Mateo 3:16 - Katɔti Ɔku Kedee

¹⁶ Amu ka Yohane ɔ́kpila Yesu ntu na ɔ́nya ɔ́lɛ ntu bɔmmɔ kemmo kani na katɔ kálɛmi na Katɔti Kɔyu kɔ́si kɔɔyu aani abloduma kalɛ, na kúbelie-nwu lɛlɔ.

Mateo 3:16 Referans Kwoze

Yesaia 11:2

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia.

Marko 1:10

Ka Yesu ɔ́nya ɔ́lɛ ntu bɔmmɔ kemmo ni, ɔ́nu ka katɔ kébimi na Katɔti Kɔyu kɔ́si kɔɔyu-nwu lɛlɔ aani aasɛ.

Yesaia 42:1

Unwoti ɔnini, “Aanu mina kabla ɔblane ɔni na lɛ́ƒuna, mɔɔyɔ́-nwu geen na nnye-nwu kama kpakplaa lɛnɔ. Líti mina Kɔyu lɛ́kya-nwu lɛlɔ kemmo, na ɔdubuti ala bɔbla ulu lɛlɔ siin buboku kayawi kadi bekyuli ƒui.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Batalane Kabla 7:56

Amu na ɔ́su-ma ɔnini, “Bɛnu! Mɔɔnu ka katɔ kébimi na Ukyuli Ɔyawine Ubi unye Katɔti kɔdianu!”

Esekiel 1:1

Ami ndi Esekiel, Busi ubidi, na ndi ɔkpane. Uwi ɔni na béƒie Ɔga Yekonia bátɔlɔku bésienku Babilon aani bana ɔtɔntɛne kalɛ úbunku abu bakladi, ɔbla akwa alɔ kama ni, lɛ́kya kesii kadi na kede ketu kani baalɔ banii Keba. Na ami ku bani na béti bátɔlɔku mmɔ nkya mmɔ. Amu na kɔbuli kunedi limeyi lɛlɔndi lɛlɔ na lɛkwa leevu-lɛtɛdi kemmo ni, kayaa kálɛmi kɔnakunwi. Na Unwoti úti nwuna enu ɔ́sia-mi lɛlɔ na údie kɔyu kemmo ala adi ɔ́tina-mi.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Yesaia 59:21

“Líse-ma kenye ka ndubuti mina Kɔyu ku linyesia lite-ma. Na ɔmɛni ndi mina etela ani na ndubuti lite-ma ku bina kɔduli bekyuli úsela uwi ƒui.” Lɛni na Unwoti ɔ́su.

Yohane 1:51

Litemi geen na mɔɔsu-ɔ ka ni, adubɔnu ka katɔ kálɛmi na Katɔti batu baakɔ́ teesie katɔ taayu teebo ami Ukyuli Ɔyawine Ubi lɛlɔ.”

Yohane 1 5:6

Yesu ɔmɛni ndi Ukyuli Ɔƒunadi ɔni nébo kayawi, na bɔ́nu-nwu bɔ́ti ɔkɛnku ntu bɔkpila ɔdi ɔni na ɔ́ƒɔ ku nwuna ubugya ɔni néwi kalɔ lɛlɔ ɔsu. Na ɔɔɔdi ntu lɛti pɛ lɛlɔ na ɔkɛ úbo, mmomu ntu ku ubugya ƒui lɛlɔ. Na Katɔti Kɔyu muudie-nwu kenye na ulu lɛlɔ. Ɔsika Kɔyu kɔmmɔ ablala ƒui adi litemi geen.