Mateo 27:4 - Katɔti Ɔku Kedee

⁴ Na ɔ́su-ma ɔnini, “Lɛ́bla likpidi ka lɛ́kya ukyuli ɔni nátaƒiɔ ɔmmɔ kakya nnii badu-nwu.” Na bédie kenye banini, “Ɔmɛni anwu ɔɔɔkɛ-bu. Ƒula litemi na lɛdi!”

Mateo 27:4 Referans Kwoze

Yohane 1 3:12

Na utalɛka bɔbla lɛlɔ aani Kain kalɛ. Ɔsika anwu ɔdi Satan ɔdi, na ɔ́du ɔnwani. Na bi ɔsu na Kain ɔ́du-nwu? Ɔsika uukisi ɔnwani ka nwuna ablala ese siin ɔsu. Na anwu Kain adi eeese siin.

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Timoteo 1 4:2

Bekyuli bamɛni mɔɔtina ɔkɔ ala, na baabɛla ama alati bana likyulikpi, ɔsika bana kayi kaladu-ma kɔtɔ.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Batalane Kabla 13:28

Bátanu bɔƒiɔ bɔdi bátasiku-nwu lɛlɔ, nsu básu Pilato banii ɔya na badu-nwu.

Yohane 19:7

Amu na bekyuli lisu lɛmmɔ básu banini, “Bubo ɔda bubo bɔni mɔɔtina ka ɔlɛka ukpi. Ɔsika ɔ́su ɔnii ɔdi Katɔti Ubidi.”

Luka 23:47

Bekpone ɔtɔnkune ɔmmɔ ɔ́nu lɛla lɛni nálɛ na úmwi Katɔti ɔ́su ɔnini, “Sɔsɔ geen na ɔdi ka ukyuli ɔmɛni ɔdi ukyuli ɔbuni.”

Luka 23:41

Na abu bula kɔtu bɔni ni, bɔdi ulu lɛlɔ. Ɔsika lɛla lɛni námanku-bu ni, ani na béti béte-bu. Nsu anwu útabla lɛla likpidi lɛdi.”

Luka 23:22

Mmɔ na Pilato ɔ́sɔ ɔ́su-ma kɔtɛdi ɔnini, “Na bi likpidi na ɔ́bla? Ńtanu lɛla lɛni na ɔ́bla na mɔɔdú-nwu kukpi kɔtɔ! Ndubɔya na bebo-nwu kugyiimi na lɛnyonu-nwu.”

Mateo 27:54

Na uwi ɔni na bekpone unengu ku bekpone bani nnye mɔɔgyumana Yesu bánu kalɛ na kalɔ kákunku ku ala ani nálɛ ƒui na mmɔ ni, ɔtɔtɔ ɔ́gyu-ma na liƒu lɛ́da-ma geen! Na básu banii, “Sɔsɔ na ukyuli ɔmɛni ɔdi Katɔti Ubidi.”

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Yona 1:14

Ɔmɛni ɔsu béwulo bákpali Unwoti banini, “Unwoti, buuvele-ɔ, teti ukyuli ɔmɛni kukpi tani-bu kɔtu si búbo-nwu bɔ́kya ɛpu kemmo. O Unwoti, awɔ mɔɔbla lɛla lɛni na aayɔ́.”

Yeremia 26:15

Nsu si bɛ́du-mi ni, bɛti ka bina akɔ ɔdi biala na Yerusalem ɔ́bla likpidi na bɛ́du ukyuli ɔni na útabla lɛla lɛdi. Ɔsika lɛla biala na mɔɔsu ni, Unwoti kudɔ na lɛ́si.”

Hiob 16:2

“Líinu ala ani na bɛɛsu mɛni udu pii, nsu kɔnu kɔni na bɛnii bɛɛsia-mi ni, ɔlɛ mmomu na bɛɛyá na muunú na mina kayi kemmo!

Baga 2 24:4

Ɔsika ɔ́du bekyuli bani nátaƒiɔ. Na Unwoti ulakana likpidi lɛmmɔ udu buteeti taakyiɛ.

Baga 1 21:27

Amu uwi ɔni na Ahab únu Elia etemila ammɔ ɔ́wɔlɔ ni, ɔ́ni nwuna awu ɔni na ɔkya ɔ́buɛ na úti kekwa kɔdi ɔ́da lɛlɔ na úlie kɔka na ɔkɛ ɔɔví ku kɔnyana.

Samuel 1 15:30

Mmɔ na Saul ɔnini, “Lɛ́bla likpidi sɔsɔ, nsu te-mi ɔbu na mina bekpone ku Israel kadi bekyuli bammɔ ƒui anumi, na abasiaku-mi na lɛsɔ ntákya lili kalɔ lite Unwoti, ƒula Katɔti.”

Samuel 1 15:24

Mmɔ na Saul ɔ́su Samuel ɔnini, “Lɛ́bla likpidi lɛ́ƒiɔ Unwoti na lɛ́ta línye nwuna litemi lɛlɔ. Na ńtenu ƒula bɔlɛ, ɔsika lɛ́yia bekyuli bammɔ mmomu, na línu-ma litemi.

Israelƒuɔ Bɔlɛ 12:31

Na usien ɔmmɔ Ƒarao ɔ́ya na bálɔ Mose ku Aaron béte-nwu. Na ɔ́su-ma ɔnini, “Bɛgyu bɛtɔlɔ, amii ku bina Israelƒuɔ ƒui! Na naaawia-mi na mina kalɔ lɛlɔ. Biteesie na Bitákpa Unwoti aani kalɛ na bívele-mi ulu.

Israelƒuɔ Bɔlɛ 9:27

Amu na Ƒarao ɔ́tala na bálɔ Mose ku Aaron béte-nwu. Na ɔ́su-ma ɔnini, “Ɔƒaani lɛ́nu lɛ́ti ka lɛ́ƒiɔ geen na líte Unwoti ubo ka ami ku mina bekyuli ɔdi ɔɔɔdia.

Budie Taatina 11:10

Na bekyuli bani nlie kalɔ lɛlɔ badubo kubiti bɔkɛ na nkyuli inyɔ bammɔ kukpi ɔsu. Badubo limeyi bɔdi na bete lɛlɔ ala, ɔsika kenye bediene inyɔ bammɔ béti lɛbibo pii béboku kayawi bekyuli lɛlɔ.

Hiob 13:4

Ɔkɔ ɔlɛ babwine na bina ƒui bɛdi. Na ɔkɔ etemila ani neeebo kɔsia kani na binye bɛɛká taasu-mi.

Samuel 1 19:5

Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”

Kɔgya 94:21

Na baasa lili na bekyuli bani nse siin lɛlɔ. Na bani na bátaƒiɔ muedi ni, baadú-ma kɔtɔ ka badu-ma.

Agba 12:8

Ukyuli ɔni na ubo kasusu kabuni lɛlɔ lɛɛda bekyuli ƒui ebiti, na beení bani nsiaku kalala ulu.