Mateo 27:42 - Katɔti Ɔku Kedee

⁴² “Úbunku badi, nsu ulákana na ubunku lɛlɔ. Ɔɔɔdi anwu ndi Yudaƒuɔ Ɔga ɔmmɔ? Ɔyu ɔsi ugyii ɔmmɔ lɛlɔ na bɔnu na bɔƒɔ-nwu bɔdi!

Mateo 27:42 Referans Kwoze

Yohane 1:49

Natanael ɔ́su-nwu ɔnini, “Rabi, awɔ ndi Katɔti Ubidi. Awɔ ndi Israelƒuɔ Ɔga.”

Mateo 27:37

Na bébo kegyiikɛ kadi bámana-nwu eli. Na bénweni lɛla lɛni ɔsu na bádu-nwu básia-ka lɛlɔ banii, “Yesu, Yudaƒuɔ Ɔga, mɛni.”

Batalane Kabla 4:14

Nsu ka bánu ukyuli ɔni na bábwi na bana anumi mmɔ ɔsu ni, bátakana lɛla lɛdi bɔsu.

Yohane 12:47

“Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Yohane 9:24

Benengu bammɔ básɔ bálɔ ɔnana ɔni na nka anumi ábwɛ-nwu mmɔ, na básu-nwu banini, “Yia Katɔti, na asu-bu litemi geen lɛmmɔ! Abu bɔgyi ka ukyuli ɔmmɔ ɔdi alaekpidi ɔblane!”

Luka 19:38

Na básu banii, “Bimwi Ɔga ɔni nási ɔdubo na Blɔti lɛnyi kemmo! Na keyi buɛɛ kaƒɔ Katɔ Ɔga Ɔma ƒui! Hosiana!”

Mateo 2:2

Na béye banini, “Wɛ na báwɔ ubi ɔni ndubɔdi lɛga na Yudaƒuɔ kalɔ lɛlɔ? Bɔ́nu nwuna lɛyabi na ɔƒɛ katukɔ. Na búbo bɔnii bubemwi-nwu.”

Mateo 27:40

Básu banii, “Awɔ násu ka adubɔƒɛ Katɔti kakpakɔ na asɔku-ka atu emeyi atɛ kama! Si adi Katɔti Ubidi ni, yu na aƒɔ lɛlɔ asiku kukpi enu kemmo.”

Mateo 27:41

Lɛni kani na bakpane benengu ku ɔda bubo ala batinane ku ɔma benengu bammɔ lɛnɔ báma-nwu banini,

Marko 15:31

Lɛni kani na bakpane benengu ku ɔda bubo ala batinane bammɔ lɛnɔ báma-nwu básu lɛlɔ banini, “Úbunku badi, nsu ulákana nwuna lɛlɔ bubunku!

Marko 15:32

Si anwu ɔni baalɔ Yudaƒuɔ Ɔga mɛni ndi Kristo ɔni na Katɔti ɔ́ƒuna úse sɔsɔ ni, ɔkya ɔkplu na ɔyu ɔ́si ugyii lɛlɔ ubo kalɔ na bɔƒɔ-nwu bɔdi!” Nkyuli inyɔ bani na bákana bámana ligyii lɛlɔ bébunku Yesu mɛni ni, ama lɛnɔ bédumi-nwu.

Luka 23:35

Na uwi ɔmmɔ ni, bekyuli bammɔ ƒui benye mmɔ baanu. Na Yudaƒuɔ batɔnkune bammɔ benye baamá Yesu taasu banini, “Ɔ́ƒɔ bekyuli bamba ngba, anwuɔsu ɔlɛka ɔƒɔ anwu ɔlati bɔdi lɛnɔ si anwu ndi Ukyuli Ɔƒunadi ɔni na Katɔti úse likpo úse na bɔnu ɛ-ɛ!”

Luka 23:37

Na básu-nwu banini, “Si Yudaƒuɔ ɔga na adi ni, na ekpo aƒɔ lɛlɔ!”