Mateo 3:12 - Katɔti Ɔku Kedee

¹² Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo!”

Mateo 3:12 Referans Kwoze

Malakai 4:1

“Litemi Bɔtɛ Limeyi lɛdubo ɔni na lɛla lɛdi liletile kuƒi kɔmmɔ. Na limeyi lɛmmɔ lɛdubuse aani lɛyu lɛni náƒɔ ogya ku ogya livongu bonwu lɛni muudie ogya linyemi lɛni ndubo alaekpidi bablane ƒui bɔkyula kede kede aani livo. Na kegyigba iye ugyitu ɔdi ulébu. Ami, Unwoti Ɔyikune Ƒui, násu!

Mateo 13:30

Bɛya na nwuna akpa anyɔ ƒui eteenye utálɛ edula ɔƒɛwi. Na uwi ɔmmɔ na ndubɔsu edula baƒɛne bammɔ nnii bɛka livo lɛmmɔ bɔgyu na binyimi-ni esu esu na bɛkyula-ni. Na edula ammɔ ni, bɛƒɛ-nya na biti-nya biwi mina unwu kemmo.’ ”

Luka 3:17

Ɔda nwuna kɔɔlɛ kɔni na ɔdubɔƒɛ nwuna edula udie na uti uwi unwu kemmo. Nsu ɔdubɔkyula aƒaƒa ku lɛmuyɔ lɛkladi na ogya ɔni naaadubo buni kudii kemmo.”

Yeremia 51:2

Bekpone bani na badi baƒɔ badubɔsi lɛƒɛnyi ƒui lɛlɔ bebo. Na si uwi ɔni na ɔgbankpi ɔmmɔ kenye kávi ni, Babilon ɔdubɔsɔ uwi ukpludi ɔni na ɔsɔ uuubo lɛla lɛdi bɔbla lɛnɔ.

Yesaia 41:16

Na bibo-nya bitéwi aani kalɛ na baaƒɛ́ lɛla lɛdi, na ɔƒɛƒɛɛ uti lɛla biala ɔtɔlɔku. Nsu amii ni, lɛlɔ lɛdubo-mii bɔyɔ na bimwi ami bina Unwoti Israel Katɔti kedee.

Mateo 13:41

Ami, Ukyuli Ɔyawine Ubi, ndubɔtala mina batu na babɔku ala ani mɔɔyá na baabla ekpidi ku ekpidi bablane ƒui bedie Katɔti lɛga kadikɔ.

Kɔgya 1:4

Nsu bekyuli bekpidi ama ni, uuuse uuute-ma lɛni. Buse bese aani aƒaaƒa ani na ɔƒɛƒɛɛ uubó taavinku uwi ndi uwi.

Yeremia 7:20

“Na ɔƒaani ni, ami Unwoti Ɔyikune Ƒui ndubɔya na mina kɔnyi kubo-ma lɛlɔ aani kalɛ na ketu keeyi teedie ukyuli útédu uwi ɔni na bekyuli o-o, bebuo o-o, egyii o-o, edula o-o ni, lɛla biala lɛsɔ lilébu lilakya kalɔ kammɔ lɛlɔ.”

Yohane 15:2

Ɔɔmɛnɛ kagba biala kani naaakana bɔnwu teedie kɔgba kɔkladi akɔ. Na ɔɔƒiala kɔgba kɔni mɔɔnwu lɛnɔ kemmo kalɛ na kuna akɔ kɔbla nwaa na kɔkana kutaanwu kaduɛ.

Yeremia 15:7

na uwi ɔni na ndubo-mii bugyingya aani keti kani na ɔƒɛƒɛɛ uubó taavinku. Ndubo-mii kɔtu bɔni na kɔnyana kuƒie-mii na bikpi lɛnɔ ɔsika bíni bɛnii bɛɛɛdubo bunwini na ulu ɔni lɛlɔ na bɛsia.

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Yesaia 30:24

Na bebuo bani na bíbo anwami kɔgba bɛ́da na benye beegúlu kalɔ teete-mii muedi bɛdubute-ma antabi abuni ani na bígyuo bídie akpa na bakun.

