Mateo 27:54 - Katɔti Ɔku Kedee

⁵⁴ Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Mateo 27:54 Referans Kwoze

Marko 15:39

Na ka bekpone unengu ɔni nnye ugyii ɔmɛni anumi únu Yesu bɔva na ɔ́nu kalɛ na úkpi ni, ɔ́su ɔnini, “Sɔsɔ na ukyuli ɔmɛni ɔdi Katɔti Ubidi.”

Mateo 27:36

Nwuna kama ni, básɔ bélie kalɔ na bágyumana-nwu.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Batalane Kabla 27:43

Nsu ka bana ɔtɔnkune ɔmɛni ɔɔwia ka ɔƒɔ Paulo ngba ɔsu ni, útatunaku-ma. Anwuɔsu údie ɔ́su ɔnii si bani makana ni, baba lɛgyu beduo ntu kemmo na bakpi beteesie ketudɔ.

Batalane Kabla 27:1

Amu na uwi ɔni na bálɛ ugyii ka ɔdi ka busie Italia ni, béti Paulo ku batɔntɛne bakladi bákya bekpone unengu ɔni baalɔ Yulio enu kemmo. Ɔdi aban bagyumanane lɛkpa linwi lɛni baalɔ Ɔga Unengudi Bekpone Lɛkpa.

Batalane Kabla 23:23

Na uwi ɔni na ɔnamu ɔmɛni ɔ́tɔlɔ ni, bekpone ɔtɔnkune ɔmɛni ɔ́lɔ nwuna bekpone bamɛni kemmo benengu inyɔ na ɔ́su-ma ɔnini, “Bɛwia bekpone nkyuli eti ene bani mesie Kaesarea ɔmwi usien ɔdɔ yaalenwi kemmo. Bɛwia atula badane lɛnɔ nkyuli eti ene ku bapɔnkɔ kama beliene nkyuli liti ku aavlanyɔ.

Batalane Kabla 21:32

Kɔnakunwi ni, útiku bekpone badi na bésie lɛsɛ kanikɔ mmɔ. Amu ka lɛsɛ bakyane bammɔ bánu bekpone bamɛni ni, báda Paulo bubo báya.

Mateo 8:5

Nwuna kama ka Yesu úduo Kapernaum ni, Romaƒuɔ bekpone unengu ɔdi úbo úbevele-nwu ɔnini,

Mateo 4:3

Amu na ukisine ɔmmɔ úbo-nwu kudɔ na ɔ́su-nwu ɔnini, “Si Katɔti ubidi na adi ni, su atabi amɛni na enwini adila.”

Budie Taatina 11:13

Kɔnakunwi ni, kalɔ bɔkunku kpakplaa bɔdi bɔ́lɛ na ɔma ɔmmɔ lɛkpa leevudi lɛ́bwɛ, na bekyuli mpim maatɛ békpi. Liƒu pim líƒie bekyuli bakladi, na bákɔliku Ati ɔni nkya katɔ lɛnyi katɔ!

Romaƒuɔ 1:4

Na ɔkɛnku Katɔti Kɔyu lɛlɔ ni, Katɔti údie-nwu ɔ́tina bekyuli ku ɔyikun bonwu ka ɔdi ubidi ɔni na ɔ́gyila ɔ́lɛku bekpine akɔ.

Batalane Kabla 23:17

Amu na Paulo ɔ́lɔ bekpone bani nnye mmɔ kemmo unwi na ɔ́su-nwu ɔnini, “Tiku ɔnamu ɔmɛni teesienku bina ɔtɔnkune kudɔ. Ɔ́da litemi kpakplaa lɛdi na ɔsu-nwu.”

Batalane Kabla 10:1

Lebo lɛmmɔ ni, ɔnana ɔdi úlie Kaesarea ɔma kemmo ɔni baalɔ banii Kornelio. Ɔdi unengu úte Romaƒuɔ bekpone.

Batalane Kabla 2:37

Amu ka bekyuli bamɛni bénu Petro etemila amɛni ni, ékpoku-ma na kayi kemmo. Anwuɔsu béye-nwu ku batalane bakladi banii, “Banwa, bi na ɔlɛka bɔbla?”

Yohane 19:7

Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Luka 22:70

Amu na bana ƒui béye-nwu banini, “Amu ni, Katɔti Ubidi na adi?” Amu na údie kenye ɔnini, “Amii alati mɔɔsu bɛnii anwu na ndi.”

Mateo 27:40

Básu banii, “Awɔ násu ka adubɔƒɛ Katɔti kakpakɔ na asɔku-ka atu emeyi atɛ kama! Si adi Katɔti Ubidi ni, yu na aƒɔ lɛlɔ asiku kukpi enu kemmo.”

Mateo 26:63

Nsu Yesu úbile kenye na útasu lɛla lɛdi. Ɔkpane unengudi ɔ́sɔ ɔ́su-nwu ɔnini, “Lɛ́kpali Katɔti mɔɔkya-a nnii su-bu si awɔ ndi Ukyuli Ɔƒunadi ɔni ndi Katɔti Ubidi ɔmmɔ.”

Mateo 27:51

Kɔnakunwi na Katɔti kakpakɔ na ɔma kemmo ni, kakpakɔ bule kɔdi kɔmmɔ kɔ́bwɛ kemmo inyɔ ɔ́si katɔ úbedu kalɔ. Na kalɔ kammɔ ƒui kákunku, na atakpɛ ábwɛ.