Mateo 24:36 - Katɔti Ɔku Kedee

³⁶ “Ukyuli ɔdi ɔɔɔgyi limeyi iye uwi ɔni kemmo na ami, Ukyuli Ɔyawine Ubi, nsɔ ndubo. Katɔti batu baaagyi, na ami lɛnɔ lɛɛɛgyi. Ati lɛti kani ngyi.

Mateo 24:36 Referans Kwoze

Marko 13:32

“Nsu ni, ukyuli biala ɔɔɔgyi limeyi iye lebo lɛni na kawɔlɔkɔ kamɛni kadubudu ina Katɔti batu ku Katɔti Ubidi muedi baaadubo bɔti, ntu Katɔti lɛti pɛ ngyi.

Batalane Kabla 1:7

Na Yesu ɔ́su-ma ɔnini, “Útalɛka bɛti uwi iye emeyi ani na mina Ɔti ɔ́su úse ka lɛla lɛdi lɛdubɔlɛ.

Mateo 24:44

Lɛni kani na ɔlɛka amii lɛnɔ bilie kagyumana, ɔsika ami Ukyuli Ɔyawine Ubi ndububo mbeyu-mii lɛtu.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Tesalonikaƒuɔ 1 5:2

Ɔsika amii alati bɛgyi geen ka Blɔti limeyi lɛmmɔ lɛdububo aani kalɛ na uyune uuyú ukyuli taatu usien.

Budie Taatina 16:15

“Binu! Ami Yesu ndubo bɔda bɔlɛ-mii lɛlɔ kɔnakunwi aani uyune kalɛ! Lɛlɔ lɛdubɔyɔ ukyuli ɔni nnye kagyumana na ɔda adala ani mɔɔtina ka use siin uwi biala kemmo, kalɛ na ulakɛ kasɔngya ku kɔƒa na kadi akɔ!”

Mateo 24:42

“Anwuɔsu bilie kagyumana, ɔsika bɛɛɛgyi limeyi lɛni na bina Unwoti ɔdububo.

Mateo 25:13

Amu na Yesu ɔ́wɔlɔ lɛgba lɛmmɔ ɔnini, “Anwuɔsu bilie kagyumana, ɔsika bɛɛɛgyi limeyi iye uwi ɔni na masɔ mebo.”

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.

Sakaria 14:7

Na Unwoti ɔlati ɔ́ɔlɛ-ni ugyii úse na ɔƒɛ ulása ulakya-ni uwi ɔdi.