Mateo 26:35 - Katɔti Ɔku Kedee

³⁵ Petro údie kenye ɔnini, “Si ina ɔlɛka badu ami ku-ɔ muedi ni, lɛɛɛdubo bɔsu nnii lɛɛɛgyi-ɔ.” Na lɛni kani na nwuna batɛyane bammɔ ƒui básu.

Mateo 26:35 Referans Kwoze

Romaƒuɔ 11:20

Na use lɛni. Nsu bɛti ka bana taƒɔ tadi ɔsu na bámami. Na amii bɛ́kɛ kamakɔ ka bɛ́ƒɔ bɛ́di ɔsu. Nsu ɔmmɔ ulátina ka ɔlɛka biteeƒu, mmomu bitaayia.

Yohane 13:37

Amu na Petro úye-nwu ɔnini, “Blɔti, bi ɔsu na naaakana-a bɔsiaku ɔƒaani? Nnye kagyumana ka likpi na ƒula lili!”

Petro 1 1:17

Bɛɛsu bɛnii, “Bula Ɔti” si bɛɛkpali katɔ. Anwuɔsu binyimo ka anwu ndubɔtɛku ukyuli biala litemi na ala ani na ɔɔbla kenye. Na ulanu bekyuli anumi asa na watɛku-mii litemi. Lɛni ɔsu ni, biti bina uwi ɔkladi ɔni nébu na bilie ngba mɛni aani baƒɔ kalɛ bitaabu-nwu.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Korintoƒuɔ 1 10:12

Ɔdi biala ɔni mɔɔkali ɔnii unye kpakplaa ni, ɔnu kaduɛ kalɛ na ulebuli.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Agba 28:14

Kusɛ kusɛ ɔsiaku bekyuli bani na bana kasusu kese siin. Nsu belikplune bésela betéduo ɔgbankpi bonwu kemmo.

Israelƒuɔ Bɔlɛ 19:8

Amu na bana ƒui bédie kenye banini, “Bɔdubɔbla lɛla biala na Unwoti ɔ́su-bu.” Anwuɔsu Mose únwini útásu Unwoti kenye kani bekyuli bammɔ bédie.

Mateo 10:33

Nsu si ukyuli ɔdi úni-mi na kadi anumi ni, ami lɛnɔ ndubuni-nwu na mina Ɔti anumi.