Mateo 26:18 - Katɔti Ɔku Kedee

¹⁸ Ɔ́tala-ma ɔnana ɔdi kudɔ na ɔ́su-ma ɔnini, “Bisie ɔma kemmo na bitásu-nwu bɛnii, ‘Ala ɔtinane ɔnii, “Mina uwi úudu. Na ƒula kesii na ami ku mina batɛyane bɔdubɔdi Kukpi Lili Bɔvia adila ammɔ.” ’ ”

Mateo 26:18 Referans Kwoze

Yohane 7:6

Amu na Yesu ɔ́su-ma ɔnini, “Mina uwi útedu tɔ. Nsu amii ni, uwi biala use ute-mii.

Yohane 17:1

Ka Yesu ɔ́su-ma ala amɛni ɔ́wɔlɔ ni, ɔ́kɔliku anumi ɔ́nu katɔ na ɔ́su ɔnini, “Ati, uwi ɔmmɔ údu. Kɔliku ami ƒ'ubidi katɔ kalɛ na ami lɛnɔ lɛ́kɔliku ƒula lɛnyi katɔ.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 7:30

Ɔmɛni ɔsu ni, báwia ka beƒie-nwu. Nsu ukyuli ɔdi útakana-nwu butuku, ɔsika nwuna uwi útedu tɔ.

Yohane 7:8

Amii biteesie bina limeyi lɛmmɔ kadikɔ. Ami ńtesela emeyi ammɔ kadikɔ, ɔsika mina uwi útedu tɔ ƒui.”

Yohane 12:23

Amu na Yesu údie kenye ɔnini, “Uwi údu ka Katɔti ɔkɔliku ami nwuna Ubidi lɛnyi katɔ na bekyuli anumi.

Luka 22:53

Lɛ́kya-mii kudɔ na Yudaƒuɔ kakpakɔ limeyi ndi limeyi na bítakya ɔkplu bɛnii biiƒie-mi. Nsu ni, Katɔti néte-mii kuƒi kɔmɛni. Na Satan ɔyikun ɔdi lɛlɔ ɔƒaani.”

Yohane 11:28

Mmɔ ka Marta ɔ́su lɛni ɔ́wɔlɔ ni, únwini úsie na útálɔ ɔnwani Maria úsienku kɔmadɔ na ɔ́su-nwu ɔnini, “Ala ɔtinane ɔmmɔ úubo mɛni na uuye-ɔ lili.”

Marko 5:35

Uwi ɔni na Yesu ɔɔsu ɔmɛni ni, batu badi bási Yairo kesii bébo bábasu-nwu banini, “Ƒ'ubidi úukpi. Bi ɔsu na ásɔ aakya ala ɔtinane ɔmɛni bɔnɔ lɛnɔ?”

Mateo 26:2

“Bɛgyi ka kébu emeyi anyɔ na bɔdi limeyi lɛni bɔɔlɔ Kukpi Lili Bɔvia Limeyi. Na badubuti ami, Ukyuli Ɔyawine Ubi, bete na bakana-mi bamana ugyii lɛlɔ.”

Mateo 23:10

Na bitalɔ ɔdi bɛnii Ɔtinane, ɔsika bina Ɔtinane unwi pɛ ɔni kani na bibo ndi Ukyuli Ɔƒunadi ɔmmɔ.

Mateo 23:8

“Na bɔƒɔtaadi ulu lɛlɔ ni, bitaya na bekyuli balɔ-mii Unwoti, ɔsika banwa na bɛdi bite lɛlɔ. Na Unwoti unwi pɛ kani na bibo.

Mateo 21:3

Na si ukyuli ɔdi úye-mii lɛla lɛdi ni, bɛsu-nwu bɛnii, ‘Blɔti mɔɔwia-ma.’ Na badubɔnyonu-ma bete-mii kɔnakunwi.”

Yohane 20:16

Amu na Yesu ɔ́kpali-nwu ɔnini, “Maria!” Mmɔ ni, Maria únwini ɔ́nu-nwu, na ɔ́su na Hebri lɛdi kemmo ɔnini, “Rabuni!” Na nwuna kalɔ ndi Ala Ɔtinane.

Mateo 26:49

Ka Yuda ɔ́nya ɔ́nu Yesu kani na úsie-nwu kudɔ na ɔ́su-nwu ɔnini, “Ala ɔtinane, keyi buɛɛ kasiaku-ɔ.” Amu na ɔ́kya-nwu kɔgbu.

Mateo 26:19

Anwuɔsu batɛyane bamɛni bábla kalɛ na Yesu ɔ́su-ma na bátánwa Kukpi Lili Bɔvia Limeyi bɔdi adila amɛni bése.