Anwuɔsu biboku lɛlɔ kalɔ bite Katɔti. Bitatunaku ukisine ɔmmɔ, na ɔdubukeli-mii kudɔ.

Petro 1 5:9

Binye kpakplaa na bina bɔƒɔtaadi kemmo na bitile-nwu kuƒi, ɔsika abi amɛni udu kani na bina bakpana baƒɔtaadine bani nkya kayawi mɛni ƒui beebó.

Mateo 16:23

Yesu únwini kɔnakunwi ɔ́su Petro ɔnini, “Satan! Gyu tɔlɔ-mi lɛlɔ! Éti lɛlɔ eenwíni ukisine na mina lɛlɔ. Aayɔ́ akpanku-mi atákya likpidi kemmo! Kasusu kani na éti mɛni kátasi Katɔti kudɔ. Mmomu bekyuli kasusu kadi.”

Hiob 2:1

Limeyi lɛdi lɛ́sɔ lídu na kayaa bayikune lidu bammɔ básɔ bébo Unwoti kudɔ na Satan lɛnɔ ɔkya-ma akɔ.

Hiob 1:12

Mmɔ mmɔ ni, Katɔti ɔ́su Satan ɔnini, “Ɔdia, amu líte-ɔ kuƒi na nwuna ala ƒui lɛlɔ, mmomu ƒula lɛnimi litetuku-nwu ɔlɔna lɛlɔ kesii biala anii aabla-nwu lɛla lɛdi.” Amu na Satan ɔ́gyu Katɔti anumi mmɔ ɔ́tɔlɔ.

Ala Alɛdi 1 21:1

Satan, ukisine ɔmmɔ, ɔ́lɛ ugyii ka uti ɔgbankpi uboku Israel lɛlɔ. Anwuɔsu na ɔ́ya na Dawid ɔ́bla kasusu ka ɔdi lɛla lɛbuni ka ɔka nwuna bekyuli na ɔti bana bumomo na Israel ku Yuda.

Hiob 1:6

Limeyi linwi ni, kayaa bayikune lidu ƒui bébo Katɔti anumi, na Satan lɛnɔ ɔkya-ma akɔ.

Kɔgya 109:6

Na baasu muedi banini, “Ya na bekyuli bekpidi badi bada-nwu kenye ka ɔɔbla likpidi. Na bana ɔdi ɔni-nwu uboku litemi katɛkɔ.

Israelƒuɔ Bɔlɛ 23:25

Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ.

Yesaia 30:22

Na uwi ɔmmɔ ni, bɛdubɔnu bina baƒiɔ bani na bɛ́vɔ, ku bani na bɛ́nwi na bɛ́kwaa-nya ku sika ugyiedi aani kebu alakpi ani muusé lɛlɔ na bibo-nya biwiakun.

Marko 1:13

Anwu lɛti úlie mmɔ emeyi aavlene. Uwi ɔmmɔ kemmo na Satan úkpoku Yesu ɔ́nu si wasiaku-nwu. Ɔmɛni kama ni, Katɔti batu bébo bébebunku-nwu na bákya-nwu ɔkplu.

Luka 10:18

Amu na Yesu ɔ́su-ma ɔnini, “Lɛ́nu Satan ka ɔ́si katɔ úbanu aani ogya bɔtu kalɛ.

Luka 11:18

Anwuɔsu si Satan lɛga kadikɔ kebo akpa akpa ani muukpóku lɛlɔ ni, dɛ na lɛga kadikɔ kammɔ kadubunye? Bɛɛsu ka mɔɔgyá ayu ekpidi taalɛku ka Beelsebul uute-mi ɔyikun ɔnii mbla lɛni ɔsu.

Luka 13:16

Na ɔƒɛni ni, bɛɛnu Abraham kaba kemmo ubi nnye mɛni ɔni na Satan úbo lɛkpu akwa leevu-maane sɔɔn mɛni. Ɔɔɔdia ka baƒɛnimi-nwu abuli ammɔ na lɛnwunameyi lɛlɔ?”

Luka 22:3

Amu na Satan úduo Yuda ɔni baalɔ lɛnɔ banii Iskariot lɛlɔ kemmo. Na ɔdi Yesu batɛyane leevu-inyɔ bammɔ akɔ unwi.

Luka 22:31

Mmɔ na Yesu ɔ́su Simon Petro ɔnini, “Simon, Simon! Se atu! Katɔti úte Satan kuƒi ka ɔkɔku-mii ɔnu na ule bani ndia ku bani naaadia ntɛ aani kalɛ umonsene ɔɔƒɛ́ kamu ebi taalɛku ligyɔ kemmo.

Yohane 13:27

Na ɔni kani na Yuda ɔ́ƒɔ bodobodo ɔmmɔ ni, mmɔ kani na Satan ɔ́ƒɔ-nwu lɛlɔ kemmo ƒui. Amu na Yesu ɔ́su-nwu ɔnini, “Babla ku lɛla lɛni na aayɔ́ ka abla.”

Batalane Kabla 5:3

Amu na Petro ɔ́su-nwu ɔnini, “Anania, bi ɔsu na áya na Satan ɔdi-ɔ lɛlɔ, na ɔ́ya-a na aanyi ɔkɔ taatɔlɔ Katɔti Kɔyu? Na ébu ƒula kalɔ kani na éti éye mmɔ egulabi adi ése éte lɛlɔ?

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Korintoƒuɔ 1 5:5

Ɔdi ka bɛnyonu ukyuli ɔmmɔ bite Satan na nwuna ɔyikun ususu-nwu ɔlɔna. Na ina úkpi muedi ni, ukyuli ɔmmɔ kɔyu kɔkɛ bɔƒɔ na limeyi lɛni lɛlɔ na Yesu watɛku kayawi bekyuli ƒui litemi.

Korintoƒuɔ 1 7:5

Si bana akɔ ɔdi ɔɔda ɔdi ɔkwɛ ni, ɔtuna ute-nwu amu ntu bɔka na bɛ́ka lɛlɔ kalɔ bunu ka bɛbla lɛni na biti uwi ɔmmɔ bite katɔ bɔkpali. Na ɔmmɔ kama ni, ɔdi ka bɛsɔ bilie kalɛ kani na bilie kukuuku. Si bɛ́bla lɛni ni, bileduo ukisine ɔmmɔ kakpagyuɛ kemmo. Ɔsika bilakana lɛlɔ lɛlɔ bɔdi na bɛsɔ bilie lɛni ƒui.

Korintoƒuɔ 2 2:11

Ɔmɛni ndubɔya na butile ukisine ɔmmɔ kuƒi na ulákɛ kasiakɔ kadi na bula lɛlɔ, ɔsika bɔgyi-nwu kɔkwɛ.

Korintoƒuɔ 2 11:14

Na ɔmɛni ɔɔɔdi lɛla lɛwɔdi, ɔsika Satan ɔɔvumana lɛlɔ na ɔɔbla aani Katɔti ɔtu ɔni ndanku Katɔti bukeye.

Korintoƒuɔ 2 12:7

Nsu kalɛ na ulabla aani lɛlɔ na mɔɔtalaku katɔ na ala ebendi ani na lɛ́nu lɛlɔ ɔsu ni, Katɔti úte kuƒi na ɔ́ya na ɔlɛ ɔdi úbo-mi lɛlɔ. Satan ɔ́tala nwuna ɔtu ɔdi na ɔ́bla ɔmɛni ɔni na ɔɔyá na muunú ɔlɔna ɔlɛ ɔdi kalɛ na naaatalaku lɛlɔ katɔ.