Mateo 24:7 - Katɔti Ɔku Kedee

⁷ Kalɔ kadi bekyuli badubɔta na bekpoku babambadi. Na lɛga kadikɔ kadubukpoku kabambadi. Na kɔka kɔdububo na ekpo ekpo. Na kalɔ lɛnɔ kadubo butaakunku na ekpo ekpo.

Mateo 24:7 Referans Kwoze

Luka 21:11

Kalɔ bɔkunku kpakplaa bɔdubɔkya. Na kɔka bonwu lɛnɔ kɔdubo bɔkya. Na lɛlɛ lidu lidu lɛnɔ lɛdubɔƒɔ ekpo ekpo ƒui. Na liƒu ala adubo butaalɛ na kayaa.

Budie Taatina 6:8

Na mmɔ ni, lɛ́nu ka ɔpɔnkɔ ƒuƒuu ɔdi unye aani ɔlɛne. Na básia ukyuli ɔni nlie-nwu lɛlɔ lɛnyi banii Kukpi. Na ukyuli bamba ɔkpɛ-nwu kama ɔni baalɔ Kekpine. Béte-ma ɔyikun ka badu kalɔ lɛkpa linedi bekyuli ƒui. Na kekpo ku kɔka ku ɔlɛ ku beƒiebuo ndubɔdu-ma.

Yesaia 19:2

Ɔsika Unwoti ɔnini, “Ndubɔtu-ma lɛkya ama alati lɛlɔ lɛlɔ, na ama Egyipteƒuɔ lɛti lɛti bekpoku lɛlɔ. Ɔnwa ɔnanabi ɔdubukpoku ɔnwani ɔnanabi, na ɔkpana ukpoku ɔkpana, na ɔma ɔta na ukpoku ɔma na kalɛkɛ kata kekpoku kalɛkɛ.

Sakaria 14:13

Na Unwoti ɔdubɔya na bataayia lɛlɔ ɔni na badubɔta beteekpoku lɛlɔ lɛlɔ taabla lɛlɔ kalala

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Ala Alɛdi 2 15:6

Kɔlɔ kuukpóku lɛlɔ na lɛma na bekyuli baabwɛ lɛlɔ lɛma linengudi taayila-nu udu. Ɔsika Katɔti ɔ́ya na lɛbibo bɔnwuna takɛ bɔ́ƒɔ kesi kesii.

Budie Taatina 6:12

Ɔmɛni kama ni, lɛ́nu ka Koƒonu Ubi ɔmmɔ ɔ́mami kɔma likpo lɛkundi. Na kayawi kemodi kákunku kpakplaa, na ɔƒɛ ɔ́da bukeye ɔ́ya, na ala ƒui ábla suu. Na kɔbuli kumodi kɔmmɔ kɔ́vumana kɔ́bla aani ubugya.

Hebriƒuɔ 12:27

Etemila ani na ɔ́su ɔnii, “Nsɔ ndubo bɔkunku kunwi” ni, ɔɔtina ka Katɔti ɔdubɔda ala ani na údie na aakunku mmɔ budie ana kenyekɔ. Na ani na balákana bɔkunku asɔ akya.

Esekiel 21:27

Ndubo bɔya na Yerusalem ɔbwɛ unwini atɔnku ɔma uwi ɔni na mina kabla ɔblane ɔni na lɛ́ƒuna ɔdubo bɔda bɔlɛ na ubani ɔma unengudi ɔmmɔ kɔtu.’ ”

Esekiel 14:21

“Ami ndi Unwoti Katɔti na muusé kenye ka ndubo Yerusalem kɔtɔ bɔni geen. Ndubo bɔya na kekpo ku kɔka ku lɛlɛ likpidi ku beƒiebuo bebo babadu bekyuli ku bebuo bammɔ ƒui.

Batalane Kabla 2:19

Na ndubɔya akɔla budie taatina ataalɛ na kayaa ku kalɔ lɛlɔ ƒui. Bɛdubɔnu ubugya ku ogya ku uyɔ pii.

Yesaia 29:6

Na Unwoti Ɔyikune Ƒui ɔdububo, na bɛdubunu ka katɔ keedu momoomo, na kalɔ kaakunku, na ɔƒɛƒɛɛ kpakplaa uukpó, na ogya ɔni mɔɔkyula ala uudie unyemi.

Budie Taatina 6:5

Ɔmɛni kama ni, Koƒonu Ubi ɔmmɔ ɔ́mami kɔma likpo lɛtɛdi. Mmɔ ni, línu ka ngba batu bammɔ akɔ ɔtɛdi ɔ́su ɔnini, “Bo!” Na ka mɔɔnu ni, lɛ́nu ɔpɔnkɔ totonto ɔdi ka unye. Na ukyuli ɔni nlie ɔpɔnkɔ ɔmmɔ lɛlɔ ɔda kakpagyuɛ kani na baakɔ́ku ala unu taanu.

Budie Taatina 6:6

Línu ka kɔku kɔdi kɔ́si ngba batu ine bammɔ kudɔ aani ukyuli butemi, na lɛdi lɛmmɔ lɛ́su lɛnini, “Ya na kamu kalaku kenwi kuye kɔkɔ kutédu limeyi lɛyuƒɔla, na antabi kɔlaku ɛtɛ kuye lɛnɔ kɔkɔ kutédu limeyi lɛyuƒɔla. Nsu tavumana nnɔ iye ntɛ bɔmmɔ kuye!”