Mateo 24:45 - Katɔti Ɔku Kedee

⁴⁵ “Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 24:45 Referans Kwoze

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Mateo 25:23

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.

Timoteo 1 1:12

Naaakana Blɔti Yesu Kristo enu bɔgya na ɔyikun ɔni na úte-mi ɔnii ntaabla kabla kamɛni ɔsu. Na sɔsɔ ni, úti-ka ɔ́kya-mi enu kemmo. Ɔsika ɔ́nu-mi ɔ́ti ka naaalɛ-nwu kama.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Luka 19:17

“Mmɔ na Unwoti ɔmmɔ úte-nwu mbo ɔnii, ‘Ábla-nwu kaduɛ! Kabla ɔblane ɔbuni na adi! Ka áda kabla blii suɛ kamɛni ulu lɛlɔ ɔsu ni, ndubuti-ɔ linyene lɛma linengudi leevu kenye.’

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 10:16

“Bɛnu! Mɔɔtala-mii aani baƒonu lɛkya begiti akɔ. Binye kagyumana aani balakpi kalɛ, nsu bɛda lɛlɔ aani babloduma.

Mateo 25:2

Bana kemmo ɛlɔ badi badɔlɔdi, na ɛlɔ bakladi lɛnɔ badi banundane.

Mateo 7:24

“Anwuɔsu ni, ukyuli ɔni muunú mina etemila amɛni na ɔɔdi-nya lɛlɔ ni, ɔdi ɔnundane. Use aani ukyuli ɔni nátu nwuna ɔtɔ na lɛtakpɛ lɛlɔ.

Esekiel 34:2

“Esekiel, ɔyawine ubi, Israel batɔnkune bese aani baƒonu badane bani mɔɔnu mina baƒonu bani ndi Israel kadi bekyuli lɛlɔ. Nsu mɔɔwia ka lɛdu bɔtɔnkune bamɛni kɔtɔ na lɛsu-ma nnini, ‘Ami Unwoti Katɔti mɔɔsu amii Israel baƒonu badane nnii bɛdubo udu bɔyii na amii ɔdi ɔsa! Bɛɛnu amii alati lɛlɔ na bíni mina baƒonu lɛlɔ bɔnu.

Agba 14:35

Lɛlɔ lɛɛyɔ́ ɔga na kabla bablane bani ngyi bana kabla na baabla-ka ulu lɛlɔ lɛlɔ. Na bani na lɛsɛ kani na baakya na balásia kabla anu ni, ɔɔkɛ́ku-ma kɔnyi.

Agba 28:20

Ukyuli ɔni mɔɔsia ala anu taabla-nya ulu lɛlɔ ni, ɔdubɔkɛ lɛyuƒɔla bonwu. Nsu ukyuli ɔni mɔɔwia ka unwini ɔlakɛne kɔnakunwi ni, ɔdubuduo ɔgbankpi kemmo.

Mateo 24:46

Kubiti geen ndubo kabla ɔblane ɔmmɔ bɔda si nwuna unwoti ɔ́si úbo úbanu ka ɔɔbla lɛla lɛni na ɔ́su.

Israelƒuɔ Bɔlɛ 36:4

Mmɔ na bekyuli bani ƒui nkya mɔɔtú Kevo kammɔ báda bana abuala béwi.

Rut Keliela Ɔku 2:6

Amu na kabla bablane unengu ɔmɛni údie kenye ɔnini, “Ulekubi ɔmɛni ndi Moabni ɔni nási Moab kalɔ lɛlɔ na ɔ́siaku Naomi úbo mmɔ.”

Esekiel 46:24

Amu na ɔnana ɔmɛni ɔ́su-mi ɔnini, “Mmɔ na kakpakɔ kabla bebunkune beeƒulo lɛna lɛni na bekyuli bani nébo babakpa Katɔti béboku.”