Mateo 26:39 - Katɔti Ɔku Kedee

³⁹ Amu ka úsie lɛtɔtɔ blii ni, ɔ́yu úbi kalɔ na ɔ́kpali katɔ ɔnini, “Mina Ɔti, si wadia ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Mateo 26:39 Referans Kwoze

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Ƒilipiƒuɔ 2:8

Ɔmmɔ ɔsu ni, úboku lɛlɔ kalɔ na únu Katɔti litemi utédu ka úkpi ugyii lɛlɔ kukpi muedi.

Mateo 26:42

Amu na Yesu ɔ́sɔ únwini úsie kunyɔdi na ɔ́kpali ɔnini, “Mina Ɔti, si lɛbibo lɛni ndubo buti mɛni lilávi-mi lɛlɔ na ɔdi-ɔ lɛƒɔyɔ ka liti-ni ni, ya na ɔlɛ lɛni.”

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Yohane 5:30

“Lɛɛɛdubo lɛla lɛdi bɔkana bɔbla na ami ɔlati ɔyikun kemmo. Mmomu ndubɔtɛku bekyuli litemi aani kalɛ na mina Ɔti ɔ́su-mi. Anwuɔsu mina litemi bɔtɛ buse siin, ɔsika naaabla mina lɛƒɔyɔ. Mmomu Katɔti ɔni nátala-mi ni, nwuna lɛƒɔyɔ na mɔɔbla.

Yohane 14:31

Nsu ɔlɛka bayawine bati ka mɔɔyɔ́ Ati, na mɔɔbla lɛla biala kalɛ kani na úbo-mii ɔda. “Amu bibo, na bɔgyu.”

Yohane 18:11

Nsu Yesu ɔ́su Petro ɔnini, “Sɔku ƒula kewii kya livuo kemmo! Aakali anii lɛbibo ɔɔƒɛɛ ɔni na mina Ɔti úte-mi ɔnii nnii ni, naaani-nwu?”

Yohane 11:41

Amu na Bekyuli bammɔ béliiku lɛtabi lɛmmɔ bédie ubu ɔmmɔ kenye. Na Yesu ɔ́nu katɔ na ɔ́su ɔnini, “Ati, mɔɔgyá-a enu, ɔsika aatuna teete-mi si lɛ́kpali-ɔ.

Mateo 20:22

Yesu ɔ́su-ma ɔnini, “Bɛɛɛgyi lɛla lɛni geen na biiye. Lɛbibo lɛni ndubo buti ni, amii lɛnɔ bɛdubɔkana-nya buti?” Amu na bedie kenye banii, “Ɛɛn, bɔdubɔkana.”

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Samuel 2 15:26

Nsu si ɔ́su ɔnini, ‘Ƒula ala asɔ alada-mi kubiti’ ni, na nnye kágyumana ka ɔbla-mi kalɛ biala na ɔɔyɔ́.”

Bumomo Bɔka 14:5

Mmɔ na Mose ku Aaron báyu bebi kalɔ na bekyuli bammɔ ƒui anumi.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”

Ala Alɛdi 1 21:16

Dawid ɔ́nu Unwoti ɔtu ɔmmɔ na kayaa ka ɔda kewii kadi na Yerusalem eli. Na anwu ku nwuna benengu báda adala ani mɔɔtina ka beewulo kɔnyana geen na béboku lɛlɔ kalɔ na béti anumi bébi kalɔ.

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Batalane Kabla 10:25

Amu ka Petro ɔ́nya úbeduo nwuna kaduli ni, Kornelio ɔ́lɛ akɔnkɔ na Petro anumi na úboku lili kalɔ.

Luka 17:16

Na úbo úbalɛ akɔnkɔ na Yesu anumi na ɔ́gya-nwu enu. Na ɔnana ɔmmɔ ɔdi Samariani.

Marko 13:22

Ɔsika ama bani ndubɔbla lɛlɔ aani Kristo ku Katɔti kenye bediene kedee pii badubudie lɛlɔ keyi. Badubɔbla akɔla ku ayiala pii kalɛ na si bakana ni, na batɔlɔ Katɔti bekyuli bani na ɔ́ƒuna lɛnɔ.

Yesaia 50:5

Ɔ́ya na muusé atu teenu-nwu litemi na naaabla atu ɔkplu iye linwini kama lɛkya-nwu.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Yohane 5:19

Mmɔ na Yesu údie kenye ɔnini, “Mɔɔsu-mii geen nnii ami Katɔti Ubidi naaakana lɛla lɛdi bɔbla na ami ɔlati ɔyikun kemmo. Mmomu lɛla lɛni na mɔɔnu ka mina Ɔti ɔɔbla ni, ani kani na ami lɛnɔ mɔɔbla. Anwuɔsu mina Ɔti ablala kama na ami Ubi lɛnɔ nsia.