Mateo 25:1 - Katɔti Ɔku Kedee

¹ “Na uwi ɔni na ami Ukyuli Ɔyawine Ubi ndububo ni, Katɔti lɛga bɔdi buse aani ɔmɛni. Uwi ɔdi kemmo ni, belekubi leevu badi béti bana lɛsogya banii batákpanku uleku ɔgya ku ulekudi besienku kaduli.

Mateo 25:1 Referans Kwoze

Budie Taatina 19:7

Bɛya na bula ƒui bɔkɛ ebiti na lɛlɔ lɛyɔ-bu na bɔkɔliku-nwu lɛnyi katɔ. Ɔsika Katɔti Koƒonu Ubi ɔmmɔ limeyi libendi lɛmmɔ lídu aani kalɛ na beeti uleku. Na Katɔti bekyuli báaklibi lɛlɔ bése aani uleku ɔmmɔ kalɛ.

Budie Taatina 21:9

Ɔmmɔ kama ni, Katɔti batu maatɛ bani náda kɔlaku maatɛ kɔni néyi ku lɛbibo kpakplaa maatɛ mmɔ akɔ unwi ɔ́da ɔ́lɛ na ɔ́su-mi ɔnini, “Bo, na ndubɔtina-a Katɔti bekyuli bani nse aani Koƒonu Ubi ɔmmɔ uleku ɔni na ɔdubo buti mmɔ.”

Budie Taatina 21:2

Na lɛ́nu ɔma kedee ɔni ndi Yerusalem ɔwɔdi ka ɔ́yu ɔ́si Katɔti kudɔ na kayaa ɔdubo. Na báklibi-nwu aani kalɛ na baaklibi uleku ɔni béti beete ɔgyani.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Mateo 13:24

Yesu úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Ukyuli ɔdi ɔ́gya edula abuni na nwuna kemmo.

Yesaia 54:5

“Unwoti Ɔyikune Ƒui, Israel Katɔti, mɔɔdi kayawi ƒui lɛlɔ. Anwu ndi bina Udiene ku bina ɔgya na ɔdubudie-mii.

Budie Taatina 14:4

Ama ndi bekyuli bani náda lɛlɔ sɛɛn. Na bana lɛlɔ lilese lɛlɔ na lɛsɔnɔdi ala lɛlɔ ɔsu. Ama mɔɔsiaku Koƒonu Ubi ɔmmɔ likpo biala na úsela. Ama na bédie bálɛku bayawine ƒui akɔ. Na ama ndi bekyuli bedeedi bani na béti béte Katɔti ku Koƒonu Ubi ɔmmɔ.

Tito 2:13

Lɛni na bɔdubuti butaanu ulu bute limeyi libendi lɛni lɛlɔ na bɔsia anu. Limeyi lɛmmɔ lɛlɔ na Utulone Blɔti, bula Ɔƒɔne, Yesu Kristo bukeye bɔdubɔda bɔlɛ.

Mateo 22:2

“Katɔti lɛga bɔdi buse aani ɔmɛni. Uwi ɔdi ni, ɔga ɔdi ɔ́di uleku buti limeyi lɛdi úte ubidi.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Daniel 2:44

Na uwi ɔni na baga bammɔ badubo bekyuli lɛlɔ butaadi ni, Katɔti ɔni mɔɔdi lɛla biala lɛlɔ ɔ́siku katɔ kakaaka mmɔ ɔdubudie lɛga kadikɔ bamba kadi use kani ndubunye kete uwi ƒui na kelebo kawɔlɔkɔ kudii. Na kadubɔbla aani lɛtabi lɛni na bánwi básiku kɔbi lɛlɔ mmɔ, na ɔɔɔdi ukyuli nánwi-ni. Lɛtabi lɛmɛni nábwɛ abuala kpakplaa ku abuala egyiedi ku lɛti ku sika ɔƒualadi ku sika ugyiedi ɔmmɔ ƒui. Ɔga Ɔbune, na ƒula kɔna kemmo ni, Katɔti Ɔyikune Ƒui ɔ́su-ɔ lɛla lɛni ndubo libalɛ na ɔdi ka aƒɔ kalɔ budie bɔmɛni adi.”

