Mateo 3:6 - Katɔti Ɔku Kedee

⁶ Bédie bana ala ekpidi kalɔ na Yohane ɔ́kpila-ma ntu na Yordan Ketu kemmo.

Mateo 3:6 Referans Kwoze

Batalane Kabla 19:18

Amu na bani nénwini kayi ni, bébo bébedie bana lɛlɔ kalɔ na bekyuli anumi.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Hebriƒuɔ 9:10

Ɔsika ala ammɔ ƒui adanku bɔdi ku bɔni ku lɛlɔ bɔƒɔ ɔdi na lilu bun bun lɛlɔ. Na adi ɔlɔna lɛlɔ ɔda bubo bɔni ndubɔbla kabla ɔƒɛni wetédu ka ulu ɔwɔdi ɔmmɔ úbo.

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Hebriƒuɔ 6:2

Na adanku lɛla lɛni ɔsu na beeti ntu taabla ntu bɔkpila ɔdi ku enu lili bɔsia ku kalɛ na bekpine badubɔsɔ bata balɛ bekpine akɔ ku Katɔti litemi lɛni na ɔdubɔtɛku-bu na ɔsɔ ulavumana-ni kudii lɛlɔ.

Koloseƒuɔ 2:12

Na uwi ɔni na bɛ́ƒɔ ntu bɔkpila ɔdi ɔmmɔ ni, ɔ́tina ka amii ku Kristo nékpi na báva-mii. Na amii ku-nwu lɛnɔ náta bɛ́lɛ bekpine akɔ ɔkɛ bina bɔƒɔtaadi bɔni bibo kenye.

Korintoƒuɔ 1 10:2

Katɔti úti ku Ɛpugyie ɔmmɔ ɔ́bla-ma ntu bɔkpila ɔdi aani bekyuli bani nsiaku Mose kama.

Batalane Kabla 22:16

Na ɔƒaani ni, lɛla lɛdi lɛ́sɔ lítebu. Ta, na aƒɔ ntu bɔkpila ɔdi. Na akpali Blɔti lɛnyi, na ɔdubɔƒɔ ƒula ekpidi udie-ɔ lɛlɔ.’

Batalane Kabla 11:16

Amu na líti kasusu lísienku uwi ɔni na Blɔti ɔ́su ɔnini, ‘Sɔsɔ ni, Yohane úti ntu ɔ́kpila bekyuli. Nsu ni, Katɔti ɔdubuti nwuna Kɔyu ɔkpila-mii.’

Batalane Kabla 1:5

Ɔsika Yohane anwu ni, ntu na úti ɔ́bla Katɔti ntu bɔkpila ɔdi ɔmmɔ úte bekyuli. Nsu na emeyi klukui adi kemmo ni, Katɔti ɔdubuti nwuna Kɔyu ɔkpila-mii.”

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Marko 1:5

Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Esekiel 36:25

Ndubo ntu bɔni nse sɛɛn bɔkuna buwi-mii lɛlɔ na bina lɛlɔ lɛbla sɛɛn na lɛƒɔ-mii. Ndubo-mii ntu bɔkpila na bɛlɛ sɛɛn bɛsiku lɛla biala náya na biisé lɛlɔ kudɔ ku baƒiɔ ala anu ƒui muusé lɛlɔ mmɔ kudɔ.

Agba 28:13

Bekyuli bani muuti ala teebi bana ekpidi ni, ala aládianku-ma. Nsu si bédie-nya kalɔ na béni-nya ni, Unwoti ɔdubɔnu-ma kɔnyana.

Kɔgya 32:5

Amu na lɛ́nu mina alaekpidi lɛ́ti na lɛ́su nnini, “Ndubudie mina bɔƒiɔ ƒui kalɔ lite awɔ Unwoti.” Lídie-nya kalɔ líte-ɔ sɔsɔ na nteti ɔdi ntabɛla-a. Anwuɔsu awɔ lɛnɔ ti kyiɛ-mi.

Yosua 7:19

Ɔmmɔ kama Yosua úye Akan ɔnini, “Mina ubi, die lɛlɔ kalɔ na Unwoti ɔni ndi Israelƒuɔ Katɔti anumi na asu lɛla lɛni na ábla. Na teti lɛla lɛdi tabɛla.”

Bumomo Bɔka 5:7

Ɔlɛka ukyuli ɔmmɔ ɔsu likpidi lɛni na ɔ́bla na ɔƒɔ likpidi lɛni na ɔ́bla mmɔ kayu ƒui ute ukyuli ɔni na ɔ́ƒiɔ mmɔ. Na ɔsɔ ɔƒɔ kayu kammɔ lɛkpa lɛlɔndi ɔsia kayu kammɔ lɛlɔ ute-nwu.

Lewiƒuɔ Ɔda Bubo 26:40

“ ‘Nsu si bekyuli bammɔ badubudie bana ekpidi ku bana bati ekpidi kalɔ, kalɛ na báta bénye-mi lɛlɔ ku ulikplu ala ani na bábla bákya-mi

Lewiƒuɔ Ɔda Bubo 16:21

Na ɔdubuti nwuna enu anyɔ ɔsia ese ɔmmɔ kuli na ɔka Israelƒuɔ ekpidi lidu lidu udie ɔsu na bana ulikplu ala bɔbla ku kalɛ na baalɛ́ bana Unwoti kama ku bana ekpidi lidu bamba lɛni ƒui na baabla. Na ekpidi ammɔ ƒui adubɔsia ese ɔmmɔ kuli. Na ɔkɛnku ukyuli ɔni na báalɛ lɛnimi bése lɛlɔ ni, na ɔbɔku ese ɔmmɔ utákya alakpi akɔ na ketele kalɔ kakwiidi kemmo.

Petro 1 3:21

Na ɔmmɔ mɔɔtina-bu lɛla lɛni na bula ngba bɔƒɔ ntu bɔkpila ɔdi ɔmɛni ɔdanku. Ɔɔɔdi ɔlɔna lɛlɔ bɔkpi na ɔdi, mmomu ɔkɛnku kenye kani na búse búte Katɔti ku kayi kani nse sɛɛn lɛlɔ na ɔdi. Katɔti ɔɔƒɔ́-bu ɔkɛnku kalɛ na bɔ́ƒɔ Yesu Kristo bɔsɔ bɔta bɔlɛ bekpine akɔ bɔ́di ɔsu.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Luka 1:16

Na anwu ndubo Israel bekyuli pii bɔsɔku buboku bana Unwoti Katɔti kudɔ.