Mateo 24:5 - Katɔti Ɔku Kedee

⁵ Bekyuli pii badubuti mina lɛnyi bebo babasu-mii banini, ‘Ami ndi Ukyuli Ɔƒunadi ɔmmɔ’ na batɔlɔ bekyuli pii.

Mateo 24:5 Referans Kwoze

Mateo 24:24

Ɔsika bekyuli badubɔta banyi ɔkɔ banii ama ndi Ukyuli Ɔƒunadi ɔmmɔ, na badi lɛnɔ basu banii Katɔti kenye bediene badi. Na badubɔbla akɔla budie bɔtina ebendi lidu lidu, kalɛ na si nka bakana ni, beti batɔlɔ bekyuli bani na Katɔti ɔ́ƒuna úse muedi.

Mateo 24:11

Bekyuli pii badubɔta banyi ɔkɔ banii ama ndi Katɔti kenye bediene na batɔlɔ bekyuli pii.

Yeremia 14:14

Mmɔ na Unwoti údie kenye ɔnini, “Ama alati mɔɔsu taatina ka ami mina kenye na beedie, nsu ɔkɔ na baanyi! Ɔsika ńtasu-ma lɛla lɛdi muedi útédu ka mɔɔƒuna-ma nnii benwini mina kenye bediene. Kenye kani baasu kási ana ekpludi ani na beegyé ku like lɛni na beebó ku ama alati ala ani na baakali taanu kemmo.

Yohane 1 2:18

Mina bebi bayɔne, mɔɔsu-mii nnii kayawi kadaku kawɔlɔkɔ budu. Na aani kalɛ na bínu ka Kristo ukisine ɔmmɔ ɔdububo ni, ɔƒɛni muedi Kristo bekisine pii béebo bakya. Na ɔmmɔ ndi kalɛ na búti bɔ́ti ka kayawi kawɔlɔkɔ kammɔ kéede.

Yeremia 23:25

“Kenye bediene bani nálɛ-mii kama mɛni baasu taatina ka ami náya na bégye ana iye ami nédie lɛla lɛdi lɛ́tina-ma na kɔyu kemmo na benye-mi lɛnyi lɛlɔ baanyi ɔkɔ.

Yohane 5:43

Ngyi ɔmɛni ɔsika líbo-mii kudɔ nnye na mina Ɔti kenyekɔ, nsu bítegyingya enu bítaƒɔ-mi. Na binye kagyumana ka bɛƒɔ ukyuli ɔni nnye anwu ɔlati kenye mmomu.

Budie Taatina 13:8

Na bekyuli bani ƒui nlie kalɔ lɛlɔ badubɔlɛ akɔnkɔ bete-nwu, ntu bekyuli bani anyi na bénweni bákya ngba ɔku kemmo bése asa na Katɔti údie kayawi. Ngba ɔku ɔmmɔ ɔdi Koƒonu Ubi ɔni na béti bákpa ɔdi.

Yeremia 23:21

Ńtatala kenye bediene bamɛni na ńtasu-ma lɛla lɛdi lɛnɔ, nsu bakɛ usi bébo-mii kudɔ bébo baakɔ́ ama alati bana etemila lɛsa teete-mii.

Yeremia 37:9

Utabla-mii aani Babilonƒuɔ bammɔ badubɔsɔ benwini aani kudeedi kalɛ na bise lɛlɔ lisusu.

Yohane 8:24

Lɛ́su-mii ka bɛdubo bukpi bɔkya bina ekpidi kemmo. Na si bítaƒɔ bítadi ka ami ndi Anwu ɔmmɔ ni, bɛdubo bukpi bɔkya bina ekpidi kemmo sɔsɔ.”

Yohane 8:28

Anwuɔsu Yesu ɔ́su-ma ɔnini, “Si uwi ɔni na bɛ́kɔliku Ukyuli Ɔyawine Ubi katɔ ni, mmɔ na bɛdubɔti ka ami ndi Anwu ɔmmɔ. Na naaabla lɛla lɛdi na ami ɔlati ɔyikun kemmo. Mmomu mɔɔtɛmi kalɛ kani na mina Ɔti ɔ́tina-mi.

Yohane 1 2:22

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.

Yohane 1 4:3

Nsu ukyuli biala ɔni meni ka ɔsu ɔnii Yesu úbo aani ɔyawine kalɛ ni, kɔyu kɔni na ubo mmɔ kútasi Katɔti kudɔ. Kɔyu kɔmɛni kɔdi Kristo ukisine. Na bínu ka kɔyu kɔmmɔ kɔdububo kayawi, na kúubo kɔkya ɔƒaani muedi.