Mateo 26:67 - Katɔti Ɔku Kedee

⁶⁷ Amu na bétuo lisuo béwi-nwu anumi na bébo-nwu. Na badi lɛnɔ báƒiɛmi-nwu lɛtugya.

Mateo 26:67 Referans Kwoze

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Mateo 27:30

Bétuo lisuo béwi-nwu lɛlɔ na báƒɔ ugyii ɔmmɔ báƒiɛmi-nwu lili.

Marko 14:65

Bana akɔ badi bése kalɔ beetuo lisuo teewi Yesu. Na bényimi-nwu anumi, na badaku-nwu bubo ku bana enu. Na bakya baasu-nwu banini, “Ka agyi ala ƒui ni, su-bu ukyuli ɔni nébo-ɔ!” Amu na bagyumanane badi bétiku Yesu bátɔlɔku, na bétébo-nwu.

Mateo 5:39

Nsu ɔƒɛni ni, ami mɔɔsu-mii nnini, bitedie bina bakpana ekpidi ani na bábla-mii kasi. Si ukyuli ɔdi ɔ́ƒiɛmi-ɔ kɔdianu ɔtugya ni, nwini kɔmii ɔdi lɛnɔ te-nwu.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Yohane 19:3

Na beesié teebo-nwu kudɔ taabasu-nwu banini, “Yiidu! Yudaƒuɔ Ɔga ɔ́si ɔdubo o-o!” Na si básu-nwu lɛni ni, na bébo-nwu kɔnu ɔtugya.

Marko 15:19

Béti kegyiimi bébo-nwu kuli na bétuo lisuo béwi-nwu lɛlɔ. Amu na bálɛ akɔnkɔ na nwuna anumi na béboku eli kalɔ béte-nwu.

Kɔnyana Buwulo 3:30

Lɛni kani na adubɔtɛya ala si bekyuli beedumi-ɔ na bana ebola éduo-ɔ lɛlɔ.

Yesaia 52:14

Liƒu bonwu lɛ́da bekyuli pii na lɛla lɛni nálɛku-nwu ɔsu. Na bani ƒui nánu-nwu ni, liƒu lɛ́da-ma lítulo, ɔsika úbo abi na nwuna bɔnu bɔsɔ bulátina aani si ukyuli na ɔsɔ ɔdi muedi.

Korintoƒuɔ 1 4:13

Si bédumi-bu ni, kayi buɛɛ etemila na buuti teedie lɛlɔ kenye. Bɔɔɔdi lɛla lɛdi buuutulo kayawi kamɛni kebu. Kalɔ kamɛni alaekpidi kewiakunkɔ na bɔdi úti úbalɛku ɔƒɛni.

Marko 10:34

Na ama lɛnɔ badubuwi-mi anumi kalɔ, na betuo lisuo bewi-mi, na bebo-mi, na badu-mi. Nsu limeyi lɛtɛdi lɛlɔ ni, nsɔ ndubɔta mbelie ngba.”

Mika 5:1

Yerusalemƒuɔ, bekpone bekisine báka bámana-a na báƒiɛmi Israel ɔtɔnkune ugyii anumi.

Kɔnyana Buwulo 3:45

Áya na kadi bamba bekyuli bada-bu beebó teewi aani kebu alakpi.

Yeremia 20:2

Na ɔ́ya na bébo-mi kaduɛ na ɔ́ya na béƒie-mi na bebo-mi kɔgba bákya kakpakɔ ɔtɔ kemmo na kesii kani na baalɔ Benyamin ɔban kayakun.

Baga 1 22:24

Ɔmmɔ kama Kenaana ubidi Sedekia úsie na útáƒiɛmi Mikaia lɛtukpo. Na úye-nwu ɔnini, “Uwi ɔmani na Unwoti Kɔyu kɔ́lɛ-mi lɛlɔ kemmo na úbo ubatɛmiku-ɔ?”

Lɛkpa Ulu 25:9

na ukpinele ɔmmɔ ɔta usie ɔma benengu bammɔ anumi na ɔda ɔnana ɔmmɔ lɛgbanvuo udie-nwu lɛgba na ɔbwɛ lisuo uwi-nwu anumi na ɔsu ɔnini, “Ati bene, ukyuli ɔmɛni néni ka ɔnwani utakɛ kaba kadi.”

Bumomo Bɔka 12:14

Amu na Unwoti údie Mose kenye ɔnini, “Si nka bɔbwɛ na ɔti ɔ́bwɛ lisuo úwi Miriam anumi ni, nka kɔƒa kɔɔɔdubo-nwu bukpo emeyi maatɛ? Anwuɔsu biti-nwu bɛlɛku bina kakyakɔ mmɔ emeyi maatɛ. Na ɔmmɔ kama bɛsɔ bitiku-nwu biboku.”

Mateo 26:68

Na béye-nwu banii, “Ukyuli Ɔƒunadi ɔmmɔ na adi? Su-bu ukyuli ɔni nébo-ɔ!”