Mateo 28:9 - Katɔti Ɔku Kedee

⁹ Kɔnakunwi ni, ama ku Yesu bása na ulu lɛlɔ. Na ɔ́su-ma ɔnini, “Lígyele-mii.” Mmɔ na bákpɛ béde-nwu na béboku lɛlɔ kalɔ báda-nwu lɛgba na bémwi-nwu.

Mateo 28:9 Referans Kwoze

Mateo 28:17

Na ka bánu-nwu ni, bana badi bémwi-nwu. Nsu badi lɛnɔ kasusu kábla-ma inyɔ inyɔ.

Mateo 14:33

Amu na batɛyane bammɔ bábu-nwu geen. Na básu-nwu banini, “Katɔti Ubidi geen na adi!”

Yohane 20:28

Ka Yesu ɔ́su-nwu lɛni ni, Toma údie kenye ɔnini, “Mina Ati ku Katɔti!”

Luka 24:52

Amu na bémwi-nwu na bénwini bésie Yerusalem ku ebiti sɔɔn.

Yohane 12:3

Amu na Maria úti nnɔmii ƒɛƒɛɛ bɔdi bɔni náƒɔ kuye geen na baalɔ-mu nard úwi Yesu lɛgba, na ɔ́da nwuna lili linwini úni-nwu lɛgba. Na ɔnyi ƒɛƒɛɛ ɔ́ƒɔ ɔtɔ ɔmmɔ ƒui kemmo.

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Budie Taatina 3:9

Bɛnu! Ɔkɔ banyine bani násala bewi Satan ku nwuna badi kasalakɔ ngye na baalɔ-ma Yudaƒuɔ nsu baaadi Yudaƒuɔ ni, ndubɔya na balɛ akɔnkɔ na ƒula lɛgba akɔ. Na bana ƒui badubɔsu banii mɔɔyɔ́-ɔ.

Korintoƒuɔ 2 13:11

Banwa, na kawɔlɔkɔ mɛni ni, binye momoomo na bɛlɛ lili bɛwɔlɔ. Na binu ala ani ƒui na lívele-mii na ɔku ɔmɛni kemmo. Bɛbla unwi na bilieku lɛlɔ ku keyi buɛɛ, na Katɔti ɔni mɔɔyɔ́ bekyuli na ɔɔyá na keyi kaayɔ́ku-ma ni, ɔdubɔsiaku-mii.

Yohane 20:19

Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Luka 1:28

Ɔtu ɔmmɔ úbo Maria kudɔ na ɔ́su-nwu ɔnini, “Mɔɔkɔ́-ɔ lɛlɔ buɛɛ! Blɔti ɔsiaku-ɔ na úte-ɔ kusɛ kusɛ.”

Yesaia 64:5

Bekyuli bani ƒui na béti bana kayi ƒaa baabla lɛbuni na beenyimo taasia ƒula lilu lɛlɔ ni, aayu teebo teebebunku-ma. Nsu uwi ɔni na búsie anumi na bɔɔbla alaekpidi na bɔɔta teenye ƒula lilu lɛlɔ ni, éti kɔnyi ákya-bu. Na dɛ na bɔdubɔsɔ bɔbla na bɔkɛ bɔƒɔ?

Mateo 23:7

Baayɔ́ banii bekyuli beteebo kalɔ teegyele-ma na kuyeya na bataalɔ-ma banii Ala Ɔtinane.

Mateo 28:8

Anwuɔsu bábabla bátɔlɔ kaƒiɔtɔ kammɔ kudɔ. Na ina ka liƒu lɛ́da-ma muedi ni, béti ebiti békeli bésie banii batásu Yesu batɛyane kenye kammɔ.

Mateo 28:10

Na Yesu ɔ́su-ma ɔnini, “Bitayia. Biteesie na bitásu mina banwa bɛnii beteesie Galilea. Mmɔ na badubɔnu-mi.”