Mateo 26:61 - Katɔti Ɔku Kedee

⁶¹ na básu banii, “Ukyuli ɔmɛni ɔ́su ɔnini, ‘Ndubɔƒɛ Katɔti kakpakɔ. Na emeyi atɛ kama ni, ndubɔsɔku-ka lɛtu.’ ”

Mateo 26:61 Referans Kwoze

Mateo 27:40

Básu banii, “Awɔ násu ka adubɔƒɛ Katɔti kakpakɔ na asɔku-ka atu emeyi atɛ kama! Si adi Katɔti Ubidi ni, yu na aƒɔ lɛlɔ asiku kukpi enu kemmo.”

Marko 15:29

Bekyuli bani návi ƒui bákunku bana eli na bédumi Yesu básu banini, “Ɛhɛɛn! Awɔ násu ka adubɔƒɛ bula kakpakɔ kenengudi na asɔ atu-ka emeyi atɛ kama!

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Batalane Kabla 22:22

Amu na uwi ɔmɛni ƒui ni, bekyuli bamɛni benye kpoo beenú-nwu litemi. Nsu uwi ɔni na ɔ́su lɛla likplodi lɛmɛni ni, bana ƒui báva momoomo básu banini, “Aa! Bɛyila-nwu udu! Bɛtɔlɔku-nwu ƒui!”

Batalane Kabla 18:13

Amu na básu ɔga ɔmmɔ banini, “Ukyuli ɔmɛni uunwíni bekyuli kasusu ɔnii bataakpa Katɔti na ulu ɔni náta únye bula ɔda bubo lɛlɔ.”

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Yohane 9:29

Bɔgyi ka Katɔti ɔ́tɛmiku Mose. Na ukyuli ɔmmɔ anwu ni, bɔɔɔgyi kesii kani na ɔ́si muedi!”

Luka 23:2

Mmɔ na bése baadá-nwu kenye banini, “Búƒie ukyuli ɔmɛni ka ɔ́kpanku bula kadi ɔɔvínku ulu ukpidi lɛlɔ. Na ɔɔsu-ma ɔnii basɔ bataƒɔ kuyi betete Romaƒuɔ Ɔga Unengudi. Na ɔ́su lɛnɔ ɔnii anwu ndi Katɔti Ukyuli Ɔƒunadi na ɔnii ɔdi ɔga lɛnɔ.”

Mateo 26:71

Na ɔ́tɔlɔ mmɔ úténye kaduli kammɔ kayakun. Ulekubi kabla ɔblane ɔbambadi lɛnɔ ɔ́nu Petro na ɔ́su bani nnye mmɔ ɔnii, “Anwu lɛnɔ ɔ́siaku Yesu Nasareni ɔmmɔ.”

Mateo 12:24

Amu na uwi ɔni na Ƒarisiƒuɔ bénu ɔmɛni ni, básu banini, “Ɔkɛnku ayu ekpidi unengu Beelsebul lɛlɔ na ukyuli ɔmɛni ɔɔgyá ayu ekpidi taalɛku bekyuli lɛlɔ kemmo.”

Baga 2 9:11

Amu ka Yehu únwini úsie nwuna bekpone bammɔ akɔ ni, béye-nwu banii, “Kɔtɛ biala kúsie siin?” Na básɔ béye-nwu banii, “Bi na ubuokpine ɔmmɔ ɔɔwia-a ɔbla?” Amu na Yehu údie kenye ɔnini, “Bɛgyi lɛla lɛni ɔsu na ɔɔwia-mii?”

Baga 1 22:27

Na asu-ma ka lɛni na ɔga ɔɔsu ɔnini, ‘Biti okloƒu ɔmɛni bɛkya ɔtɔ. Na bitete-nwu lɛla biala na ɔdi, si ɔɔɔdi bodobodo ku ntu kani wetédu ka línwini ḿbeduo buɛɛ.’ ”

Ala Kalɔ Buse 19:9

Amu na Sodom banana bammɔ básu-nwu banini, “Gyu lɛgba bula anumi.” Na básu lɛnɔ banini, “Ɔƒɔ na Lot ɔmɛni ɔdi na úbeduo-bu, na ɔƒɛni amu úti lɛlɔ ɔ́bla bula litemi ɔtɛne. Bɔdubo awɔ ɔlati ɔmmɔ lɛla lɛdi bɔbla butulo bekyuli bani néduo-ɔ si átanu kaduɛ!” Na bénye-nwu lɛlɔ geen ɔni na baayɔ́ babwɛ kayakun kammɔ beduo ɔtɔ muedi.

Mateo 26:62

Ɔkpane unengudi ɔ́ta unye na úye Yesu ɔnini, “Eenú etemila ani na baasu na ƒula lɛlɔ mɛni? Bi na ebo na adubɔsu?”

Mateo 27:5

Amu na Yuda úbo egulabi ammɔ úwi Katɔti kakpakɔ mmɔ, na úsie útákya lɛlɔ ɔbuli.

Marko 14:58

“Búnu ka ɔ́su ɔnini, ‘Ndubɔƒɛ kakpakɔ kani na bátu mɛni. Na emeyi atɛ kama ni, nsɔ ndubɔtu kabambadi kani na ɔɔɔdi bekyuli bayawine nátu-ka.’ ”