Mateo 3:5 - Katɔti Ɔku Kedee

⁵ Na bekyuli bási Yerusalem ku Yudea kalɛkɛ ku Yordan Ketu amadɔ ƒui bébo-nwu kudɔ.

Mateo 3:5 Referans Kwoze

Marko 1:5

Bekyuli pii bási Yudea kalɔ lɛlɔ ku bana ɔma unengudi ɔni baalɔ Yerusalem bésie ketele kamɛni kemmo béténu Yohane litemi. Bédie bana ekpidi kalɔ béte Katɔti, na Yohane ɔ́kpila-ma ntu na ketu kani baalɔ Yordan kemmo.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Yohane 3:23

Na uwi ɔmmɔ kemmo ni, Yohane lɛnɔ ɔkya ɔɔkpila bekyuli ntu na Ainon na Salim kudɔ, ɔsika ntu bɔkya mmɔ kaduɛ, na bekyuli pii beesié-nwu kudɔ ka ɔkpila-ma ntu.

Luka 16:16

“Mose ɔda bubo ɔku ku Katɔti kenye bediene ala ani na bénweni bése ni, ábla kabla ábawɔ Ntu Ɔkpilane Yohane lebo. Na ɔ́si uwi ɔmmɔ lɛlɔ ni, biinú ka baasu litemi buni lɛni nkɛnku Katɔti lɛga kadikɔ lɛlɔ. Na ukyuli biala ɔɔnwanɛ lɛlɔ ka ɔkɛ nwuna ulu uduo Katɔti lɛga kadikɔ kammɔ kemmo.

Luka 3:7

Bekyuli pii bálɛ bébo banii Yohane ɔkpila-ma ntu. Nsu Yohane ɔ́su-ma ɔnini, “Bibo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Mateo 4:25

Bekyuli pii bási Galilea ku lɛma linengudi leevu lɛdi kemmo ku Yerusalem ku Yudea kalɔ ku Yordan Ketu ɔvi ƒui bábasiaku Yesu kama.

Mateo 2:1

Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Luka 3:3

Amu na Yohane ɔkɛ ɔɔví Yordan utuvi ku kalɛkɛ mmɔ bene ƒui ɔɔsu Katɔti litemi ɔnii, “Binwini kama bɛkya bina ekpidi na bɛƒɔ ntu bɔkpila ɔdi kalɛ na Katɔti uti bina ekpidi ɔkyiɛ-mii.”