Korintoƒuɔ 1 11:2

Muumwi-mii ɔsika bina anu asia-mi lɛlɔ uwi biala na biinyimo ala ani na lɛ́tina-mii na bɛɛbla taasiaku-nya lɛlɔ uwi biala.

Mateo 20:1

“Katɔti lɛga bɔdi buse aani ɔmɛni kalɛ. Uwi ɔdi ni, ukyuli ɔdi ɔ́ta ɔtanta tutuutu ɔnii utáwia bekyuli badi na batuma nwuna kemmo bete-nwu na limeyi lɛyuƒɔla kenye.

Mateo 13:47

“Amu na Katɔti lɛga bɔdi buse aani kalɛ na asawu bewine badi baabla. Asawu bewine badi béwi asawu na ɛpu ɔdi kemmo na bédie ketu kemmo lɛna lidu lidu.

Kɔgya 45:14

Na únyimi kɔdi kɔni mɔɔdia bɔnu kalɛ na bakpanku anwu ku nwuna bakpana ku begblebi beboku-ɔ.

Mateo 13:38

Na kemo kammɔ ndi kayawi. Na ebi abuni ammɔ ndi Katɔ Ɔga Ɔma bekyuli. Livo lɛmmɔ ndi bekyuli bani ndi ukisine ɔmmɔ badi.

Lɛnu Ƒui Ɔnu 5:8

Yerusalem begblebi, mɔɔsu-mii kpakplaa nnii si bɛ́nu mina ɔyɔne ni, bɛsu-nwu bɛnii nwuna bɔyɔ bɔɔda-mi na lɛ́bla kpɛtɛ kpɛtɛ.

Budie Taatina 4:5

Na ogya ɔɔbwɛ ku bukeye geen taasi lɛgaboku lɛmmɔ kudɔ! Na muunú adi adi ku ɔnantu budu kɔku na mmɔ. Na lɛgaboku lɛmmɔ anumi ni, lɛsogya maatɛ lɛɛda. Na ani ndi Katɔti Kɔyu kɔni mbo ɔyikun maatɛ ɔni nnye Katɔti lɛgaboku anumi.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Mateo 5:16

Lɛni kani na ɔdi ka bina ablala ekeye aani asogya ute bekyuli. Na banu bina ala abuni ani bɛɛbla bati kalɛ na bemwi bina Katɔti.

Batalane Kabla 20:8

Na bátu likpo pii bése ɔtɔ ɔtɔdi ɔmmɔ kemmo.

Mateo 13:31

Yesu ɔ́sɔ úbo-ma lɛgba lɛdi ɔnini, “Katɔti lɛga bɔdi litemi bugyingya buse aani edula kebi blii suɛ kani na ukyuli ɔdi úti útáva na nwuna kemo.

Lɛnu Ƒui Ɔnu 5:16

Kalɛ na ɔɔkya-mi kɔgbu ɔɔyu-mi kayi geen, na mɔɔwia-nwu lɛni uwi biala kemmo!

Lɛnu Ƒui Ɔnu 1:3

Ebo ɔnyi ƒɛƒɛɛ ɔdi ɔni na si línu ka ɔdi ɔ́kpali-ɔ lɛnyi ni, na ɔnyi ɔmmɔ kani na muunú. Na unyeƒi ɔdi uuubo-nwu kemmo ka ɔmmɔ ɔsu geen na begblebi ƒui baayɔ́-ɔ!

Mateo 25:7

“Amu na begblebi leevu bammɔ báta na bátu bana lɛsogya.

Yohane 18:3

Anwuɔsu Yuda lɛnɔ útiku Romaƒuɔ bekpone ku kakpakɔ bagyumanane bani na bakpane benengu ku Ƒarisiƒuɔ bátala. Bekyuli bamɛni bada lɛlɔ ku ekpola ku lɛsogya ku likpo.

Budie Taatina 8:10

Katɔti ɔtu ɔtɛdi ɔ́vwi nwuna kakpɛɛ. Amu na lɛyabi bonwu lɛdi lɛni mɔɔda aani ogya lɛ́lɛ líbo lɛ́si kayaa na lɛ́yu ntukpa ƒui lɛkpa lɛtɛdi ku abiɔ ƒui lɛlɔ.