Yesaia 17:13

Nsu ina ka bábla kudu ku kɔnyi badubo lɛni ni, Unwoti ɔdubo-ma bɔbɔku busienku kama, aani kalɛ na ɔƒɛƒɛɛ uuƒwi aƒata taayulaku abi, iye kalɛ na ɔƒɛƒɛɛ uuduo kɔnwinimi kemmo taakya ligede.

Yesaia 5:24

Anwuɔsu bana ƒui badubo bɔkywi bɔyii udu aani kalɛ na ogya ɔɔkyula livo ku keti. Bana ligyiitu lɛdubo bubun na bana anwula awiɛ. Ɔsika bekyuli bamɛni béni Unwoti Ɔyikune Ƒui ɔda bubo. Na béni banii belenu Israel Unwoti Kedee litemi.

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Kɔgya 35:5

Ya na benwini aƒaƒaa ani na ɔƒɛƒɛɛ uubó taavinku. Na ƒula ɔtu ubabɔku-ma usienku kama.

Hiob 21:18

Kɔlɛ na ɔɔní-ma kɔtu aani kalɛ na ɔƒɛƒɛɛ uuduo keti kemmo teebo-ka teegyingya?

Mateo 13:43

Na Katɔti bekyuli ama badubukeye aani ɔƒɛ na bana Katɔti ɔma. Si bɛɛyɔ́ ni, biti lɛla lɛni lɛ́su mɛni!

Amos 9:9

“Ndubo ɔda bubo na bekyuli begyingya-mii bakya kayawi aani kalɛ na baatanyi ɔlaaƒɔ teedie atago, na atago ebi ammɔ ina unwi uleduo ɔlaaƒɔ ɔbuni ɔmmɔ kemmo.

Hosea 13:3

Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

Yeremia 4:11

Uwi ɔni na ɔgbankpi ɔmmɔ ɔdubo bɔlɛ ni, Unwoti ɔdubɔsu amii Yerusalemƒuɔ ɔnini, “Ndubɔya na ɔƒɛƒɛɛ kpakplaa ukpo ɔsi kalɔ kakwiidi lɛlɔ na ɔɔɔdi ƒɛƒɛɛ buɛɛ ɔni muuƒwi aƒata teedie bina kamu kemmo na kakpa. Mmomu ɔdubɔkpala-mii ɔtɔlɔku aani kɔtu bɔni na bina ekpidi ɔsu.

Yesaia 66:24

Mina bekyuli badubusie na batánu bekyuli bani náta bénye-mi lɛlɔ kalɛ na beklubi baakun-ma ɔlɔna na beklubi bammɔ belekpi kudii. Na ogya ɔni mɔɔkyula-ma mmɔ lɛnɔ uleni kudii na lɛla lɛni na badubɔnu mmɔ ɔdi lɛla lɛni muusé lɛlɔ.”

Yesaia 27:4

Ńtakɛ kɔnyi na kemo kammɔ lɛlɔ. Ɔsika si bekisine badi-mi aani liyu ku alakpigya ni, nka ndubuduo-ma lɛlɔ mmɔ na lɛkyula-ma ƒui.

Mateo 13:42

Badubuti anya ku-ma ƒui batákya lɛgyavonku kemmo. Mmɔ na keku ku animi bɔdu bɔkya!

Luka 3:16

Anwuɔsu Yohane ɔ́su bana ƒui ɔnini, “Ntu na ami líti mɔɔkpila-mii. Nsu ukyuli ɔdi ɔsia-mi kama ɔdubo ɔni na utulo-mi ƒui! Ńtedu ka lɛbla kabla kadi lite-nwu muedi. Na ukyuli ɔmɛni ndubuti Katɔti Kɔyu ku ogya ɔkpila-mii.

Yesaia 28:28

Bɔkɔ na baakɔ́ edula ebi ɔlaaƒɔ taabla bodobodo Anwuɔsu belebo-nya kedenkɛ lɛlɔ taabwɛ na ɔbla ɔlaaƒɔ na kewiilekɔ mmɔ.