Mateo 26:26 - Katɔti Ɔku Kedee

²⁶ Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Mateo 26:26 Referans Kwoze

Batalane Kabla 20:7

Amu na Kwasida limeyi lideedi lɛlɔ ni, bɔ́sala lɛlɔ lisu bɔnii bɔɔdi Blɔti adila. Na ka Paulo ɔdubo bɔtɔlɔ kadi kegye ɔsu ni, útemi laa útédu usientɛ.

Korintoƒuɔ 1 10:4

Na báni Kɔyu kemmo ntu bunwi pɛ bɔmmɔ. Báni ntu básiku Kɔyu kemmo lɛtakpɛ lɛni nkɛ nsiaku-ma mmɔ kemmo. Na lɛtakpɛ lɛmmɔ lɛdi Kristo ɔmmɔ ɔlati.

Batalane Kabla 2:46

Na béteesie Katɔti kakpakɔ limeyi ndi limeyi, na bátaasa esu esu lɛnɔ taadi na bana kɔduli na kubiti ku lɛlɔyɔ kemmo.

Luka 24:30

Úlie kalɔ ɔnii ɔɔdiku-ma. Na úti bodobodo na ɔ́gya Katɔti enu, na ɔ́bwɛ-nwu kemmo na úti úte-ma.

Marko 6:41

Amu na Yesu úti bodobodo ku kɔkpaku kɔmɛni na ka ɔ́nu katɔ laa ni, ɔ́gya Katɔti enu na ɔ́bwɛ bodobodo ku kɔkpaku kɔmɛni. Na úti úte nwuna batɛyane ɔnii bele bete esu esu ammɔ ƒui.

Mateo 14:19

Na ɔ́su bekyuli bammɔ ƒui ɔnii belie kalɔ na livo lɛmmɔ lɛlɔ mmɔ. Amu na úti bodobodo ɛlɔ ku kɔkpaku inyɔ bɔmmɔ na ɔ́talaku anumi ɔ́nu katɔ na ɔ́gya Katɔti enu. Na ɔ́bwɛ bodobodo ɔmmɔ kɔkɛ kɔkɛ úte nwuna batɛyane. Na batɛyane bammɔ lɛnɔ béti béte bekyuli bammɔ.

Mateo 26:27

Amu na úti ɔɔƒɛɛ ɔdi, na ka ɔ́gya Katɔti enu ni, úti úte-ma. Na ɔ́su-ma ɔnini, “Bina ƒui bɛni.

Luka 22:17

Ɔmmɔ kama ni, Yesu úti ɔɔƒɛɛ na ɔ́gya Katɔti enu. Na ɔ́su ɔnini, “Bɛƒɔ ɔmɛni na bɛni bite lɛlɔ.