Mateo 26:52 - Katɔti Ɔku Kedee

⁵² Amu na Yesu ɔ́su-nwu ɔnini, “Ti ƒula ɔkɛɛ kya nwuna kakyakɔ. Bekyuli bani mɔɔgyumana lɛlɔ ku lɛkɛɛ ni, lɛkɛɛ kenye na beekpi.

Mateo 26:52 Referans Kwoze

Budie Taatina 13:10

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Ala Kalɔ Buse 9:6

“Ukyuli biala ɔni mewi nwuna ɔkpana ubugya kalɔ ni, anwu lɛnɔ ukyuli ndubo-nwu ubugya kalɔ buwi. Ɔsika Katɔti udu kenye na Katɔti údie ukyuli.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Kɔgya 55:23

Nsu ni, O Katɔti, adubɔya na bekyuli badune ku ɔkɔ banyine bamɛni bekpi na bakya-ma kaƒiɔtɔ kemmo na bayii udu ɔni na bana ngba bulene. Nsu ami ni, mina anu ƒui adubɔsia-a lɛlɔ.

Tesalonikaƒuɔ 1 5:15

Bɛnu kaduɛ na ɔdi uteti likpidi utaƒɔ likpidi kayu. Mmomu uwi biala kemmo ni, bitaabla lɛbuni teete lɛlɔ ku bekyuli ƒui.

Mateo 5:39

Nsu ɔƒɛni ni, ami mɔɔsu-mii nnini, bitedie bina bakpana ekpidi ani na bábla-mii kasi. Si ukyuli ɔdi ɔ́ƒiɛmi-ɔ kɔdianu ɔtugya ni, nwini kɔmii ɔdi lɛnɔ te-nwu.

Israelƒuɔ Bɔlɛ 21:12

“Na si ukyuli ɔdi úbo nwuna ukyulikpana ɔ́du ni, anwu lɛnɔ ɔlɛka badu-nwu.