Mateo 27:18 - Katɔti Ɔku Kedee

¹⁸ Ɔ́bla lɛni ɔsika ɔgyi ka lɛnungyie ɔsu na Yudaƒuɔ benengu bammɔ bédie-nwu béte.

Mateo 27:18 Referans Kwoze

Agba 27:4

Kɔnyi kɔdanku ulikplu na livoƒi lise aani ketu buyi. Nsu ala ani na kogyulo kuubile ni, ɔdi ulakana-ku kenye bunye.

Batalane Kabla 5:17

Amu na Yudaƒuɔ ɔkpane unengudi ku nwuna lɛlɔ bekyuli bani nási lɛkpa lɛni baalɔ banii Sadukiƒuɔ kemmo ni, bése kalɔ beekpóku batalane bammɔ kogyulo.

Marko 15:10

Pilato úye-ma ɔmɛni ɔsika ɔ́ti ka lɛnungyie ɔsu na bakpane benengu bamɛni béti Yesu béboku-nwu.

Yakobo 4:5

Ɔɔɔdi keeke na Bunweni Kedee Ɔku ɔ́su ɔnini, “Katɔti uukpó kogyulo geen na kɔyu kɔni nkya-bu lɛlɔ kemmo ɔsu.”

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Batalane Kabla 7:9

“Yakob bebi bamɛni anumi égyie na bana ɔnwani Yoseƒ lɛlɔ. Na béƒie-nwu béye béte bekyuli bani néti-nwu bésienku Egyipte kalɔ lɛlɔ. Nsu ni, Katɔti ɔ́siaku-nwu,

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Yesaia 26:11

O Unwoti, áakɔliku ƒula kɔnu ése ka ebo-ma na ani-ma kɔtu, nsu balánu taati. Unwoti, ya na bekyuli bamɛni banu bati kalɛ na anumi égyie-ɔ ka agyumana ƒula kadi bekyuli na kɔƒa kukpo-ma. Na aya na ogya ɔni na áklibi ése ka ɔkyula ƒula bekisine ubakyula-ma.

Etemila 4:4

Na lɛ́nu kabla kani lɛlɔ na bekyuli benye ku ala enengudi ani na baabla na bɔɔnu ƒui kási lɛlɔ kogyulo bukpo ku lɛnungyie lɛni nkya bekyuli ɔsu. Na ɔmmɔ ƒui uuubo kalɔ kadi, ɔsika use aani kalɛ na baabi taasiaku ɔƒɛƒɛɛ.

Kɔgya 106:16

Na kalɔ kakwiidi kemmo kesii kani na báda bana keliekɔ mmɔ ni, bekyuli bammɔ béti lɛnungyie likpidi básiaku Mose ku Aaron bani na Unwoti ɔ́ƒuna sɛsɛɛ úse úte nwuna kabla kedee.

Mateo 27:17

Amu na uwi ɔni na bekyuli pii bamɛni bábasa ni, Pilato úye-ma ɔnini, “Ɔma na bɛɛyɔ́ bɛnii nnyonu nte-mii? Baraba munuu Yesu ɔni na bekyuli baalɔ-nwu Ukyuli Ɔƒunadi ɔmmɔ?”

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”