Mateo 24:42 - Katɔti Ɔku Kedee

⁴² “Anwuɔsu bilie kagyumana, ɔsika bɛɛɛgyi limeyi lɛni na bina Unwoti ɔdububo.

Mateo 24:42 Referans Kwoze

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Tesalonikaƒuɔ 1 5:6

Anwuɔsu bitaya na bɔlɛɛ na budie lɛlɔ atu aani ama bani naaagyi Blɔti. Mmomu bɛya bunye kagyumana na bɔda lɛlɔ kaduɛ.

Mateo 25:13

Amu na Yesu ɔ́wɔlɔ lɛgba lɛmmɔ ɔnini, “Anwuɔsu bilie kagyumana, ɔsika bɛɛɛgyi limeyi iye uwi ɔni na masɔ mebo.”

Budie Taatina 16:15

“Binu! Ami Yesu ndubo bɔda bɔlɛ-mii lɛlɔ kɔnakunwi aani uyune kalɛ! Lɛlɔ lɛdubɔyɔ ukyuli ɔni nnye kagyumana na ɔda adala ani mɔɔtina ka use siin uwi biala kemmo, kalɛ na ulakɛ kasɔngya ku kɔƒa na kadi akɔ!”

Korintoƒuɔ 1 16:13

Binye kagyumana na binye kpakplaa na bɔƒɔtaadi bɔmmɔ kemmo. Bise kayi na bɛyu ɔkplu.

Mateo 24:36

“Ukyuli ɔdi ɔɔɔgyi limeyi iye uwi ɔni kemmo na ami, Ukyuli Ɔyawine Ubi, nsɔ ndubo. Katɔti batu baaagyi, na ami lɛnɔ lɛɛɛgyi. Ati lɛti kani ngyi.

Romaƒuɔ 13:11

Bɛgyinya! Na bɛsia ulu ɔmɛni lɛlɔ. Ɔsika bɛgyi uwi ɔni kemmo na bɔkya. Uwi ɔni kemmo na Katɔti ɔdubɔƒɔ-bu úude útulo uwi ɔni na bɔ́ƒɔ Kristo bɔ́di kalɔ kesekɔ.

Mateo 24:44

Lɛni kani na ɔlɛka amii lɛnɔ bilie kagyumana, ɔsika ami Ukyuli Ɔyawine Ubi ndububo mbeyu-mii lɛtu.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Mateo 24:43

Si kaduli ɔlati ɔgyi uwi ɔni na uyune ɔdububo ni, nka ɔdubulie kagyumana. Na uláya na uyune ɔmmɔ wabwɛ weduo-nwu ɔtɔ kemmo.

Mateo 25:10

“Ka bánya bátɔlɔ kani na uleku ɔgya ɔmmɔ úbeduo. Na begblebi ɛlɔ bani náda lɛlɔ bése mmɔ básiaku-nwu béduo uleku ketikɔ mmɔ, na bákalɛ ɔtɔ.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.