Mateo 27:26 - Katɔti Ɔku Kedee

²⁶ Amu na Pilato ɔ́nyonu Baraba úte-ma. Na ka ɔ́ya na béti kɔbuli kɔni na bélii básala na bébo Yesu kaduɛ ni, ɔ́nyonu-nwu úte aban bekpone ɔnii bakana-nwu bamana ugyii lɛlɔ.

Mateo 27:26 Referans Kwoze

Yesaia 53:5

Nsu ɔkɛnku bula ekpidi ɔsu na bébo-nwu ulikplu kemmo bákya-nwu ɔlɛ lɛlɔ na báƒɛ-nwu lɛlɔ ekpo ƒui kpɛtɛ kpɛtɛ. Na lɛbibo lɛmɛni kemmo na ɔ́sia na ɔ́ƒɔ ngba úte abu na bɔ́kɛ bɔnwuna.

Yohane 19:1

Anwuɔsu ni, Pilato ɔ́ya na bagyumanane béti kɔbuli kɔni na bélii básala na bébo Yesu kaduɛ.

Marko 15:15

Ka Pilato ɔɔyɔ́ ka ebiti ada-ma ɔsu ni, ɔ́nyonu Baraba úte-ma. Na ɔ́ya na bébo Yesu kaduɛ ku kɔbuli kɔni na bélii básala, na úti-nwu úte bekpone ɔnii batákana-nwu bamana ugyii lɛlɔ.

Luka 23:16

Anwuɔsu ndubɔya na bebo-nwu kugyiimi na lɛda-nwu lɛnyonu.”

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Marko 10:34

Na ama lɛnɔ badubuwi-mi anumi kalɔ, na betuo lisuo bewi-mi, na bebo-mi, na badu-mi. Nsu limeyi lɛtɛdi lɛlɔ ni, nsɔ ndubɔta mbelie ngba.”

Mateo 20:19

Na ama bani naaadi Yudaƒuɔ badubuti-mi babla lɛmala, na bebo-mi, na bakana-mi bamana ugyii lɛlɔ na likpi. Nsu emeyi atɛ kama ni, Katɔti ɔdubɔgyila-mi ɔlɛku bekpine akɔ.”

Yohane 19:16

Ka básu lɛni ni, Pilato úti Yesu úte-ma ɔnii batákana-nwu bamana ugyii lɛlɔ.