Mateo 26:10 - Katɔti Ɔku Kedee

¹⁰ Ka Yesu únu lɛla lɛni na badaku bɔsu ni, ɔ́su-ma ɔnini, “Bi ɔsu na bilaya na uleku ɔmɛni ɔkɛ atu kesekɔ? Ɔ́bla lɛla lɛbuni úte-mi.

Mateo 26:10 Referans Kwoze

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Hebriƒuɔ 13:21

ute-mii ala abuni ani ƒui na bɛkana biti bɛbla nwuna lɛyɔla. Na muuvele-nwu nnii ɔbla lɛla lɛni na ɔɔyɔ́ na bula lɛlɔ kemmo ɔkɛnku Yesu Kristo ɔni námanku úte bumwi uwi ƒui lɛlɔ. Ɔsia lɛni.

Tito 3:14

Ɔdi ka baƒɔtaadine batɛya kalɛ na beeti bana uwi ƒui taabla lɛbuni lɛni malɛ kɔsia. Na bakana bekyuli bamba lɛnɔ buteebunku na ɔɔɔdi ka bataabla kɔkɔsɔ.

Tito 3:1

Na aya na bana ƒui benyimo na beboku lɛlɔ kalɔ bete bana batɔnkune ku lɛlɔ badine, na benu-ma litemi, na bataabla lɛbuni na ulu biala lɛlɔ.

Tito 2:14

Úti lɛlɔ úte na bula lili kalɛ na udie-bu na likpidi biala kemmo na bɔbla bekyuli kedee bani ndi nwuna badi kani, na baawia ka bataabla lɛbuni.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Timoteo 2 2:21

Anwuɔsu si ukyuli ɔdi ɔ́da lɛlɔ údie likpidi kemmo na ɔ́bla lɛlɔ sɛɛn ni, anwu náƒɔ Blɔti kuye aani akyami ani nse nte emeyi buni bɔdi. Na ɔ́manku ute ka ɔbla kabla kabuni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Timoteo 1 3:1

Lɛsugba lɛmɛni lɛdi litemi geen ka ni, si ukyuli ɔdi ɔɔwia ka unwini baƒɔtaadine ɔtɔnkune ni, ɔɔwia kabla kabuni.

Tesalonikaƒuɔ 2 2:17

Buuvele-nwu bɔnii, ute-mii ɔyikun na ɔkya-mii kayi ogya kalɛ na bɛsu na bɛbla ala abuni ƒui lɛnɔ.

Koloseƒuɔ 1:10

Ɔmɛni ndubɔya na bɛti bina lɛlɔ bɔda na bilie ngba bɔni na Blɔti ɔɔwia. Na bina ngba bulie ɔbladu biala ɔbla ɔbuni. Na ɔdubo-mii bubunku na bitaati Katɔti teebu.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Galatiƒuɔ 6:17

Ukplodi ni, nsɔ naaayɔ ka ukyuli ɔdi ɔsɔ ute-mi lɛƒɛda lɛdi. Ɔsika lɛtaala lɛni mma-mi lɛlɔ mɛni ɔɔtina ka ndi Yesu kabla ɔblane.

Galatiƒuɔ 5:12

Na bekyuli bani muuƒú-mii kasusu mɛni ama ni, ndubɔyɔ ka besie anumi utédu ka bekulo lɛlɔ bedie bina akɔ ƒui.

Galatiƒuɔ 1:7

Sɔsɔ na ɔdi ka litemi buni bamba lɛdi liiibo. Nsu mɔɔsu ɔmɛni ɔsika bekyuli badi bakya beeƒú-mii kasusu, na baayɔ́ ka bavumana Kristo litemi buni lɛmmɔ.

Korintoƒuɔ 2 9:8

Na Katɔti ɔkana na ute-ɔ lɛla biala kalɛ na akɛ ala ani ƒui na aawia uwi biala. Na akana ebunku na kabla kabuni biala kemmo kaduɛ.

Marko 14:6

Nsu Yesu ɔ́su-ma ɔnini, “Bɛnyonu-nwu! Bi ɔsu na bilaya na ɔkɛ kɔtu bɔyɔ? Ɔ́bla lɛla lɛbuni úte-mi.

Hiob 13:7

Bɔnyi na bɛdubo ɔkɔ bɔnyi bɛnii Katɔti kenye na biidie?

Nehemia 2:18

Amu na lɛ́su-ma kalɛ na Katɔti ɔ́nu-mi kɔnyana ku lɛla lɛni na ɔga ɔmmɔ ɔ́su-mi. Mmɔ na básu lɛlɔ banini, “Bɛya bɔta na bɔtu awodu ammɔ.” Na bákya ɔkplu béte kabla kabuni kammɔ bɔbla.

Petro 1 2:12

Na bilie ngba bɔni nse sɛɛn na bani naaadi baƒɔtaadine akɔ. Na ina baasu-mii lɛlɔ litemi likpidi muedi ni, badubɔnu bina ablala bati ka bɛdi bekyuli babuni. Na badubɔgya Katɔti enu na litemi bɔtɛ limeyi lɛmmɔ lɛlɔ.

Mateo 26:9

Ɔdubɔkana na uti nnɔmii bɔmɛni uye kuye bonwu na uti egulabi ammɔ ute bawabane.”

Mateo 26:11

Bawabane bakya-mii akɔ uwi biala. Nsu ami ni, ɔɔɔdi uwi biala na ndubɔkya-mii kudɔ.

Luka 8:49

Uwi ɔni na Yesu ɔmu ɔdaku litemi lɛmɛni bɔsu ni, anwu kani na ɔtu ɔdi ɔ́da úbalɛ na ɔ́si Yudaƒuɔ kasalakɔ unengu ɔni baalɔ Yairo mmɔ kesii. Na úbasu-nwu kenye ɔnini, “Ƒ'ubidi ulekubi ɔmmɔ úukpi ɔsu da ala ɔtinane ɔmmɔ bɔlɔ ya.”