Mateo 26:24 - Katɔti Ɔku Kedee

²⁴ Ami Ukyuli Ɔyawine Ubi ndubukpi aani kalɛ na Bunweni Kedee Ɔku ɔ́su. Nsu ni, bɔbuɛ muute ukyuli ɔni na ndubɔkya-mi kakya. Si nka bátawɔ-nwu muedi ni, na nka ɔdia-nwu utulo.”

Mateo 26:24 Referans Kwoze

Luka 24:46

Na ɔ́su-ma ɔnini, “Lɛni na bénweni banii Ukyuli Ɔƒunadi ɔmmɔ ɔdububo abi na ɔdubɔta ɔlɛ bekpine akɔ limeyi lɛtɛdi lɛlɔ.

Mateo 18:7

“Bɔbuɛ muute kayawi ɔsika ala adi akya-ka kemmo ani ndubɔya na bekyuli benwini kama bakya bana bɔƒɔtaadi na mina lɛlɔ. Ala ammɔ udu adubo bɔkya uwi biala bɔdi. Nsu ukyuli ɔni lɛlɔ na ala amɛni adubɔsia eduo bekyuli akɔ ni, bɔbuɛ ndi anwu ɔdi.

Korintoƒuɔ 1 15:3

Lɛla lɛni na lɛ́ƒɔ lɛ́siku Blɔti kudɔ ni, ani kani na líti muute-mii. Na ani ndi lɛla lɛni náƒɔ kuye lítulo ƒui, ka Kristo úkpi úte-bu na bula alaekpidi ɔsu aani kalɛ na bénweni bákya Bunweni Kedee Ɔku kemmo.

Yohane 17:12

Uwi ɔni na nkya-ma kudɔ ni, lɛ́da-ma kɔkɔɔkɔ na lɛ́gyumana-ma ɔkɛnku ɔyikun ɔni nkya lɛnyi lɛni na éte-mi kemmo. Ńtayila bana akɔ ɔdi, amu ntu anwu ɔni básu bese ka ayila-nwu udu. Ɔmɛni ndubɔya na Bunweni Kedee Ɔku kemmo etemila ebo-nwu kemmo kalɛ na básu.

Luka 22:22

Na ami, Ukyuli Ɔyawine Ubi, ndubo bukpi aani kalɛ na Katɔti ɔ́lɛ ugyii úse. Nsu ni, bɔbuɛ muute ukyuli ɔni makya-mi kakya.”

Marko 14:21

Ami, ɔni ndi Ukyuli Ɔyawine Ubi, lísela ntékpi aani kalɛ na Bunweni Kedee Ɔku ɔ́tina kalɛ. Nsu ulése buɛɛ ulete ukyuli ɔni ndubɔkya-mi kakya. Si bátawɔ ukyuli ɔmmɔ muedi ni, nka ɔdia-nwu utulo!”

Mateo 26:54

Nsu si bébo na békpo béte-mi ni, na Bunweni Kedee Ɔku etemila ammɔ elebo aani kalɛ na Katɔti ɔ́su úse lɛni na ɔdi ka ɔlɛ.”

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Marko 9:12

Yesu ɔ́su-ma ɔnii, “Sɔsɔ na básu. Elia na ɔlɛka ɔka bubo kalɛ na wabaklibi lɛla biala wese. Nsu Bunweni Kedee Ɔku lɛnɔ ɔ́su ka Ukyuli Ɔyawine Ubi ɔdububo abi pii na badubudumi-nwu. Dɛ bɛɛkali ka ɔmɛni lɛnɔ kalɔ kaatina?

Mateo 26:56

Nsu ala amɛni ƒui álɛ lɛni kalɛ na ala ani na básu bése na Bunweni Kedee Ɔku kemmo ébo éte lɛni.” Amu na nwuna batɛyane ƒui békeli bátɔlɔ-nwu kudɔ.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Kɔgya 55:23

Nsu ni, O Katɔti, adubɔya na bekyuli badune ku ɔkɔ banyine bamɛni bekpi na bakya-ma kaƒiɔtɔ kemmo na bayii udu ɔni na bana ngba bulene. Nsu ami ni, mina anu ƒui adubɔsia-a lɛlɔ.

Kɔgya 55:15

Unwoti, bekyuli bani ƒui na báta bénye-mi lɛlɔ ni, ya na kukpi kuyu-ma kɔtu na bayu kekpine ulu kɔnakunwi. Ɔsika kalala bɔbla bɔ́ƒɔ-ma kaduli ku bana kɔyi kemmo.

Batalane Kabla 28:23

Amu na bése limeyi lɛdi bese, na bekyuli pii bébo-nwu kudɔ. Mmɔ na ɔ́tɛmi úte-ma ɔ́siku Katɔti lɛga kadikɔ lɛlɔ. Na ɔ́lɔ-ma kasusu úsienku kesii kani na Mose ku Katɔti kenye bediene bénweni ala bése básiku Yesu lɛlɔ. Na ɔ́tɛmiku-ma ɔ́si ɔtanta útédu useyi uwi.

Batalane Kabla 4:28

Nsu, awɔ, na ƒula ɔyikun ku lɛnunda kemmo ni, énye ánu na básala bábla ala ani na ásu ése.

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Yohane 19:28

Yesu ɔ́ti ka ɔƒaani ni, ɔ́ɔwɔlɔ lɛla biala na ɔlɛka ɔbla. Na kalɛ na Bunweni Kedee Ɔku kemmo ala ani bénweni bése ebo ete lɛni ɔsu ni, Yesu ɔ́su ɔnini, “Utukwɛ ɔɔda-mi.”

Yohane 19:24

Na bekpone bammɔ básu lɛlɔ banini, “Buláni awu ɔmɛni bulabwɛ. Mmomu bɛya na bɔtu egulabi bɔnu bula akɔ ɔni menwini mewi na buti awu ɔmmɔ bute-nwu.” Na ɔkɛnku ɔmɛni ɔsu ni, Bunweni Kedee Ɔku kemmo etemila ébo éte lɛni sɔsɔ uwi ɔni na básu bése banii, “Béle-mi lɛlɔ ala béte lɛlɔ. Na bátu egulabi na mina awu lɛlɔ.” Na lɛni geen lɛnɔ na bekpone bammɔ bábla.

Sakaria 13:7

Unwoti Ɔyikune Ƒui ɔnini, “Ya liti mina kewii na likpoku mina baƒonu ɔdane ku mina ɔkpana. Du baƒonu ɔdane ɔmmɔ na baƒonu bammɔ badubugyingya, na ndubudie banamudi bammɔ atu.

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Mateo 26:31

Mmɔ na Yesu ɔ́su nwuna batɛyane ɔnini, “Bina ƒui bɛdubukeli-mi kudɔ, na kebu ami lɛti. Ɔsika Bunweni Kedee Ɔku ɔɔsu ɔnini, “ ‘Katɔti ɔdubɔdu baƒonu ɔdane ɔmmɔ na nwuna baƒonu begyingya.’