Mateo 26:29 - Katɔti Ɔku Kedee

²⁹ Na mɔɔsu-mii geen ka ni, nsɔ lɛɛɛdubo ntɛ bɔmɛni udu bɔdi bɔni ntu limeyi lɛni na ami ku-mii bɔdubɔni ntɛ bɔwɔdi na Katɔti lɛga kadikɔ.”

Mateo 26:29 Referans Kwoze

Budie Taatina 7:17

Ɔsika Koƒonu Ubi ɔni nlie lɛgaboku lɛlɔ na mmɔ ni, anwu ndubɔda-ma aani baƒonu ɔdane buni. Na ɔdubo-ma bɔtɔnku busienku abiɔ ani kemmo na ntu bɔni muute ngba buwi uwi biala. Na Katɔti lɛnɔ ɔdubo-ma imii buni.”

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Marko 14:25

Na sɔsɔ ni, nsɔ lɛɛɛdubo ntɛ bɔmɛni udu bɔdi bɔni lɛnɔ, ntu lɛni ntɛ bɔwɔdi bɔdi udu na Katɔti lɛga kadikɔ.”

Kɔgya 40:3

Na ɔ́tina-mi kɔgya kɔwɔdi kɔni lidie limwi-nwu. Bekyuli pii badubunu ɔmɛni na bayia, na baƒɔ-nwu badi.

Batalane Kabla 10:41

Nsu ni, ɔɔɔdi bekyuli ƒui nánu-nwu. Mmomu abu bani na ɔ́ƒuna ni, abu bɔ́nu-nwu. Na bɔ́di na bɔ́niku-nwu lɛnɔ na nwuna bɔsɔ bɔta kama.

Yohane 17:13

“Na ɔƒaani ni, lɛ́tɔlɔ ndubo-ɔ kudɔ na muuvele-ɔ ɔmɛni lite-ma na kayawi kalɛ na mina ebiti aƒɔ-ma kayi kemmo ƒui na edu awɔlɔ.

Mateo 13:43

Na Katɔti bekyuli ama badubukeye aani ɔƒɛ na bana Katɔti ɔma. Si bɛɛyɔ́ ni, biti lɛla lɛni lɛ́su mɛni!

Budie Taatina 14:3

Na nkyuli mpim eti anyɔ ku aavlene-ine bamɛni badi bekyuli bani na bédie básiku kayawi na bákɛ ngba bɔƒɔ. Na bana ƒui benye lɛgaboku ku Katɔti ngba batu ine bammɔ anumi ku benengu bammɔ anumi. Na béteedie ɔnu ɔwɔdi ɔni na ama lɛti pɛ kani nákana-nwu bɔtɛya.

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 12:32

“Mina basiakune lisu libliidi, bitayia. Ɔsika ɔdi Katɔti lɛƒɔyɔ ka ute-mii nwuna lɛga kadikɔ.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yohane 15:11

“Lɛ́ɛsu-mii ala amɛni ƒui kalɛ na ebiti ani na mɔɔkɛ́ ni, amii lɛnɔ bɛkɛ-nya na edu awɔlɔ.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Mateo 18:20

Ɔsika kesii kani na nkyuli inyɔ iye ɛtɛ bása na mina lɛnyi kemmo ni, ami lɛnɔ nkya-ma akɔ.”

Mateo 16:28

Mɔɔsu-mii nwaa ka ni, bekyuli badi bakya mɛni ɔni na belekpi watálɛ uwi ɔni na bánu ka Ukyuli Ɔyawine Ubi úbo aani ɔga kalɛ.”

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Kɔgya 4:7

Áya na mina kayi kéyi ku ebiti geen útulo bana ebiti ani baakɛ́ si bákɛ edula pii aani antabi ku egyiibi ntɛ bɔwɔdi.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Mateo 25:34

“Na Ɔga ɔmmɔ ɔdubɔsu bekyuli bani nnye-nwu kudɔ ɔnini, ‘Amii ndi bekyuli bani na Katɔti ɔni ndi mina Ɔti ɔ́ya na lɛlɔ lɛdubɔyɔ-mii kaduɛ. Anwuɔsu bibo na bibeduo lɛga kadikɔ kani na Katɔti ɔ́klibi úse úte-mii ɔ́si kayawi kalɔ kesekɔ ƒui.

Yesaia 25:6

Na Sion Kɔbi kɔmɛni lɛlɔ ni, Unwoti Ɔyikune Ƒui ɔdubɔlɔ bekyuli ƒui limeyi buni kadikɔ. Na use adila abuni geen ute-ma ku lɛna ku ntɛ bɔbuni ƒui geen.

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Mateo 26:28

Ɔmɛni ndi mina ubugya ɔni na líti muusé kenye kani na Katɔti únyimi ku nwuna bekyuli likpo. Na ndubuti-nwu liwi kalɔ na bekyuli pii lili, kalɛ na Katɔti uti ekpidi ɔkyiɛ-ma.

Mateo 26:30

Amu na bátu ɔnu ɔdi béti bemwi Katɔti, na bávi bálɛ bésie Inɔ Egyii Kɔbi lɛlɔ.